Elm və tədqiqat işləri şöbəsinin müdiri: Ülkər Babayeva

Babayeva Ülkər Allahyar qızı 9 yanvar 1992-ci ildə Lənkəran rayonunun Türkəkəran kəndində ziyalı ailəsində anadan olmuşdur. 2009-cu ildə Lənkəran şəhər 7 saylı tam orta məktəbi bitirmiş, Lənkəran Dövlət Universitetinin “Coğrafiya müəllimliyi” ixtisasına qəbul olunmuşdur. 2013-cü ildə bakalavr səviyyəsi üzrə təhsilini başa vurmuş, həmin il Lənkəran Dövlət Universitetinin “Azərbaycanın fiziki coğrafiyası” ixtisaslaşması üzrə magistr səviyyəsinə qəbul olunmuşdur. 2016-cı ildə magistr səviyyəsi üzrə təhsilini başa vurmuş, həmin il Lənkəran Dövlət Universitetinin “Geoekologiya” ixtisaslaşması üzrə doktorantura səviyyəsinə qəbul olunmuşdur. Təhsil aldığı müddətdə “Tarix və onun tədrisi metodikası” kafedrasının laborantı, “Elm və tədqiqat işləri” şöbəsinin elmi işlər üzrə mütəxəssisi, daha sonra böyük mütəxəssisi vəzifəsində çalışmışdır. Həmçinin “Biologiya və Ekologiya” kafedrasının müəllimi və doktorantı olmuşdur. 14 oktyabr 2022-ci ildə fəlsəfə doktoru elmi dərəcəsi almaq üçün “Lənkəran fiziki-coğrafi vilayətində təbiətdən istifadənin yaratdığı ekoloji-coğrafi problemlər və onların həlli yolları” mövzusunda təqdim edilmiş dissertasiyanı müdafiə etmişdir. Hazırda Lənkəran Dövlət Universitetinin “Elm və tədqiqat işləri” şöbəsinin müdiri vəzifəsini icra edir. Hal-hazırda “Coğrafiya və onun tədrisi metodikası” kafedrasının 0,5 ştat dosentidir. 28 elmi əsərin müəllifidir. Ailəlidir, bir övladı var.

e-mail ünvanı: u.babayeva@lsu.edu.az

Elmi işlər üzrə mütəxəssis: Şərqiyyə Rəcəbova

Rəcəbova Şərqiyyə Rasim qızı 5 may 1997-ci ildə Lənkəran şəhərində anadan olmuşdur. 2014-cü ildə Lənkəran şəhər 10 saylı tam orta məktəbi bitirmiş, Lənkəran Dövlət Universitetinin “Kimya və biologiya müəllimliyi” ixtisasına qəbul olunmuşdur. 2019-cu ildə bakalavr səviyyəsi üzrə təhsilini başa vurmuş və həmin ildə Astara Pedaqoji Kollecində kimya və biologiya müəllimi olaraq fəaliyyətə başlamışdır. 2021-ci ildə Lənkəran Dövlət Universitetinin “Kimya fənninin tədrisinin metodikası və metodologiyası” ixtisaslaşması üzrə magistr səviyyəsinə qəbul olunmuşdur. 2023-cü ildə Lənkəran Dövlət Universitetinin “Kimya və fizika” kafedrasında “baş laborant” vəzifəsini icra etmişdir. Hazırda Lənkəran Dövlət Universitetinin “Elm və tədqiqat işləri” şöbəsində elmi işlər üzrə mütəxəssis vəzifəsində çalışır. Bir sıra elmi əsərin müəllifidir. Ailəlidir, iki övladı var.

e-mail ünvanı: recebova.sherqiyye@lsu.edu.az

Qrif işləri üzrə mütəxəssis: Ülkər İsgəndərzadə

İsgəndərzadə Ülkər Mehtəddin qızı 3 aprel 1997- ci ildə Lənkəran şəhərində anadan olmuşdur. 2014-cü ildə Lənkəran şəhər 10 saylı tam orta məktəbi bitirmişdir. 2014-2018-ci illərdə Lənkəran Dövlət Universitetinin Xarici dil müəllimliyi (ingilis dili üzrə) ixtisası üzrə bakalavr təhsili almışdır. 2022-ci ildə Lənkəran Dövlət Universitetinin “Təhsildə qiymətləndirmə və monitorinq” ixtisaslaşması üzrə magistr səviyyəsinə qəbul olmuş, 2024-cü ildə isə həmin ixtisaslaşma üzrə məzun olmuşdur. 2020-2024-cü illərdə Lənkəran Dövlət Universitetinin “Riyaziyyat və informatika”, “Tarix və onu tədrisi metodikası” kafedralarında laborant vəzifəsində çalışmışdır. Hazırda Lənkəran Dövlət Universitetinin “Elm və tədqiqat” işləri şöbəsində qrif işləri üzrə mütəxəssis vəzifəsində çalışır. Bir çox elmi əsərin müəllifidir. Ailəlidir, bir övladı var.

e-mail ünvanı: Isgenderzade.ulker@lsu.edu.az

Doktorantura və dissertantura işləri üzrə mütəxəssis – Xatirə Xalıqzadə

Xalıqzadə Xatirə Etibar qızı 28 aprel 2001-ci ildə Lənkəran şəhərində anadan olmuşdur. 2018-ci ildə Lənkəran şəhər 3 saylı tam orta məktəbi bitirmiş, Lənkəran Dövlət Universitetinin “Məktəbəqədər təlim və tərbiyə” ixtisasına qəbul olmuşdur. 2022-ci ildə bakalavr səviyyəsi üzrə təhsilini başa vurmuşdur. 2022-ci ildə Lənkəran Dövlət Universitetinin “Təhsildə qiymətləndirmə və monitorinq” ixtisaslaşması üzrə magistr səviyyəsinə qəbul olmuş, 2024-cü ildə təhsilini başa vurmuşdur. Hazırda Lənkəran Dövlət Universitetinin “Elm və tədqiqat işləri şöbəsi”ndə Doktorantura və dissertantura işləri üzrə mütəxəssis vəzifəsində çalışır. Bir sıra elmi əsərin müəllifidir.

e-mail ünvanı: xaliqzade.xatire@lsu.edu.az