Bakı Dövlət Universiteti (#BDU) Təhsil Nazirliyi və ali təhsil müəssisələrinin birgə start verdiyi layihəni #HərZamanTəhsil həştəqi ilə davam etdirir.
Bakı Dövlət Universitetində koronavirus (COVID-19) infeksiyasına yoluxma hallarına yol verilməməsi və onun qarşısının alınmasını təmin etmək üçün hazırlıq işləri yüksək səviyyədə davam etdirilir. Yeni tədris ilinin başlamasına az müddətin qaldığını nəzərə alaraq, BDU-da virusa qarşı təhlükəszliyin təmin edilməsi məqsədilə təlimat kitabçası hazırlanır. Təlimatda bütün metodik göstərişlər öz əksini tapıb. Universitetdə əməkdaşların təhlükəsizliyi üçün lazımi şərait yaradılıb.
BDU-nun yataqxanası yeni tədris ilində - ənənəvi təhsil başlayanda tələbələrin istifadəsinə veriləcək. 220 nəfər üçün nəzərdə tutulan yataqxanada tələbələr üçün lazım olan hər şərait yaradılıb.