Lənkəran Dövlət Universiteti
Lənkəran Dövlət Universiteti 1991-ci ildə Bakı Dövlət Universitetinin filialı kimi fəaliyyətə başlamış, 1992-ci ildə isə müstəqil dövlət universitetinə çevrilmişdir. 29 il ərzində 10000-dən çox məzun universiteti bitirmişdir.
Hazırda universitetdə 4500–dən çox tələbə bakalavr, magistratura və doktorantura səviyyəsi üzrə təhsil alır, 400-ə yaxın professor-müəllim və inzibati heyət çalışır.
Universitetdə mütəmadı olaraq Beynəlxalq və Respublika elmi konfransları keçirilir. Tələbə və müəllimlərimiz Respublika və Beynəlxalq bilik müsabiqələrində, idman yarışlarında da fəal iştirak edir, həmçinin bir sıra sosial-siyasi və mədəni tədbirlərin təşəbbüskarı kimi çıxış edirlər. LDU Xəzəryanı Ölkələrin Dövlət Universitetlərinin, Avrasya Universitetləri, Azərbaycan-Rusiya Ali Təhsil Müəssisələri Assosiasiyalarının, Qafqaz Universitetləri Birliyinin üzvüdür, 50-dən artıq xarici ölkələrin ali təhsil müəssisələri ilə elmi əlaqələr qurulmuş və ikitərəfli müqavilələr imzalanmışdır.
Lənkəran Dövlət Universiteti ERASMUS+, Mevlana, HORİZON-2020 və digər beynəlxalq layihələrinin iştirakçısıdır. Bu layihələr çərçivəsində universitetimiz bir çox xarici universitetlərlə tələbə və müəllim mübadiləsi həyata keçirmiş, “QS Rankings”ə qoşulmuş, bir sıra həm xarici, həm də respublika ali təhsil müəssisələri ilə ikili diplom müqavilələri imzalamışdır.
Hazırda təhsil və tədqiqat işləri 5 fakültə və 13 kafedrada həyata keçirilir:
FAKÜLTƏLƏR:
- Təbiyyat fakültəsi
- Filologiya və ibtidai təhsil fakültəsi
- Tarix-coğrafiya və incəsənət fakültəsi
- İqtisadiyyat və idarəetmə fakültəsi
- Aqrar və mühəndislik fakültəsi
KAFEDRALAR:
- Riyaziyyat və informatika
- Kimya və fizika
- Biologiya və ekologiya
- Coğrafiya və onun tədrisi metodikası
- Tarix və onun tədrisi metodikası Azərbaycan dili və ədəbiyyat
- Xarici dillər və tərcümə
- İbtidai təhsil və məktəbəqədər təlim
- Pedaqogika, psixologiya və incəsənət fənləri
- Maliyyə idarəetməsi və audit
- İqtisadiyyat və innovativ idarəetmə
- Texnologiya və texniki fənlər
- Baytarlıq və aqrar fənlər
Beynəlxalq Əməkdaşlıq Şöbəsi
Fəaliyyət istiqamətləri:
- Xarici ölkə universitetləri ilə ikitərəfli əməkdaşlıq
- Tələbə-müəllim mübadiləsi
- Beynəlxalq təhsil proqramlarında iştirak
- Əcnəbi tələbələrin universitetə cəlb olunması
- Layihələrlə bağlı Beynəlxalq təşkilatlarla əməkdaşlıq
Yaranma tarixi:
- Beynəlxalq Əməkdaşlıq Şöbəsi 2015-ci ildən Elm və beynəlxalq əməkdaşlıq şöbəsinin tərkibində, 2018-c il 1 yanvar tarixindən isə müstəqil şəkildə fəaliyyət göstərməyə başlamışdır.
- Lənkəran Dövlət Universitetinin (LDU) beynəlxalq əlaqələri xarici ölkə universitetləri ilə ikitərəfli əməkdaşlığı, tələbə müəllim mübadiləsi, beynəlxalq təhsil proqramlarında iştirakı, əcnəbi tələbələrin cəlb olunmasını, müvafiq beynəlxalq təşkilatlarla işbirliyini və digər istiqamətləri əhatə edir.
- Xarici ölkə universitetləri ilə əməkdaşlıq tələbə və müəllim mübadiləsinin həyata keçirilməsini, ortaq Yay Məktəblərinin və ikili diplom proqramlarının reallaşdırılmasını, birgə elmi konfransların və seminarların təşkilini, qarşılıqlı faydalı təcrübə mübadiləsinin aparılmasını nəzərdə tutur.
- LDU Хəzəryаnı Ölkələrin Univеrsitеtləri Аssоsiаsiyаsının, Аvrаsiyа Univеrsitеtləri Аssоsiаsiyаnın, Rusiya-Azərbaycan Ali Təhsil Müəssisələri Assosiasiyası və Qafqaz Universitetləri Birliyininin fəаl üzvüdür. Bu Assosiasiyalardan başqa LDU dünyаnın 50-dən çох universiteti və institututları ilə təhsil və elmi əlаqələrini inkişaf etdirməkdədir və bu barədə müvafiq ikitərəfli müqavilələr bağlanmışdır.
- LDU hal-hazırda ölkəmizdə fəaliyyət göstərən bеynəlхаlq təşkilаtlаrlа – British Council (Birləşmiş Krallıq), DААD (Аlmаniyа), CAMPUS (Fransa), ERASMUS+, Mevlana (Türkiyə) və digər təşkilatlarla əməkdаşlıq еdir, lаyihələr həyаtа kеçirir. Layihələr çərçivəsində Fransanın, Böyük Britaniyanın, İtaliyanın, Almaniyanın, Polşanın, Macarstanın və d. ölkələrin bir sıra universitetləri ilə əlaqələr yaradılmış, müəllim və tələbələr müvafiq Universitetlərdə təlimlərdə olmuşdur.
- Hal-hazırda LDU tələbələri tərəfdaş universitetlərdə bir semestrlik təhsil almaq imkanından geniş şəkildə istifadə edirlər. Həyata keçirilən müəllim mübadiləsi Universitetdə tədris prosesinin təkmilləşdirilməsi və professor-müəllim heyətinin qabaqcıl xarici universitetlərin müsbət təcrübəsindən faydalanması baxımından mühüm əhəmiyyət kəsb edir.
- LDU eyni zamanda ölkəmizin bir sıra yerli ali təhsil müəssisələri və elmi tədqiqat institutları ilə ikitərəfli əməkdaşlıq müqavilələri imzalanmışdır. BDU ilə “Azərbaycan dili və ədəbiyyatı müəllimliyi”, “Rus dili və ədəbiyyatı müəllimliyi”, “Tarix müəllimliyi” və “Ekologiya” ixtisasları, ADNSU ilə imzalanmış müqaviləyə əsasən “Kompüter mühəndisliyi”, ADPU ilə bağlanmış müqaviləyə əsasən “Kimya və Biologiya müəllimliyi”, “İbtidai sinif müəllimliyi”, UNEC ilə bağlanmış müqaviləyə əsasən “İqtisadiyyat” və “Biznesin təşkili və idarə edilməsi” ixtisasları üzrə təhsil alan tələbələrə İkili Diplomların verilməsi, Xəzər Universiteti, Bakı Mühəndislik Universiteti, Bakı Avrasiya Universiteti, Azərbaycan İlahiyyət İnstitutu, Azərbaycan Texnologioya Universiteti ilə əməkdaşlıq müqaviləsi və protokollar imzalanmış və buna əsasən müəllim, tədqiqatçı, tələbə mobilliyinin sürətləndirilməsi imkanları yaradılmışdır.
- Ali təhsil müəssisələri ilə yanaşı AMEA-nın Genetik Ehtiyatlar İnstitutu, Mikrobiologiya, Dendrologiya, Molekulyar Biologiya və Biotexnologiyalar İnstitutu, Torpaqşünaslıq və Aqrokimya, Folklor İnstitututları, Lənkəran Regional Elm Mərkəzi və digər institutlarla ilə əməkdaşlıq edilir.