Lənkəran Dövlət Universitetində “Müasir təlim texnologiyalarının tətbiq olunmasının təhsilin keyfiyyətinə təsiri” mövzusunda Gənc tədqiqatçıların Respublika elmi-praktik konfransı keçiriləcəkdir.

Ətraflı məlumat: Lənkəran Dövlət Universiteti Elm şöbəsi.

Ünvan: Lənkəran şəhəri, General Həzi Aslanov xiyabanı 50.

Telefon: 0252552521

07 dekabr 2019-cu il tarixdə, saat 10:00-da Lənkəran Dövlət Universitetində “Azərbaycan dili, ədəbiyyatı və onların tədrisi metodikası” kafedrasının təşkilatçılığı ilə “Azərbaycan dili və ədəbiyyatı müəllimliyi” ixtisası qrupları üzrə “Azərbaycan dili milli varlığımızdır” mövzusunda inşa müsabiqəsi keçiriləcəkdir (otaq №207). Müsabiqədə iştirak etmək istəyənlər 18.11.2019-cu il tarixindən 03.12.2019-cu il tarixinədək kafedrada (otaq № 312) qeydiyyatdan keçməlidirlər.

“Azərbaycan dili, ədəbiyyatı və onların tədrisi metodikası” kafedrası

“Akademik Məmmədağa Şirəliyevin anadan olmasının 110 illiyinin qeyd edilməsi haqqında” Azərbaycan Respublikası Prezidentinin Sərəncamına uyğun olaraq 18 noyabr 2019-cu il tarixində LDU-nun “İbtidai təhsil və məktəbəqədər təlim” kafedrasında “Akademik M.Şirəliyev və Azərbaycan dilçiliyi” mövzusunda elmi seminar keçirilmişdir. Seminarda kafedra müdiri dos.A.Əliyev “M.Şirəliyevin Azərbaycan dilçiliyində yeri”, prof.Y.Ağazadə “Məmmədağa Şirəliyevin dilçi alimlərin yetişməsində rolu” , dos.R.Feyziyeva “Akademik Məmmədağa Şirəliyevin həyatı, elmi və ictimai fəaliyyəti”, kafedranın müəllimi doktorant Nərmin Məmmədova “Lənkəran ədiblərinin əsərlərində dialekt və şivələrdən istifadə”, İbtidai sinif müəllimliyi ixtisasının II tədris ilinin tələbəsi Şəhanə Baloğlanlı “Yardımlı rayon şivəsinin bəzi özəllikləri” mövzularında məruzə etmişlər.

"İbtidai təhsil və məktəbəqədər təlim” kafedrası