Asudə vaxtın və tədbirlərin təşkili şöbəsi


Sosial məsələlər üzrə prorektorun illik iş PLANI - 2019-2020

Asudə Vaxtın və Tədbirlərin Təşkili Şöbəsinin əsas fəaliyyət istiqaməti tələbələrə mənəvi, əxlaqi və estetik dəyərlərin, bədən tərbiyəsi, idman və sağlam həyat tərzinin təbliği, təhsilalanların vətənpərvərlik ruhunda tərbiyə edilməsi, tələbələrələ ideoloji işin gücləndirilməsi, tələbələrin mədəni-yaradıcılıq səviyyələrinin yüksəldilməsi, tələbə ictimai birliklərinin işinin əlaqələndirilməsi; peşəkar əmək, o cümlədən, tələbə komandalarının inkişafı; tələbələrlə psixoloji və sosial işin həyata keçirilməsi, tələbələrin sosial vəziyyətinin araşdırılması və bununla bağlı müvafiq tədbirlərin həyata keçirilməsi.

Azərbaycan Respublikası Prezidentinin təhsilə aid sərəncamlarından, Azərbaycan Respublikası Nazirlər Kabinetinin, Elm və Təhsil Nazirinin əmrlərindən irəli gələn tədbirlərin həyata keçirilməsi, Universitet əməkdaşları və tələbələrin asudə vaxtlarının, dövlət və milli bayramların yüksək səviyyədə təşkil edilməsi məqsədi ilə qarşımızda aşağıdakı vəzifələr durur:

Azərbaycan Respublikası Prezidentinin təhsilin inkişafı” üzrə Dövlət Proqramları”nın icrası ilə bağlı sərəncamlarından irəli gələn müvafiq tədbirlərin təşkil edilməsi

Azərbaycan Respublikası Nazirlər Kabinetinin, Elm və Təhsil Nazirinin əmrlərindən irəli gələn tədbirlərin həyata keçirilməsi

Azərbaycançılıq ideyasının və milli-mənəvi dəyərlərmizin təbliği istiqamətində tədbirlərin təşkili

Azərbaycanın müstəqilliyi və ərazi bütövlüyü uğrunda döyüşlərdə şəhidlərin sağlamlığından olmuş qazilərin, döyüşçülərin təbliği

Vətən müharibəsi qəhrəmanlarının xatirəsinə həsr edilmiş sərgilərin təşkli və filmlərin nümayiş etdirlməsi

Azərbaycanın qədim tarixi, elmi, mədəniyyəti, incəsənəti, dövlətçilik ənənələri, tarixi şəxsiyyətləri ilə bağlı konfrans, seminar, təqdimat, ədəbi-bədii gecələrin, bədii qiraət müsabiqələrinin, təqdimatların keçirilməsi

Azərbaycanın tarixi günlərinin və milli bayramların təntənəli şəkildə qeyd edilməsi

44 günlük Vətən müharibəsində və antiteror əməliyyatında torpaqlarımızın işğaldan azad edilməsi uğrunda şəhid olan əsgər və zabitlərimizin, mülki vətəndaşlarımızın xatirəsinə həsr olunmuş silsilə tədbirlər keçirilməsi

Universitet tələbələrinin respublikanın ictimai, mədəni və sosial-iqtisadi həyatında fəal iştirakını təmin etmək

intellektual oyunların tələbələr arasında təbliği, intellektual potensialı olan tələbələrin aşkara çıxarılması məqsədi ilə müsabiqələrin, intellektual oyunların keçirilməsilməsi

Korporativ şənlik tədbirlərinin təşkili

Lənkəran Dövlət Dram Teatrına səfərlərin təşkili

Lənkəran rayonunda yerləşən muzeylərə ekskursiyaların təşkili

İdman-istirahət qruplarının və seksiyalarının təşkili, idman yarışlarında iştirak (sağlam həyat tərzi)

Tələbələr arasında könüllülük fəaliyyətinin təşviq edilməsi

Karyera günlərinin təşkil olunması

Məzun yarmarkasının keçirilməsi

Şöbədə aşağıdakı təşklat, klub və dərnəklər fəaliyyət göstərir:

1. Tələbə Gənclər Təşkilatı

2. Rəqs klubu

3. İdman klubu

4. İntellektual oyunlar klubu

5. Tələbə teatr klubu

6. Kitab klubu

7. Conservation klub

8. Poeziya dərnəyi

9. Musiqi yaradıcılıq dərnəyi

10. Təsviri incəsənət dərnəyi

Asudə vaxtın və tədbirlərin təşkili şöbəsi

Şöbənin müdiri - Bayramov Müşfiq Cabir oğlu, tarix üzrə fəlsəfə doktoru, dosent

Bayramov Müşfiq Cabir oğlu - 1976-ci il dekabrın 10-da Lənkəran rayonunun Vilvan kəndində anadan olmuşdur. 2004-cü ildə Bakı Dövlət Universitetinin Tarix fakültəsinin bakalavr səviyyəsini, 2006-cı ildə isə Bakı Dövlət Universitetinin “Arxeologiya və etnoqrafiya” ixtisaslaşması üzrə magistratura pilləsini fərqlənmə diplomu ilə bitirmişdir. 2015-ci ilin may ayında Azərbaycan Milli Elmlər Akademiyasının Arxeologiya və Etnoqrafiya İnstitutununda arxeologiya ixtisası üzrə “Azərbaycanın orta əsr kənd tipli yaşayış yerləri (IX-XIII əsrin əvvəlləri) mövzusunda tarix elmləri üzrə fəlsəfə doktoru dissertasiyasını müdafiə edərək tarix üzrə fəlsəfə doktoru elmi dərəcəsi almışdır. Hazırda Bakı Dövlət Universitetinində 5509.01 – “Tarixşünaslıq, mənbəşünaslıq və tarixin tədqiqat üsulları” ixtisaslaşması, elmlər doktoru proqramı üzrə “Səlcuq dövlətinin tarixşünaslığı” mövzusunda doktorluq işi üzərində tədqiqatlarını davam etdirir. Lənkəran Dövlət Universitetində tyutor, elmi katib, müəllim, baş müəllim, LDU Həmkarlar İttifaqı Komitəsinin sədri, Humanitar və Tarix-coğrafiya və incəsənət fakültələrinin tədris işləri üzrə dekan müavini vəzifələrində çalışmışdır. 18 yanvar 2024-cü il tarixindən Asudə vaxtın və tədbirlərin təşkili şöbəsinin müdiri vəzifəsində çalışır. 2 dərs vəsaitinin, beş fənn proqramının, yerli və xarici (Türkiyə, Rusiya, Ukrayna) elmi jurnallarda çap olunmuş 50-dən artıq elmi məqalə və tezisin müəllifidir.

2016-cı ildən Yeni Azərbaycan Partiyasının üzvüdür. Ailəlidir, 2 övladı var.

E-mail: mushfiq76@mail.ru

Zülfiqarov Tahir Paşa oğlu

1957-ci ilin yanvarın 29-da Lənkəran şəhərində anadan olmuşdur. 1974-cü ildə İmişli rayonu 34 nömrəli dəmiryol orta məktəbinin 10-cu sinfini bitirmişdir. 1979-cu ildə S.M.Kirov adına Azərbaycan Dövlət Universitetinin tarix fakültəsini tarixçi, tarix və ictimaiyyət müəllimi ixtisası üzrə bitirmişdir. 1979-cu ildən 1986-CI ilədək Lənkəran şəhər 3 nömrəli orta məktəbində tarix və ictimaiyyət müəllimi, 1986-1987-ci illərdə həmin məktəbdə təlim-tərbiyə işləri üzrə direktor müavini, 1987-1988-ci illərdə Lənkəran Şəhər Təhsil Şöbəsində məktəb inspektoru, 1988-1999-cu illərdə Lənkəran şəhər 3 nömrəli orta məktəbində direktor, 1999-2003-cü illərdə Lənkəran şəhər 1 nömrəli orta məktəbində təlim-tərbiyə işləri üzrə direktor müavini, 2003-2016-cı illərdə Lənkəran Şəhər İcra Hakimiyyətində əvvəlcə təhsil, səhiyyə və mədəniyyət şöbəsində, sonra isə ictimai-siyasi və humanitar məsələlər şöbəsində baş məsləhətçi və şöbə müdirinin müavini – dini qurumlarla işin təşkilatçısı vəzifələrində işləmişdir. 1-ci dərəcəli dövlət qulluqçusudur.

1981-1984-cü illərdə Lənkəran Musiqi Texnikumunda, 19992006-cı illərdə Lənkəran Dövlət Humanitar Kollecində ikinci iş yeri kimi ixtisası üzrə dərs demiş, müəllim, direktor müavini və direktor kimi Azərbaycan Müəllimlər İnstitutunda ixtisasartırma kurslarında olmuşdur.

2003-cü ildən Yeni Azərbaycan Partiyasının üzvüdür, ehtiyatda olan zabitdir, ailəlidir, 2 övladı vardır.

Sadıqova Banuçiçək Məhərrəm qızı

20 aprel 1993-cü il tarixində anadan olub. 1999-2011-ci illərdə Bakı şəhəri Nərimanov rayonundakı 45 saylı orta məktəbdə təhsil almışdır. 2015-ci ildə Azərbaycan Dövlət Mədəniyyət və İncəsənət Universitetinin Rejissorluq fakültəsini bitirmişdir. Həmin dönəmdə 1 il müddətində Azərbaycan Televiziyası və Radio Verlişləri QSC- nin nəzdində Mədəniyyət kanalında "Körpəm"uşaq verilişinin aktyorlarından biri olmuşdur.

2015-ci ildə Azərbaycan Dövlət Mədəniyyət və İncəsənət Universitetində "Mədəniyyət tarixi və nəzəriyyəsi " ixtisası üzrə magistr dərəcəsi almışdır.

2016-2022-ci illərdə Bakı şəhəri Hacıağa Abbasov adına Maştağa Mədəniyyət Mərkəzinin rejissoru və Xalq teatrı rejissoru vəzifəsində çalışmış, eyni zamanda orada dram dərnəyinin rəhbəri kimi fəaliyyət göstərmişdir. 2022-ci ilin yanvarından Bakı şəhəri "Bir Səhnə Produsser Mərkəzi'ndə rejissor olaraq fəaliyyətə başlamış, eyni zamanda 01.02.2022 tarixindən Lənkəran Dövlət Dram Teatrının 11 dərəcə ilə dram artisti, daha sonra teatr rəssamı vəzifəsində fəaliyyət göstərmişdir.

B.Sadıqova 2023-cü ilin fevralından Lənkəran Dövlət Universitetində "Asudə vaxtların təşkili üzrə mütəxəssis", eyni zamanda 2023-2024-cü tədris ilindən həmin universitetin “Pedaqogika, psixologiya və incəsənət” kafedrasında müəllim vəzifəsində fəaliyyət göstərir.

E-mail: banusadiqova20@gmail.com

Eminov Nazim Cahandar oğlu

19 fevral 1959-cü il tarixində anadan olub. 1966-1976-cı illərdə Lənkəran şəhər 2 saylı tam orta məktəbdə təhsil almışdır. 1980-cı ildə Azərbaycan Dövlət Pedaqoji institutunun “Ümumi texniki fənlər və əmək” ixtisasını bitirmişdir.

1979-cu ildən 1986-ci ilədək Lənkəran şəhər 3 nömrəli orta məktəbində tarix və ictimaiyyət müəllimi, 1986-1987-ci illərdə həmin məktəbdə təlim-tərbiyə işləri üzrə direktor müavini, 1987-1988-ci illərdə Lənkəran Şəhər Təhsil Şöbəsində məktəb inspektoru, 1981-1986-cı illərdə Lənkəran rayon Şürük kənd orta məktəbində müəllim, 1986-2011-ci illərdə Lənkəran şəhər təhsil şöbəsində mketodist, 2011-2017-cı illərdə Lənkəran Peşə Liseyinin direktoru, 2017-ci ildə Lənkəran Dövlət Universitetində Tədris Təcrübə bazasının müdiri vəzifələrində işləmişdir. 2020-ci ildən Lənkəran Dövlət Universitetində Asudə işin təşkili üzrə aparıcı mütəxəssis kimi çalışır. 2008-ci ildən 2011-ci ilə kimi TQDK-nın Lənkəran şəhəri üzrə sənəd qəbulu komissiyasının məsul katibi olmuşdur.

2001-ci ildən Yeni Azərbaycan Partiyasının üzvüdür, ailəlidir, 2 övladı var.

E-mail: n-eminov@mail.ru

Məmmədov Zaur Mais oğlu

1977-ci il mayın 10-da Lənkəran rayonu Şilavar kəndində anadan olmuşdur. 1983-1993- cü ildə ildə Lənkəran şəhər 5 saylı tam orta məktəbdə təhsil almışdır. 1999-cü ildə Lənkəran Kənd Təsərrüfatı Texnikumun iqtisadiyyat fakültəsini, 2021-ci ildə Azərbaycan Bədən Tərbiyyəsi və İdman Akademiyasını bitirmişdir. 2000-2006-cı illərdə Rusiya Federasiyasının Yekaterinburq şəhərinin Sambo idman növü üzürə “Ural” yığma komandasıda çalışmışdır. 2007-ci ildən 2017-ci ilədək Daxili İşlər Nazirliyinin Baş Mühafizə İdarəsinin Rayonlararası Mühafizə Şöbəsində mühafizəçi vəzifəsində işləmişdir. 2017-ci ildən Lənkəran dövlət Universitetində məşqçi kimi fəaliyyət göstərir. Zaur Məmmədov həmçinin Lənkəran Olimpiya İdman Kompleksində cüdo üzrə baş məşqçi, Qarışıq Döyüş Növləri üzrə isə iki federasiyada baş məşqçi kimi çalışır.

Zaur Məmmədov bir çox yarışların qlibidir. 1994-cü ildə sərbəst güləş üzrə Resbuplika ikincisi, 1996-cı ildə Respublika çempionu olmuşdur. 2008-ci ildə Ukranyada Qarışıq Döyüş növləri üzrə keçirilən Dünya çempionatında dünya çempionu adını qazanmışdır. Ümumilikdə 7 dəfə Dünya çempionu, 4 dəfə Avropa çempionu, 18 dəfə müxtəlif beynəlxalq yarışların qalibi, 22 dəfə də Respublika çempionu olmuşdur. 2023-cü ildə Azərbaycan usta cudoçular üzrə keçirilmiş Respublika yarışında (81 kq çəki dərəcəsində) 3-cü yeri tutmuşdur.

Ailəlidir, iki övladı var.

E-mail: zozo-77@mail.ru

İbadzadə Sara Əbülfət qızı

İbadzadə Sara Əbülfət qızı 29 avqust 2003-cü ildə Astara rayonu Ərçivan qəsəbəsində anadan olmuşdur. 2010-2021-ci illərdə Ərçivan qəsəbə N.Kərimov adına 3 nömrəli tam orta məktəbində təhsil almışdır. 2013-2020-ci illərdə Astara uşaq musiqi məktəbində forte-piano üzrə musiqi təhsili almışdır. 2021-ci ildə Lənkəran Dövlət Universitetinin əyani təhsialma forması üzrə “Riyaziyyat və İnformatika müəllimliyi” ixtisasına daxil olub. Hazırda III tədris ili tələbəsidir.

Cənub bölgəsinin 15-21 yaşlı gəncləri üçün təşkil olunmuş, gənclərin İKT və proqram dili(Python) bacarıqlarının inkişaf edilməsi və qazanılmış bacarıqlarının tətbiq edilməsi üçün nəzərdə tutulmuş və ABŞ-ın Azərbaycandakı Səfirliyinin dəstəyi ilə həyata keçirilən təlim və mentorluq proqramı olan “Tecnovation for Azerbaijan” layihəsinin ilkin və daha sonra cənub regionu üzrə ilk “İnkubasiya” mərhələsi üzrə “Clothor” layihəsi ilə birinci yerə layiq görülmüşdür.

Gənclərin ingilis dilini inkişaf etmək və ingilis dilində PBL-in necə işlədiyini öyrədən, nəticədə uşaqların bu biliklərlə layihə hazırlamasını hədəfləyən “Using Project based Learning(PBL) for career development of youth” training proqramının iştirakçısı olmuş, “Zewastive” layihəsini təqdim etmiş və məzun olduqdan sonra Gəncə və Masallı regionları üzrə 2023-cü il iyun-avqust ayları ərzində mentor vəzifəsində çalışmışdır.

2023-2024 payız semestrində Lənkəran Dövlət Universiteti ilə əməkdaşlıq edən Code Academy’də “Web Proqramlaşdırma” üzrə təhsil almışdır.

2023-cü ildən Lənkəran Dövlət Universitetinin TGT(Tələbə Gənclər Təşkilatı) sədri kimi fəaliyyət göstərir.

2024-cü ildən etibarən Lənkəran Dövlət Universitetinin “Gənclərlə İş üzrə Mütəxəssis” vəzifəsində çalışır.

E-mail: sara.ibadzade@gmail.com

Niftullazadə Güldəstə Muxtar qızı

Niftullazadə Güldəstə Muxtar qızı 1999 - cu ilin iyul ayının 5- də Lənkəran rayonunun Liman şəhərində anadan olmuşdur. 2018 - ci ildə İlqar Mahmudov adına Liman şəhər 1 saylı tam orta məktəbini bitirmişdir. 2012- 2017- ci illərdə Lənkəran şəhər 1 nömrəli Cəfər Cabbarlı adına uşaq musiqi məktəbində xanəndəlik üzrə musiqi təhsili almışdır. 2021-2023-cü illərdə Lənkəran Dövlət Universtetinin nəznində Sosial və Aqrar texnoloji kollecinin xanəndəlik ixtisasını bitirmişdir. Respublikada keçirilən musiqi müsabiqələrində iştirak etmiş, yer tutmuş, diploma və fəxri fərmana layiq görülmüşdür. 2023-cü ildən Lənkəran Dövlət Universitetində laborant kimi fəaliyyətə başlamış, 01 fevral 2024-cü il tarixindən Asudə vaxtın və tədbirlərin təşkili şöbəsində Musiqili tədbirlərinin təşkili üzrə mütəxəssis kimi çalışır.

E-mail: lal.niftullazade@mail.ru


Lənkəran Dövlət Universiteti 2001/2018 | Web design: Əlizadə Məhəmməd