Az En Ru

 

 

 

 

 

 

 

   ???? ? ?????

   

 

 

 

LDU-nun rektoru vəzifəsini

icra edən prof. Natiq İbrahimov

rector@lsu.edu.az

 

 

 

 

 

 

 

 

 

 

elmi_jurnal

 

 

LDU vakant iş yerlərinə qəbul elan edir...

 

 

 

 

Lənkəran Dövlət Universitetinin Elektron Təhsil Şəbəkəsi

 

Beynəlxalq əməkdaşlıq

 

Faydalı keçidlər

 

VİDEO =>

 

 

LDU-da professor Nihan Əliyevin rəhbərliyi ilə "Riyaziyyatın müasir problemləri" mövzusunda seminarlar təşkil edilir.

 

AKTUAL ELANLAR

Lənkəran Dövlət Universitetində ali məktəblərdə tyutor vəzifəsində çalışmaq istəyən magistr dərəcəli məzunlar və magistraturanın sonuncu tədris ili tələbələri üçün kurslar təşkil olunur =>

 

 

 

 

Lənkəran Dövlət Universitetinin (LDU) beynəlxalq əlaqələri xarici ölkə universitetləri ilə ikitərəfli əməkdaşlığı, beynəlxalq təhsil proqramlarında iştirakı, əcnəbi tələbələrin cəlbolunmasını, müvafiq beynəlxalq təşkilatlarla işbirliyini və digər istiqamətləri əhatə edir.
Xarici ölkə universitetləri ilə əməkdaşlıq tələbə və müəllim mübadiləsinin həyata keçirilməsini, ortaq Yay Məktəblərinin və ikili diplom proqramlarının reallaşdırılmasını, birgə elmi konfransların və seminarların təşkilini, qarşılıqlı faydalı təcrübə mübadiləsinin aparılmasını nəzərdə tutur. LDU Хəzəryаnı Ölkələrin Univеrsitеtləri Аssоsiаsiyаsının, Аvrаsiyа Univеrsitеtləri Аssоsiаsiyаnın və Qafqaz Universitetləri Assosiasiyasının fəаl üzvüdür. Bu Assosiasiyalardan başqa LDU dünyаnın 50-dən çох Universiteti ilə təhsil və elmi əlаqələrini inkişaf etdirməkdədir. Bu barədə müvafiq ikitərəfli müqavilələr bağlanmışdır.

 

 

 

LDU ölkəmizdə fəаliyyət göstərmiş və hal-hazırda fəaliyyət göstərən bеynəlхаlq təşkilаtlаrlа - INTАS, АBŞ-ın Аçıq Cəmiyyət İnstitutu, АBŞ Dövlət Dеpаrtаmеntinin Bеynəlхаlq Tədqiqаt və Mübаdilə Şurаsı /IRЕХ/, Аvrаsiyа Fоndu, DААD (Аlmаniyа), TЕMPUS, ERASMUS (Аvrоpа İttifаqı) - əməkdаşlıq еdir, lаyihələr həyаtа kеçirir və qrаnt layihələrində birgə iştirak edir. LDU bir neçə TEMPUS qrant lahiyəsinin qaliblərindən biridir: bunlardan Qafqaz Universitetinin əsas coordinator olduğu “Ali təhsil müəssisələrində informasiya və kommunikasiya texnologiyalarından səmərəli istifadə edilməsi üçün şəraitin yaradılması” layihəsi; Xəzər Universitetinin əsas coordinator olduğu “Əlilliyi olan insanların Azərbaycan ali təhsil müəssisələrinə inteqrasıyasının təməlinin qoyulması” layihəsi, və s. qeyd etmək olar. Bundan əvvəl Azərbaycan Dillər Universitetinin əsas coordinator olduğu “Azərbaycanda Yazılı və şifahi tərcümənin tədrisində islahatlar” layihəsi çərçivəsində Fransanın, Böyük Britaniyanın, İtaliyanın, Almaniyanın bir sıra Universitetləri ilə əlaqələr yaradılmış, müəllimlərimiz və əməkdaşlarımız həmin Universitetlərdə treninqlərdə olmuşdur. Eyni zamanda əsas koordinatoru Rumıniyanın İoan Kuzaadına İasi Universiteti olan ERASMUS MUNDUS qrant layihəsi çərçivəsində Rumıniyanın, Polşanın, Pribaltikanın bir sıra qabaqcıl Universitetləri ilə ikitərəfli əməkdaşlıq qurulmuşdur.

 

 

 

Ruminyanın A.İ.Kuza adına Universitetin professoru Lüdmila Bejenaru Universitetdə olmuş, səmimi görüş üçün minnətdarlığını bildirmişdir. Qeyd etmişdir ki, professoru olduğu A.İ.Kuza adına Universitet 153 ildir ki, fəaliyyət göstərir, ali məktəbdə 43 mindən çox tələbə təhsil alır, professor-müəllim heyəti 3 min nəfərdir. Professor L.Bejenaru Ruminya Universitetinin Azərbaycanın 3 ali məktəbi-Bakı Slavyan Universiteti, Qərb Universiteti və Lənkəran Dövlət Universiteti ilə elmi və təhsil əlaqələrinin olduğunu görüş iştirakçılarına çatdırmışdır.

 

 

 

LDU Türkiyənin qabaqcıl universitetləri ilə münasibətlərə böyük önəm verir. Bu əlaqələr həm ikitərəfli həm də Mevlana Dəyişim Proqramı çərçivəsində daha da geniş inkişaf etdirilir. Mevlana Dəyişim Proqramı çərçivəsində Türkiyənin Sakarya, Zonguldak, Sinop, Kastomonu, Artvin Coruh, Kocaeli, İğdır və digər universitetləri ilə müqavilələr bağlanmışdır.Qeyd olunan müqavilələr digər Universitetlərlə də bağlanmaqdadır.

Proqram çərçivəsində tələbə və müəllimlərin tərəfdaş universitetlərə təcrübə keçmək üçün mübadiləsi nəzərdə tutulur.

 


Hazırda LDU tələbələri qeyd olunan tərəfdaş universitetlərdə bir və ya iki semestrlik təhsil almaq imkanından geniş şəkildə istifadə edirlər. Eyni zamanda, həyata keçirilən müəllim mübadiləsi LDU-da tədris prosesinin təkmilləşdirilməsi və professor-müəllim heyətinin qabaqcıl xarici universitetlərin müsbət təcrübəsindən faydalanması baxımından mühüm əhəmiyyət kəsb edir.
LDU-nun xarici əlaqələri təkcə universitetlərlə məhdudlaşmır eyni zamanda xarici ölkələrin diplomatik nümayəndələri ilə təhsil, elm və mədəniyyət sahələrində əməkdaşlığına geniş yer verir. Qeyd olunan əməkdaşlıq çərçivəsində müxtəlif xarici dövlətlərin ölkəmizdəki səfirləri Universitetimizdə olmuşdur.
10 fevral 2016-cı ildə Hindistanın Azərbaycandakı səfiri Sanjay Rana respublikanın cənub bölgəsinə səfəri çərçivəsində Lənkəran Dövlət Universitetində olmuşdur. Universitetdə səfirlə keçirilən görüşdə geniş fikir mübadiləsi aparılmışdır, Hindistan-Azərbaycan dostluq əlaqələrindən danışılmışdır. Səfir Sanjay Rana səmimi görüşə görə minnətdarlığını çatdırmışdır. Görüşdən məmnun qaldığını bildirən səfir universitetlə əməkdaşlığına diqqətin artırılacağını bildirərək Universitetin xatirə kitabına sözlərini yazmışdır.

 

 


24 may 2016-cı ildə Macarıstanın Azərbaycandakı fövqəladə və səlahiyyətli səfiri İmrə Laszloçzki Lənkəran Dövlət Universitetində olmuşdur. Universitetin rektorunun vəzifəsini icra edən texnika elmləri doktoru, professor Nizami Yusubov qonaqları qəbul etmişdir. Görüşdə Macarıstan-Azərbaycan dostluq əlaqələrindən danışılıb, fikir mübadiləsi aparılmışdır. llllluuu Universitetin beynəlxalq əlaqələrindən danışan professor N.Yusubov bildirmişdi ki, ali məktəbin dünyanın 50-dən çox elm və təhsil ocağı ilə əlaqəsi vardır. Eləcə də Lənkəran Dövlət Universiteti və Macarıstanın Kapoşvar Universiteti arasında Bakı şəhərində, 5 mart 2016-cı il tarixində imzalanmış Anlaşma Memorandumunda nəzərdə tutulan akademik və elmi əməkdaşlıq hədəfləri haqqında söhbət aparılmışdır. Universitetlə tanışlıq qonaqlarda xoş təəssürat yaratmışdır. Qəbulda Macarıstanın sosial-iqtisadi, mədəni həyatı əks olunan buklet və xatirə hədiyyələri universitetin rəhbərliyinə təqdim edilmişdir. Səfir Heydər Əliyev Muzeyində Xatirə kitabına təəssüratını yazmışdır. Sonda xatirə şəkilləri çəkilmişdir.

 


1 mart 2017-ci ildə İsveçrə Federativ Respublikasının Azərbaycan və Türkmənstan Respublikalarındakı Fövqəladə və Səlahiyyətli səfiri Philipp Stalder Lənkəran Dövlət Universitetində olmuşdur. Fəxri qonağla LDU-nun 2 saylı tədris korpusunda universitetin rektor vəzifəsini icra edən prof. Natiq İbrahimov və prorektorlarla geniş fikir mübadiləsi aparılmışdır. Səfir onu belə səmimi və isti qarşıladıqlarına görə LDU-nun rektor vəzifəsini icra edən professor Natiq İbrahimova təşəkkürünü bildirmişdir. O, gəlişinin əsas məqsədini LDU-nun tələbələri ilə görüşüb, onlara İsveçrə, onun həyatı, təhsili, dövlət strategiyası ilə bağlı məlumat vermək və tələbələrin intellekt səviyyəsi ilə tanış olmaq olduğunu bildirmişdir. Tələbələrlə görüşdən razı qaldığını bildirən səfir professora ona yaratdığı şəraitə görə minnətdarlığını bildirmişdir. Hətta səfəri başa çatdıqdan sonra Diplomat rəsmi təşəkkür məktubu Universitetə yazmışdır.
Universitetə gələn xarici qonaqlar həmişə diyardan razılıqlarını bildirmiş və burada özlərini evlərindəki kimi hiss etdiklərini vurğulayıblar. Bu da rektorun apardığı məqsədönlü siyasətdən xəbər verir.
3 mart 2017-ci ildə Avropa İttifaqının Azərbaycan üzrə Nümayəndəliyi Lənkəran Dövlət Universitetində oldu. Nümayəndə heyətindən Siyasi, İqtisadi, Mətbuat və İnformasiya Bölməsinin rəhbəri Denis Daniilidis, nümayəndəliyin Siyasi Müşaviri dr. Auşra Raiştie-Daukantiene Universitet rəhbərliyi ilə görüşdü. İlk tanışlıqdan sonra heyət gəlişlərinin əsas məqsədini 6 ölkənin iştirakı ilə Roma müqaviləsi əsasında yaradılmış Avropa İqtisadi Birliyinin 60-cı ildönümü ilə əlaqədar Lənkəranda eləcə də Lənkəran Dövlət Universitetində Avropa günlərinin keçirilməsi olduğunu bildirdilər. Universitet rəhbərliyi onlara LDU – haqqında məlumat verərək qeyd etdi ki, bizim əsas məqsədlərdən biri dəUniversitetin qapılarını Avropaya tərəf açmaq, xüsusilə təhsil, elm və mədəniyyət sahələrində əlaqlələr qurmaqdan ibarətdir.

 

 

6-7 may 2017-ci il tarixində Avroba İqtisadi Birliyinin yaranmasının 60 illiyinə həsr olunmuş Avropa İttifaqının, Lənkəran Dövlət Univbersitetinin və Lənkəran şəhər İcra Hakimiyyətinin təşkilatçılığı ilə 20-ə yaxın Avropa ölkələrinin sfəir və nümayəndələrinin iştirakı ilə Lənkəranda Avropa günləri keçirilib. 50-ə yaxın qonaqların iştirakı ilə möhtəşəm tədbir keçirilmişdir.200-ə qədər universitet tələbəsinin qatıldığı qruplarda 45 dəqiqə müddətində Avropa ölkələrinin dili haqqında tələbələri məlumatlandırıblar. Yunan, isveç, fransız (belçika), alman, macar, ispan, ingilis, polyak, çex, fransız, litva, fin, portuqal və ingilis dilində keçirilmiş məşğələlər həm orijinal təşkili, həm xarici qonaqların və tələbə-müəllim heyətinin fəallığı, innovativ yanaşma xüsusiyyətləri ilə diqqətçəkən olub. Tələbələrin suallarını həvəslə cavablandıran avropalı qonaqlar göstərdikləri qabiliyyət və bacarığa görə təlim iştirakçılarına bu mötəbər qurumun xatirə hədiyyələrini təqdim ediblər.
Günün ikinci yarısında Heydər Əliyev Mərkəzində Avropa İttifaqının Azərbaycan Nümayəndəliyinin sədri xanım Mard Malena, Avropa İttifaqına üzv olan dövlətlərin - Almaniya, Macarıstan, Latviya, Hollandiya, Portuqaliya, Rumuniya və İsveçin ölkəmizdəki səfirləri, habelə Belçika və Çexiya səfirliklərinin nümayəndələri ilə universitet tələbələrinin görüşü keçirilib.
Bütün qeyd olunanlar Lənkəran Dövlət Universitetinin Beynəlxalq əlaqələrinin dinamik inkişafını göstəriciləridir.

 

Digər xəbərlər =>

 

 Ünvanımız: Azərbaycan Respublikası, Az4200, Lənkəran şəhəri, General Həzi Aslanov xiyabanı - 50.

 E-mail: office@lsu.edu.az;      Telefonlar:  (+994) 025 255 03 40,    025 255 10 35;      Faks:   (+994) 025 255 27 86

   
 

     

       

  © Lənkəran Dövlət Universiteti - 2016

Bütün hüquqlar qorunur

Vebadministrator