Lənkəran Dövlət Universitetinin( LDU) Təbiyyat fakültəsində Coğrafiya və ekologiya kafedrasının təşəbbüsü və təşkilatçılığı, fakültə dekanlığının dəstəyi ilə AMEA-nın akademik Həsən Əliyev adına Coğrafiya İnstitutunun direktoru, akademik Ramiz Məmmədovun elmi seminarı keçirilib.

"İqlim dəyişmələri zamanın çağırışıdır və onun Azərbaycan ərazisində təzahürü və tullantıların iqlim dəyişmələrinə təsiri " mövzusuna həsr edilən seminarda akademik Ramiz Məmmədov müasir dövrün ən qlobal problemi olan iqlim dəyişikliklərinin müxtəlif təzahür formalarını,fəsadlarını faktlar və elmi nəticələr əsasında şərh edib,araşdırmalarını slaydlarla praktik nümayiş etdirib.

Elmi seminarın gedişində tələbələrin və ixtisaslı kadrların iştirakı nəzərə alınaraq “Bərk və plastik məişət tullantılarının idarə edilməsi sahəsində ictimai maarifləndirmə barədə də söhbət aparılıb.

Müəllim və tələbələrlə qarşılıqlı diskussiya şəraitində keçən seminarda dinləyiciləri maraqlandıran məqamlara aydınlıq gətirilib, suallar cavablandırılıb.