Geri
15/05/25
TEC-in elmi seminarları keçirilib
Lənkəran
Dövlət Universitetinin Elmi hissəsi ilə birlikdə müəyyən edilmiş icra planına
uyğun olaraq Tələbə Elmi Cəmiyyətinin (TEC) 2024-2025-ci tədris ili üçün
Universitetin ayrı-ayrı fakültələri üzrə Elmi seminarları keçirilib. Seminarlar
“Elmi tədqiqat işlərindən sonra nəticələrin şərh edilməsi, tezis və məqalələrin
hazırlanması və təqdim olunması” mövzusuna həsr olunub. Keçirilmiş seminarda
fakültə dekanları, fakültənin professor-müəllim heyəti, Tələbə Elmi Cəmiyyətinin
universitet üzrə sədri, fakültə sədrləri, üzvləri iştirak ediblər.
TEC-in
fakültə sədrləri seminarın mövzusu və fəaliyyət istiqaməti haqqında məlumatları
tədbir iştirakçılarına çatdırıblar.
Aqrar və mühəndislik fakültəsi üzrə fakültə dekanı dos. Balayar Şahbazov
və dekan müavini dos. Vüsalə Muradova,
Baytarlıq fakültəsi üzrə “Baytarlıq və
zoomühəndislik elmləri” kafedrasının müdiri dos. Rəhim Bilalov, Tələbə Elmi Cəmiyyətinin
fakültə üzrə sədri Səyyar Ağazadə, Təbiyyat fakültəsi üzrə “Fizika, kimya və
biologiya” kafedrasının dosenti Qorxmaz Ağayev, Tarix-coğrafiya və incəsənət
fakültəsi üzrə fakültə dekanı dos. Afaq Qasımova, “Coğrafiya və onun tədrisi
metodikası” kafedrasının dosenti Gülnarə Məmmədova, İqtisadiyyat və idarəetmə
fakültəsi üzrə Tələbə Elmi Cəmiyyətinin fakültə üzrə sədri dos. Fərid
Xankişiyev, Filologiya və ibtidai təhsil fakültəsi üzrə “Azərbaycan dili və ədəbiyyat”
kafedrasının professoru Abid Tahirli məruzə ilə çıxış edərək mövzu istiqamətində,
elmi tədqiqat işinin nəticələrinin şərh edilməsi, eləcə də tezis və məqalələrin
hazırlanması qaydaları, tədqiqat işinin nəticələrinin təqdim olunması formaları
haqqında ətraflı məlumat veriblər. Seminarın sonunda tələbələri maraqlandıran
suallar cavablandırılıb.
Mənbə:
Paylaş:
