Lənkəran Dövlət Universitetində (LDU) “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün Strategiya”nın icrası ilə əlaqədar olaraq maarifləndirici seminar keçirilib. Qeyri- İnfeksion xəstəliklərin risk amillərinin (tütündən istifadə, spirtli içkilərdən sui-istifadə, qeyri-sağlam qidalanma, fiziki passivlik) azaldılması mövzusunda keçirilən tədbiri giriş sözü ilə universitetin Tədqiqat işləri və innovasiyalar üzrə prorektoru vəzifəsini icra edən dosent Elvin Əliyev açaraq seminarın məqsəd və məramı barədə iştirakçılara məlumat verib. Məruzəçi, universitetin baş müəllimi Əhmədağa Tahirov zərərli vərdişlərin insan həyatında oynadığı mənfi roldan, həyat və sağlamlığa təsirinin ağır fəsadlarından, mübarizə yollarından və qabaqlayıcı profilaktik tədbirlərdən ətraflı bəhs edib.

Məruzə ətrafında çıxışlarda müzakirə edilən mövzuya münasibət bildirilib.Sonda iştirakçıları maraqlandıran suallar cavablandırılıb.