Geri

05/05/21

Şəhidin ailəsi ziyarət olundu.


On bir ayın sultanı Ramazan həm də savab, xeyirxah əməllər ayıdır. Bu ənənəyə sadiq qalan Lənkəran Dövlət Universitetinin rektoru, professor Natiq İbrahimov, universitetin Sosial məsələlər üzrə prorektoru , şəhid atası, dosent Kamran Kazımov bu gün LDU-nun İqtisadiyyat fakültəsinin 2020-ci il məzunu, 44 günlük Vətən savaşında qəhrəmanlıqla şəhid olan Cavanşir Həmidovun Lerik rayonunun Çayrud kəndində yaşayan ailəsini ziyarət ediblər. Şəhid məzunun ailə üzvləri, doğmaları ilə görüşən Natiq İbrahimov şəhidin ruhuna rəhmət,valideynlərinə isə Allahdan səbr diləyib, belə igid oğulların bütün Azərbaycanın fəxri olduğunu deyib, xatirələrinin daima yaddaşlarda yaşayacaqlarını bildirib.

Şəhidin adını daşıyan ev-muzeyi ilə tanışlıqdan sonra Cavanşir Həmidovun Çayrud kəndindəki məzarı ziyarət olunub.Şəhidin atası Namiq Həmidov oğlunun xatirəsini yad etdiklərinə görə universitet rəsmilərinə ailə üzvləri adından minnətdarlıq bildirib.Şəhid atası onunla eyni ağrını paylaşan Kamran Kazımova oğlu Vüsalın şəhid olmasına görə də başsağlığı verib, vətənə dar gündə sipər olan oğullarla qürur duyduqlarını dilə gətirib.

Şəhidin ailəsi ziyarət  olundu.


Mənbə:
Paylaş: