Geri
Azərbaycan universitetlərində yaşıl və davamlı qlobal iqtisadi təkmilləşdirmə: bərpa olunan enerji mənbələrinin və iqlim dəyişikliyinin azaldılması
24 noyabr 2023-cü il tarixində Lənkəran Dövlət
Universitetində Azərbaycan Dövlət İqtisad Universitetinin koordinatorluq etdiyi, Lənkəran Dövlət
Universitetinin də tərəfdaş universitet kimi iştirak etdiyi REFRESH (“Azərbaycan
universitetlərində yaşıl və davamlı qlobal iqtisadi təkmilləşdirmə: bərpa
olunan enerji mənbələrinin və iqlim dəyişikliyinin azaldılması) layihəsi ilə
bağlı məlumat günü keçirildi. Tədbirin məqsədi LDU-nun da tərəfdaş olduğu bu
layihənin ölkəmizdə bərpa olunan enerji sahəsində tələbə, müəllim və
universitet əməkdaşlarını maarifləndirmək olub. LDU-nun Beynəlxalq əməkdaşlıq
şöbəsinin Layihələrin idarə olunması üzrə mütəxəssisi Nuri Billurə layihə ilə
bağlı təqdimat nümayiş etdirərək layihənin əhəmiyyəti, hazırkı cəmiyyətdə rolu
və digər vacib məsələlər haqda ətraflı məlumat verdi. Tədbirin 2-ci mərhələsində
Beynəlxalq əməkdaşlıq şöbəsinin Viza-sənəd işi və tələbələrlə iş üzrə mütəxəssisi
Tofiq Əliyev Erasmus+ layihələri haqda tələbələri məlumatlandırdı.
Tədbir iştirakçılar tərəfindən maraqla
qarşılandı, tələbə və müəllimlərin sualları cavablandırıldı.
Elavə olaraq qeyd edək ki, sözügedən layihənin
(REFRESH) koordinatoru Azərbaycan Dövlət İqtisad Universitetidir. Layihədə 4
Avropa universiteti (İspaniyanın Barselona Universiteti, İtaliyanın Bolonya
Universiteti, Danimarka Texniki Universiteti, İsveçin Kral Texnologiya
İnstitutu) və 6 yerli universitet (Sumqayıt Dövlət Universiteti, Gəncə Dövlət
Universiteti, Mingəçevir Dövlət Universiteti, Lənkəran Dövlət Universiteti, Azərbaycan
Texnologiya Universiteti), eləcə də, bir neçə yerli cəmiyyət və agentliklər də
tərəfdaş qismində çıxış edir. Layihənin məqsədi Azərbaycanda yaşıl enerjiyə
keçid dövrünü yaxşılaşdırmaq, tədris metodologiyalarını, kurs proqramlarını təkmilləşdirmək
və hər bir tərəfdaş ali təhsil müəssisəsində pilot kurslara başlamaq üçün Təlimçilərin
Təlimi (ToT) proqramına müəllim heyətini cəlb etməklə ali təhsil müəssisələrində
müvafiq sahə üzrə mövcud potensialı artırmaqdır.
Qeyd:REFRESH layihəsi çərçivəsində ilk təlimlərdə
iştirak etmək üçün ”Texnologiya və texniki fənlər” kafedrasının baş müəllimi
Vüsalə Muradova İtaliyanın Bolonya şəhərinə ezam olunub.