Lənkəran Dövlət Universitetində (LDU) Azərbaycanın Birinci vitse-prezidenti, Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban xanım Əliyevanın doğum gününə həsr edilmiş “Qlobal pandemiyanın Azərbaycan iqtisadiyyatına təsirləri və onunla mübarizənin milli strategiyası” mövzüsündə onlayn seminar keçirilib.

Onlayn seminara Lənkəran Dövlət Univeristetinin professor-müəllim heyəti və tələbələri qatılıb.Tədbiri LDU-nun İqtisadiyyat fakültəsinin dekanı dos.Gülbəniz Əliyeva açıb və ilk öncə Azərbaycanın Birinci vitse-prezidenti Mehriban xanım Əliyevanı doğum günü münasibətilə konfrans iştirakçıları, həmçinin, LDU-nun rektoru vəzifəsini icra edən prof.Natiq İbrahimovun, professor-müəllim-tələbə heyətinin adından təbrik edib, Azərbaycan dövlətinin inkişafı, xalqımızın tərəqqisi yolundakı fəaliyyətində uğurlar arzulayıb.Seminarın olduqca aktual mövzuya həsr edildiyini deyən G.Əliyeva COVİD-19 pandemiyasının milli iqtisadiyyata, məşğulluq və sahibkarlıq subyektlərinə mənfi təsirinin azaldılması istiqamətində ölkədə, o cümlədən LDU-da görülən tədbirlərdən danışıb,bu yöndə makroiqtisadi prioritetləri ətraflı şərh edib. Azərbaycan Respublikasının Birinci vitse-prezidenti Mehriban xanım Əliyevanın xalqın sağlamlığı, təhlükəsizliyinin qorunması, sosial müdafiəsi ilə bağlı çoxşaxəli fəaliyyətindən söz açan məruzəçi bu işlərin xalqın ürəyincə olduğunu, onların rifahına xidmət etdiyini, mənafeyi ilə üst-üstə düşdüyünü xüsusi vurğulayıb.

Çıxışçılar koronavirus pandemiyasının Azərbaycan iqtisadiyyatına təsirləri və dövlət başçısı Cənab İlham Əliyevin rəhbərliyi ilə həyata keçirilən məqsədəyönlü, qabaqlayıcı tədbirlər nəticəsində iqtisadiyyata dəyən ziyanın minimuma endirilməsi,LDU-da bu istiqamətdə görülən işlər, qarşıda duran vəzifələrlə bağlı geniş fikir mübadiləsi ediblər.