08-09 fevral 2022-ci il tarixində Bakı Biznes Universitetinin koordinatoru olduğu və Avropa Komissiyası tərəfindən maliyyələşdirilən “Azərbaycanda Rektorlar Konfransının yaradılması” adlı Erasmus+ layihəsi çərçivəsində Bakı Biznes Universitetində Azərbaycan HR İnstitutunun dəstəyi ilə “Strateji planlaşdırma və idarəetmə” adlı 2 günlük təlim baş tutmuşdur. Təlimdə layihə konsorsiumunun üzvü olan 16 ali təhsil müəssisəsinin prorektorları, digər rəhbər şəxslər iştirak etmişdir. Tədbirdə Lənkəran Dövlət Universitetindən Beynəlxalq Əməkdaşlıq Şöbəsinin müdiri Zaur Məmmədov iştirak etmişdir. Peşəkar təlimçi Nazim Əliyev təlimin ilk günündə strateji planlaşdırmanın əhəmiyyəti, planlaşdırmanın üsulları və metodları, maraqlı tərəflərin prosesə cəlb edilməsi, ali təhsil müəssisəsinin güclü və zəif tərəflərinin, mövcud imkan və təhlükələrinin təhlili, əsas fəaliyyət göstəricilərin müəyyənləşdirilməsi, büdcənin hazırlanması kimi məsələlərdən bəhs edilmişdir. Təlimin növbəti günündə performansın idarə edilməsinin müasir üsulları və formaları, yüksək performanslı komanda işinə nail olmaq üçün çevik (agile) idarəetmə yanaşması, onun əsas prinsipləri, risklərin təhlili barədə biliklər verilmişdir. Eyni zamanda təlimin ikinci günüdə iştirakçılar strateji planlaşdırma üzrə komandalar şəklində təqdimat aparmışlar. Yekunda tədbir iştirakçıları rektor i.e.d.,prof İbad Abbasovun iştirakı ilə sertitifikat və hədiyyələrlə təltif olunmuşdur.