Lənkəran Dövlət Universitetinin Tələbə Gənclər Təşkilatı.

Tələbə Gənclər Təşkilatının əsas məqsədi dövlət gənclər siyasətinin həyata keçirilməsi istiqamətində tələbələrin və ayrı-ayrılıqda hər bir tələbənin maraqlarını təmsil və müdafiə etmək, respublikanın ictimai-siyasi, mədəni, sosial, iqtisadi həyatında onların fəal iştirakını təmin etməkdir.

Tələbə Gənclər Təşkilatının əsas vəzifələri aşağıdakılardır:

- tələbələrin sosial problemlərinin həlli istiqamətində işin həyata keçirilməsi;

- tələbələr arasında maarifləndirmə işinin aparılması;

- tələbələrin asudə vaxtının səmərəli təşkil edilməsi;

- tələbələrin hüquqlarının təmin edilməsi;

- respublikanın daxilində və xaricində keçirilən müsabiqələrdə, olimpiadalarda, sərgilərdə, festivallarda istedadlı və yaradıcı tələbələrin iştirakının təmin edilməsi;

- tələbələr arasında narkomaniya, alkoqolizm, cinayətkarlıq, əxlaqsızlıq və digər neqativ meyllərə qarşı profilaktik tədbirlərin həyata keçirilməsi;

- tələbələrin iştirakı ilə müsabiqələrin, seminarların, festivalların, forumların, toplantıların, sərgilərin, aksiyaların, dəyirmi masaların, elmi konfransların, təlim kurslarının, kütləvi təbliğat kompaniyalarının, diskussiya klublarının, müzakirələrin, simpoziumların, görkəmli şəxslərlə görüşlərin təşkil edilməsi;

- tələbə və gənclərlə bağlı həyata keçirilən tədbirlər, habelə respublikanın ictimai-siyasi, sosial-iqtisadi və mədəni həyatında baş verən hadisələr barədə məlumatların çatdırılması məqsədi ilə qəzet və dərgilərin nəşr olunması;

- tələbələrin maraq və meyllərini, intellektual inkişafını təmin etmək üçün dərnəklərin, studiyaların, klubların, kursların, xidmətlərin təşkili.

- tələbələrin problemlərinin öyrənilməsi və müvafiq qərarların qəbul olunması üçün Elmi Şuraya məsələlərin çıxarılması, ali və orta ixtisas təhsili müəssisələrinin rəhbərliyi qarşısında vəsadətin qaldırılması;

- təhsil alan tələbələrin sayı, onların dərsə davamiyyəti, nizam-intizamı, yataqxana ilə təminatı barədə müvafiq kafedra və fakültələrdən məlumatların alınması;

- qanunvericilikdə qadağan edilməyən digər vəzifələrin həyata keçirilməsi.

Əsas İdarə Heyəti

1. İbadzadə Sara Əbülfət qızı

Lənkəran Dövlət Universiteti Tələbə Gənclər Təşkilatının sədri – İbadzadə Sara Əbülfət qızı 29 avqust 2003-cü ildə Astara rayonu Ərçivan qəsəbəsində anadan olmuşdur. 2010-2021-ci illərdə Ərçivan qəsəbə N.Kərimov adına 3 nömrəli tam orta məktəbində təhsil almışdır. 2013-2020-ci illərdə Astara uşaq musiqi məktəbində forte-piano üzrə musiqi təhsili almışdır. 2021-ci ildə Lənkəran Dövlət Universitetinin əyani təhsialma forması üzrə “Riyaziyyat və İnformatika müəllimliyi” ixtisasına daxil olub. Hazırda III tədris ili tələbəsidir.

Cənub bölgəsinin 15-21 yaşlı gəncləri üçün təşkil olunmuş, gənclərin İKT və proqram dili(Python) bacarıqlarının inkişaf edilməsi və qazanılmış bacarıqlarının tətbiq edilməsi üçün nəzərdə tutulmuş və ABŞ-ın Azərbaycandakı Səfirliyinin dəstəyi ilə həyata keçirilən təlim və mentorluq proqramı olan “Tecnovation for Azerbaijan” layihəsinin ilkin və daha sonra cənub regionu üzrə ilk “İnkubasiya” mərhələsi üzrə “Clothor” layihəsi ilə birinci yerə layiq görülmüşdür.

Gənclərin ingilis dilini inkişaf etmək və ingilis dilində PBL-in necə işlədiyini öyrədən, nəticədə uşaqların bu biliklərlə layihə hazırlamasını hədəfləyən “Using Project based Learning(PBL) for career development of youth” training proqramının iştirakçısı olmuş, “Zewastive” layihəsini təqdim etmiş və məzun olduqdan sonra Gəncə və Masallı regionları üzrə 2023-cü il iyun-avqust ayları ərzində mentor vəzifəsində çalışmışdır.

2023-2024 payız semestrində Lənkəran Dövlət Universiteti ilə əməkdaşlıq edən Code Academy’də “Web Proqramlaşdırma” üzrə təhsil almışdır.

2023-cü ildən Lənkəran Dövlət Universitetinin TGT(Tələbə Gənclər Təşkilatı) sədri kimi fəaliyyət göstərir.

2024-cü ildən etibarən Lənkəran Dövlət Universitetinin “Gənclərlə İş üzrə Mütəxəssis” vəzifəsində çalışır.

E-mail: sara.ibadzade@gmail.com

2. Baxşızadə Gültac – Riyaziyyat və informatika müəllimliyi – IV tədris ili, Təbiyyat fakültəsi üzrə sədr

3. Bəhruz Məmmədzadə – Baytarlıq təbabəti – III tədris ili, Aqrar və mühəndislik fakültəsi üzrə sədr

4. Əliyeva Nəsibəxanım – Mühasibat uçotu və audit – IV tədris ili, İqtisadiyyat və idarəetmə fakültəsi üzrə sədr

5. Akşin Hüseynov – Tarix müəllimliyi – III tədris ili, Tarix-coğrafiya və incəsənət fakültəsi üzrə sədr

6. Şəbnəm Abdullayeva – Dil və ədəbiyyat müəllimliyi – III tədris ili, Filologiya və İbtidai təhsil fakültəsi üzrə sədr

7. Sadiq Rəhmətov – Riyaziyyat və informatika müəllimliyi – IV tədris ili, Təbiyyat fakültəsi üzrə sədr müavini

8. İbrahim Əliyev – Baytarlıq təbabəti – III tədris ili, Aqrar və mühəndislik fakültəsi üzrə sədr müavini

9. Şahverdiyev Rəvan – Mühasibat uçotu və audit – IV tədris ili, İqtisadiyyat və idarəetmə fakültəsi üzrə sədr müavini

10. Aslan İsmayılov – Tarix və coğrafiya müəllimliyi – III tədris ili, Tarix-coğrafiya və incəsənət fakültəsi üzrə sədr müavini

11. Şəbnəm Abdullayeva – İbtidai sinif müəllimliyi – III tədris ili, Filologiya və İbtidai təhsil fakültəsi üzrə sədr müavini