“Fizika, kimya və biologiya” kafedrası LDU-nun Elmi Şurasının 12 mart 2025-ci il tarixli 05 saylı qərarı ilə “Biologiya və ekologiya” və “Kimya və fizika” kafedralarının əsasında yaradılmışdır.

Kafedrada “Fizika müəllimliyi”,”Kimya müəllimliyi”, “Biologiya müəllimliyi”, “Kimya və biologiya müəllimliyi” bakalavr səviyyəsi üzrə pedaqoji kadrlar, “Ekologiya” ixtisası üzrə ekoloq mütəxəssislər hazırlanır.

Magistratura səviyyəsi üzrə isə “Fizika fənninin tədrisi metodikası və metodologiyası”, “Kimya fənninin tədrisi metodikası və metodologiyası”,”Biologiya fənninin tədrisi metodikası və metodologiyası” və “Ətraf mühitin mühafizəsi metodları və bərpası” ixtisaslaşmaları üzrə mütəxəssislər hazırlanır.

Kafedranın nəzdində 3 tədris laboratoriyası – “Fizika” tədris laboratoriyası, “Kimya” tədris laboratoriyası, “Biologiya” tədris laboratoriyası fəaliyyət göstərir.

Kafedranın elmi-pedaqoji heyyəti: 1 biologiya elmləri doktoru,1 aqrar elmləri doktoru, dosent, 6 nəfər biologiya üzrə fəlsəfə doktoru, dosent, 4 nəfər fizika üzrə fəlsəfə doktoru, dosent, 4 nəfər kimya üzrə fəlsəfə doktoru, dosent, 3 nəfər baş müəllim, 8 nəfər müəllim, 2 nəfər baş laborant fəaliyyət göstərir.

Kafedra müdiri haqqında.

Kafedraya biologiya üzrə fəlsəfə doktoru, dosent Ramiz Şəmmədov rəhbərlik edir.

prorektor_sosial@lsu.edu.az, r.shammadov@lsu.edu.az

Kafedra əməkdaşları haqqında.

Məmmədhüseyn Babali oğlu Hüseynov 03 dekabr 1962-ci ildə Lerik rayonun Osnağakücə kəndində anadan olmuşdur. 1979-cu ildə Lənkəran rayonu Liman şəhər 1 saylı tam orta məktəbini bitirmişdir. 1984-cü ildə Bakı Dövlət Universitetinin biologiya fakultəsinə qəbul olmuş və 1989-ildə fərqlənmə diplomu ilə başa vurmuşdur. 1989-cü ildə AMEA-nın Genetika və Seleksiya İnstitutunun aspiranturasına daxil olmuş, 1993-cü il 03 fevralda “Feyxoa meyvələrindən alınmış ekstraktların antimutagen aktivliyi” mövzüsunda dissertasiya işini Genetika və Seleksiya İnstitutunun (indiki Genetik Ehtiyatlar İnstitutunda) müdafiə şurasında mudafiə edərək biologiya elmləri namizədi elmi dərəcəsini almışdır. Ali məktəbdə ilk pedaqoji fəaliyyətinə 1992-ci ildə Lənkəran Dövlət Universitetində müəllim kimi başlamış, kafedrada müəllim, baş müəllim, dosent (13 noyabr 2002-ci il ) kimi fəaliyyətindən sonra 15 mart 1999-cu ildə “Kimya və biologiya” kafedrasının müdiri vəzifəsinə təyin edilmişdir. 10 iyun 1999-cu ildə “Kimya və biologiya” kafedrasının müdiri vəzifəsində işləmişdir. 2011-ci ildə ikinci müddətə “Kimya və biologiya” kafedrasına müdir seçilmişdir. M.Hüseynov 06.02.2019-cu il tarixdə Bakı Dövlət Universitetinin Biologiya fakültəsində, “Genetika” kafedrasının 2409.01- Genetika” ixtisası üzrə büdcə hesabına elmlər doktoru proqramı üzrə dissertantlıq yolu ilə doktoranturaya qəbul olmuşdur. 2023-cü ildə doktoranturada təhsilini tamamlamışdır. “Theaseae, Myrtaseae və Ebenaseae fəsilələrinə aid sort və formaların genetik müxtəlifliyinin tədqiqi və seleksiyada istifadəsi” mövzusunda doktorluq dissertasiyası üzərində işləyir. Müasir genetika sahəsində mütəxəssisdir. Ali təhsilin bakalavr səviyyəsi tələbələri üçün nəzərdə tutulmuş 2 dərslik - “Ümumi sitologiya” (2005), “Sitologiya” (2019), 3 dərs vəsaiti- “Sitologiya” (1999), “Embriologiya” (2010), “Sitologiyadan praktikum”(2022), 5 metodiki vəsait, 10 proqram, 1 müəlliflik şəhadətnaməsi, 70-dən çox elmi məqalə və tezisin müəllifidir. Hal-hazırda Lənkəran Dövlət Universiteti, “Biologiya və ekologiya” kafedrasında 1,0 ştat dosent vəzifəsində çalışır. Ailəlidir. Üç övladı var. m.hyseynov@lsu.edu.az

Elvin Ərkan oğlu Əliyev. 01.01.1989 - cu il tarixində Astara rayonunda anadan olmuşdur. 1995 – 2006 - cı illərdə Astara rayonu Məhərrəm Abıyev adına Vaqo kənd və Zülfüqar Əhmədzadə adına Pensər kənd 2 saylı tam orta məktəblərində oxumuşdur. Ailəlidir, 2 övladı var.

Təhsili, elmi dərəcə və elmi adı

• Bakalavr - Türkiyyə Respublikası Qars Dövlət Kafkas Universiteti Biologiya üzrə Bakalavr dərəcəsi. (Bioloq) 2006-2010

• Magistratura - Türkiyyə Respublikası Atatürk Universiteti Tibb Fakültəsi Tibbi Biokimya ixtisası üzrə Magistr dərəcəsi. 2010-2012

• Fəlsəfə doktoru (Ph.D) - Türkiyyə Respublikası Atatürk Universiteti Tibb Fakültəsi Tibbi Biokimya ixtisası üzrə Fəlsəfə doktoru (Ph.D) dərəcəsi. 2012-2015

(Azərbaycan Respublikasının Prezidenti yanında Ali Attestasiya Komissiyası Təkrar attestasiya - Biologiya üzrə fəlsəfə doktoru FD № 10472 2017)

• Dosent diplomu – Azərbaycan Respublikasının Prezidenti yanında Ali Attestasiya Komissiyası – Biokimya ixtisası üzrə DS № 08049 2020

• Elmlər doktoru - Biokimya ixtisası üzrə. 2018-ci ildən

Əmək fəaliyyəti

• Türkiyə Respublikası Səhiyyə Nazirliyi “Öz Yaşam” tibb mərkəzi. 2009

• Türkiyə Respublikası Səhiyyə Nazirliyi Qars Dövlət xəstəxanası. 2010

• Türkiyə Respublikası Atatürk Universiteti Tibb Fakültəsi “Tədris və Tədqiqat” xəstəxanasının biokimya şöbəsi. 2010 – 2015

• Türkiyə Respublikası Atatürk Universiteti Tibb Fakültəsində Tibbi Biokimya kafedrası üzrə elmi-pedaqoji fəaliyyət. (Araştırma görevlisi) 2010-2015

• Azərbaycan Respublikası Səhiyyə Nazirliyi “Sağlam Ailə” Tibb Mərkəzi. 2015-2016

• Azərbaycan Respublikası Milli Elmlər Akademiyası Genetik Ehtiyatlar İnstitutunun Elmi işçisi və yeni yaradılan İnsan Genetikası bölməsinin rəhbəri. 2016

• Azərbaycan Respublikası Təhsil Nazirliyi Lənkəran Dövlət Üniversitetinin Elmi katibi. 2016-2017

• Lənkəran Dövlət Üniversitetinin “Biologiya və tibbi biliklər” kafedrasının dosenti. 2017- ci ildən

• Lənkəran Dövlət Üniversitetinin Elm şöbəsinin müdiri. 2018 – 2019

• Lənkəran Dövlət Üniversitetinin “Tədqiqat işləri və innovasiyalar” üzrə prorektoru. 2019 – 2021

• Lənkəran Dövlət Üniversitetinin “Texnologiya və texniki fənlər” kafedrasının müdiri (həvalə). 2020 – 2021

• Azərbaycan Respublikası Təhsil Nazirinin 09.06.2021-ci il tarixli K-565 nömrəli əmri ilə Lənkəran Dövlət Üniversitetinin “Elm və innovasiya məsələləri” üzrə prorektoru. 2021- ci ildən

Tədqiqat istiqamətləri

• Tibbi və klinik biokimya

• Molekulyar biologiya

• Xərçəng xəstəliyinin biokimyası

• İnsan bədən hüceyrələrin laboratoriya şəraitində çoxaldılması

Qrant “Elmi-tədqiqat" layihələri

• Alveoler Kanser Hücre Dizilerinde Apopitoz Mekanizmaları Üzerine Bortezomibin Etkilerinin Araştırılması” , Atatürk Üniversitesi Bilimsel Araştırma Projesi, Proje No: 2013/1, Proje Araştırmacısı, 2013. Türkiyə

• Akciğer Kanseri Hücre Dizilerinde Anjiyogenez ve Apopitoz Mekanizmaları Üzerine Antosiyanidin Bileşiklerinin Etkilerinin Araştırılması”, Atatürk Üniversitesi Bilimsel Araştırma Projesi, Proje No: 2013/230, Proje Araştırmacısı, 2013. Türkiyə

• Müxtəlif dövrlərdə Elmi işlərlə əlaqədar, Fransa (Paris), İsveç (Stockholm), İspanya (Barselona), Polşa (Varşava, Krakov), Macarıstan (Budapeşt,Debrecen), Rumıniya (Buxarest, Galati), Qazaxıstan (Almatı) respublikalarında olmuşdur.

Elmi fəaliyyəti

• Beynəlxalq və respublika səviyyəli bir sıra elmi əsərin müəllifidir və impact factorlu əsərlərinə dünya üzrə yüzlərcə istinad verilmişdir

• Google scholar: https://scholar.google.com/citations?user=ITRoZtcAAAAJ&hl=tr

• Scopus: https://www.scopus.com/authid/detail.uri?authorId=57226271436

• Web of Science ResearcherID: AAP-7150-2021

• Publons account: https://publons.com/researcher/4474022/elvin-aliyev/

• ORCID ID: https://orcid.org/0000-0003-3755-5846

• ResearchGate: https://www.researchgate.net/profile/Elvin-Aliyev

Bəzi əsərləri:

• Cognitive functions and serum levels of brain-derived neurotrophic factor in patients with major depressive disorder. Brain Research Bulletin Journal Elsevier. 88(5):454-459. 2012. The United States of America (USA)

• Dose-Dependent Protective Effect of L-Carnitine on Oxidative Stress in the Livers of with Hyperthyroid Rats. The Eurasian Journal of Medicine; 45: 1-6, 2013. Turkey

• Effect Of Exercise On Biochemical Parameters In The Heart Tissue of Hyperthyroid Rats. IFCC-WorldLab 22nd International Congress of Clinical Chemistry and Labboratory Medicine ,İstanbul, Turkey. p.737. 2014. Copyright © by Walter de Gruyter • Berlin • Boston

• The Effect of Bilberry on Nitric Oxide and Malondialdehyde Levels in Lung Tissue of Nicotine Applied Rats. Acta Physiologica. 215:35-35;Sep.2015. England

• Serum brain-derived neurotrophic factor differences between the luteal and follicular phases in premenstrual dysphoric disorder. General Hospital Psychiatry. Elsevier. May–June. 37(3):266-72. 2015. The United States of America (USA)

• The Effects of Exercise on Kidney Oxidant and Antioxidant Systems in Rats with Experimental Hyperthyroidism. Acta Physiologica. 215:80-80; Sep.2015. England

• Serum Apelin and ADMA Levels in Type 2 Diabetics with and without Vascular Complications. Diabetes & Metabolic Syndrome: Clinical Research & Reviews, Elsevier. April–June; 10 (2 Suppl 1):106-109. 2016. Amsterdam The Netherlands

•Green synthesis of silver nanoparticles mediated Diospyros kaki L. (Persimmon): determination of chemical composition and evaluation of their antimicrobials and anticancer activities. Frontiers in chemistry. Volume 11.1-14. 2023. Switzerland.

elvin.aliyev@lsu.edu.az

Qorxmaz Kazım oğlu Ağayev 11 fevral 1976-cı ildə Lerik rayonunun Günəşli kəndində anadan olmuşdur. 1993-cu ildə Lənkəran rayonu T.Zamanov adına Marso (indiki Ürgə) kənd tam orta məktəbini əla qiymətlərlə bitirmiş və Lənkəran Dövlət Universitetinin “Coğrafi ekologiya və ətraf mühitin mühafizəsi” ixtisası üzrə I kursuna qəbul olunmuşdur. 1997-ci ildə coğrafiyaçı-ekoloq ixtisası üzrə bakalavr səviyyəsini bitirərək “Təbiətdən istifadə və təbiəti mühafizə” ixtisası üzrə magistraturaya qəbul olunmuş və 1999-cu ildə Ulu öndərimiz Heydər Əliyev adına təqaüd və fərqlənmə diplomu ilə magistraturanı bitirmişdir. 1999-2000-ci tədris ilinin sentyabr ayından Lənkəran Dövlət Universitetində daimi əmək fəaliyyətinə başlamışdır. 3 il tədris işləri üzrə inspektor vəzifəsində işlədikdən sonra 2002-2003-cü tədris ilindən “Coğrafiya və ekologiya” kafedrasında müəllim kimi fəaliyyətə davam etmişdir. 2009-cu ildən Tədris şöbəsinin müdiri vəzifəsinə təyin olunmuş və 2012-ci ilin sentyabr ayınadək bu vəzifədə çalışmışdır. 2010-cu ilin noyabr ayında AMEA-nın Mikrobiologiya İnstitutunun Müdafiə Şurasında “Lənkəran təbii vilayətində yerləşən çayların müasir mikrobioloji və ekoloji vəziyyəti” mövzusunda dissertasya müdafiə edərək biologiya üzrə fəlsəfə doktoru elmi dərəcəsi almışdır. 2011-2012-ci tədris ilinin sonunda “İqtisadi informatika və ekologiya” kafedrasında 1,0 stat baş müəllim vəzifəsinə keçirilmişdir. 01 oktyabr 2012-ci ildən baş müəllim vəzifəsindən 0,5 ştat əvəzçiliyə keçirilməklə, tam ştat tərbiyə işləri üzrə prorektor əvəzi vəzifəsinə təyin edilmiş və 2013-cü il aprel ayının 15-dək bu vəzifədə çalışmışdır. 2015-2016-cı tədris ilində İqtisadi informatika və ekologiya kafedrasında, 2019-2020-ci tədris ilində Coğrafiya və ekologiya kafedraslnda pedaqoji və elmi fəaliyyətini davam etdirmişdir. Hal-hazırda Biologiya və ekologiya kafedraslnda 1,25 ştat dosent vəzifəsində çalışır. İndiyə qədər 32-dən artıq elmi məqalə və tezisləri AMEA-nın müxtəlif institutlarının, respublika ali məktəblərinin elmi xəbərlərində, beynəlxalq universitet və konfransların (Rusiya, Qazaxıstan, Gürcüstan) jurnallarında nəşr olunmuş, müxtəlif yerli və beynəlxalq (Ukrayna, Türkiyə) sertifikatlara layiq görülmüşdür.

qorxmaz_agayev@lsu.edu.az

Şəbnəm Ədalət qızı Mirzəyeva 15 aprel 1988-ci ildə Lənkəran şəhərində anadan olmuşdur. 2005-ci ildə Lənkəran şəhər 1 saylı orta məktəbini bitirmişdir. 2006-cı ildə Lənkəran Dövlət Universitetinin biologiya ixtisasına daxil olmuş, 2010-cu ildə bakalavr pilləsini bitirmiş və magistratura üzrə təhsilini davam etdirmişdir. 2012-ci ildə Lənkəran Dövlət Universitetinin magistratura pilləsinin ekologiya (Biologiya istiqaməti üzrə) ixtisasını fərqlənmə diplomu ilə bitirmişdir. 2011-ci ildən 2016-cı ilə kimi Lənkəran Tibb Kollecində laborant, 2016-cı ildən 2019-cu ilə qədər isə kollecdə müəllim vəzifəsində çalışmışdır.

2019-cu ildə Lənkəran Dövlət Universitetinin mikrobiologiya ixtisası üzrə doktorantura pilləsinə daxil olmuşdur. Elə həmin ildən Lənkəran Dövlət Universitetinin “Biologiya və tibbi biliklər” kafedrasında 1.0 ştat müəllim kimi fəaliyyətə başlamışdır. 2021-ci ildən isə Lənkəran Dövlət Universitetinin “Biologiya və ekologiya” kafedrasında 1.0 ştat baş müəllim vəzifəsində çalışır.

15 mart 2024-cü ildə Azərbaycan Respublikası Elm və Təhsil Nazirliyinin nəzdindəki Mikrobiologiya İnstitutunda mikrobiologiya ixtisası üzrə “Meyvə bitkilərinin səthində yayılmış probiotiklərin antibakterial və antifunqal aktivliklərinin qiymətləndirilməsi” adlı dissertasiya işini uğurla müdafiə etmişdir.

Azərbaycan Respublikasının Prezidenti yanında Ali Attestasiya Komissiyasının 24 dekabr 2024-cü il tarixli qərarı ilə Şəbnəm Ədalət qızı Mirzəyevaya mikrobiologiya ixtisasında Biologiya elmləri elm sahəsi üzrə fəlsəfə doktoru elmi dərəcəsi verilmişdir.

15 elmi əsərin (6 məqalə 9 tezis) müəllifidir.

Ailəlidir. 2 qız övladı var.

sh_mirzayeva@lsu.edu.az

Hüseynov İsa Şahruddin oğlu -kimya üzrə fəlsəfə doktoru, dosent

2017- ci ildən Lənkəran Dövlət Universitetinin “Kimya və biologiya” kafedrasında müəllim, 2018-ci ilin sentyabr ayından 3 fevral 2025-ci il tarixinədək “Kimya və fizika” kafedrasının müdri vəzifəsində çalışmışdır.

2011-16-cı ci illərdə AMEA-nın akad. Ə.Quliyev adına “Aşqarlar Kimyası İnstitutu”nun kimya elmləri doktorluğu hazırlığı üzrə doktoranturasında təhsil almış və “Funksional əvəzlənmiş (-CH, -NH2, -OH, -SH, -SR, -S) sulfamidlərin heterotsiklləşməsi üçün sintonların alınması və xassələrinin tədqiqi mövzusunda” doktorluq dissertasiya işi üzərində çalışmışdır.

101elmi əsərin, o cümlədən 97 məqalə və məruzələrin, 1müəlliflik şəhadətnaməsi, 2 milli patent və 1 Avrasiya patentinin müəllifidir.

2022-ci ildə Lənkəran Dövlət Universitetinin 30 illik yubileyi ilə əlaqədar olaraq rektor prof. Natiq İbrahimovun təqdimatı əsasında AR ETN “Qabaqcıl təhsil işçisi” adına layiq görülmüş və “Qabaqcıl təhsil işçisi” döş nişanı ilə təltif olunmuşdur.

isa.huseynov@lsu.edu.az

Ramiz Ələkbər oğlu Ələkbərov 10.05.1957- ci ildə Culfa rayonu (İndiki Babək) Nəhəcir kəndində anadan olmuşdur. 1972- ci ildə Nəhəcir kənd natamam orta məktəbin 8 sinfini fərqlənmə ilə bitirmişdir. Həmin il Abbas Səhhət adına Bakı 8 saylı Tibb məktəbinə imtahansız qəbul olunmuşdur. 1975-ci ildə tibb məktəbini fərqlənmə ilə bitirmişdir. 1975-1979-cu illərdə təyinatla Babək rayon Nəhəcir kənd feldşer məntəqəsində müdir kimi fəaliyyət göstərmişdir. 1979-cu ildə Azərbaycan Dövlət Universitetinə (BDU) daxil olmuş və 1985-ci ildə oranı bitirmişdir.1985-2002-ci illərdə Nəhəcir kənd orta məktəbində kimya və biologiya müəllimi işləmişdir. 2003-2021- ci illərdə AMEA Naxçıvan Bölməsi Bioresurslar İnstitutunda elmi fəaliyyətlə məşğul olmuşdur. 2004-cü ildə NDU-nun dissertantı olmuş, “Naxçıvan Muxtar Respublikasında mamırkimilərin tədqiqi” mövzusunda dissertasiya yazmış və 2008-ci il 29 fevralda müdafiə etmişdir. 2013-cü ildə dosent elmi adı almışdır. 2012-2017-ci illərdə elmlər doktoru hazırlıq proqramı əsasında AMEA Naxçıvan Bölməsinin doktorantı olmuş, “Naxçıvan Muxtar Respublikası ərazisində yayılan Lamiaceae Lindl. fəsiləsi bitkilərinin bioekologiyası, fitosenologiyası və istifadə perspektivləri” adlı doktorloq işi yazmışdır. 2003-cu ildən kiçik elmi işçi, elmi işçi, böyük elmi işçi, aparıcı elmi işçi vəzifələrini icra etmişdir. 2015 -ci ildə seçki əsasında “Biokimyəvi tədqiqatlar” laboratoriyasının rəhbəri, 2020-ci ildə isə “İnnovasiya və elmi istehsalat şöbəsinin müdiri” seçilmişdir.

Bu illərdə bir çox kitab, dərslik və məqalələr yazmışdır. 190-dan çox elmi əsərin və 20 kitabın müəllifi və həmmüəllifidir. “Latın dili və terminologiyası” (dərslik, 2011), “Dərman bitkiləri - Etnobotanika və fitoterapiya” (2013), “Farmakoqnoziya botanikanın əsasları ilə” (dərslik, 2015), “Naxçıvan Muxtar Respublikasının florası - Brioflora” (2015), “Mədəni bitkilərin mənşəyi” (dərslik, 2018), “Naxçıvan Muxtar Respublikasının dərman bitkiləri” (2015), «Лекарственное растения Нахчыванской Автономной Республики» (2017), “Xərçəng haqqında bir neçə söz” (elektron kitab, 2017), Akademik H.Əliyev adına “Zəngəzur Milli Parkı” (2020), “Qaraciyər və ödyolu xəstəliklərində istifadə edilən şəfalı bitkilər” (2020), “Böyrək xəstəlikləri və onun müalicəsində istifadə edilən şəfalı bitkilər” (2022), “Qan damarlarının tutulmasında istifadə edilən fito maddələr və şəfalı bitkilər” (2023),“Abşeron florası” I cild (2023), “Abşeronun yabanı və mədəni bitkilər” II cild (2024), “Botaniki terminlər lüğəti” (2024), Hipofiz vəzi haqqında bilmədiklərimiz” (2024), “Sağlamlıq haqqında qızıl sətirlər - dərmansız müalicə” (ənənəvi təbabət üsulları əsasında) (2024) kitab və monoqrafiyaları yazmışdır. 2015-ci ildə “İlin alimi” nominasiyası üzrə qalib olmuşdur. Hazırda Dendrologiya İnstitutunda “Bitki sistematikası” laboratoriyanın rəhbəridir. Eyni zamanda Lənkəran Dövlət Universitetinin “Biologiya və ekologiya” kafedrasında 0,5 ştat vahidi ilə dosent kimi fəaliyyət göstərir. Ailəlidir, 3 övladı vardır.

ramiz.alakbarov@lsu.edu.az

Orucova Nailə Hidayət qızı. 16.10.1956-cı ildə Naxçıvan MR Ordubad şəhərində anadan olmuşdur. 1963-cü ildə 30 №li məktəbə getmiş və 1973-cü ildə 1 №li fizika-riyaziyyat təmayüllü məktəbi bitirmişdir. 1976-cı ildə Bakı Dövlət Universitetinin biologiya fakültəsinə daxil olmuş, 1982-ci ildə universiteti bitirmişdir.

1982-1995-ci illərdə AR Kənd Təsərrüfatı Nazirliyi Elmi-Tədqiqat Tərəvəzçilik İnstitutunda baş laborant, kiçik elmi işçi və aparıcı elmi işçi vəzifəsində çalışmış, 1985-ci ildə aspiranturaya daxil olmuş,1993-cü ildə “torpaqşünaslıq” ixtisası üzrə “Növbəli və daimi əkində tərəvəz bitkilərinin suvarılan alluvial-çəmən torpaqlarda biokimyəvi proseslərə təsiri” mövzusunda dissertasiya işini müdafiə etmiş və kənd təsərrüfatı elmləri namizədi adına layiq görülmüşdür.

1996-cı ildən etibarən hal-hazırkı dövrə qədər AR Elm və Təhsil Nazirliyi Torpaqşünaslıq və Aqrokimya İnstitutunda işləyir. İşlədiyi müddətdə aparıcı elmi işçi və baş elmi işçi vəzifəsində çalışıb. 2018-ci ildə “Subtropik zonanın suvarılan torpaqlarının biomorfogenetik diaqnostikası və torpaq münbitliyinin idarə olunmasının elmi əsasları (əkin dövriyyəsi timsalında)” mövzusunda doktorluq işi müdafiə edərək aqrar elmləri doktoru alimlik dərəcəsinə layiq görülmüşdür. Hal-hazırda torpaq fizikası laboratoriyasının müdiri vəzifəsində çalışır.

İşlədiyi müddətdə 170-dən çox elmi əsərin, 3 monoqrafiyanın (2 həmmüəlliflərlə birlikdə), 3 kitabın (3 həmmüəlliflərlə birlikdə) və 2 (1 həmmüəlliflərlə birlikdə) tövsiyənin müəllifidir.

naile.orucova@lsu.lsu.az

Qədirova (Zeynalova) Gülbəniz Allahverdi qızı 25 iyun 1971-ci ildə Lənkəran şəhərində anadan olmuşdur. 1978-1989-cu illərdə Lənkəran şəhər 3 saylı orta məktəbi fərqlənmə ilə bitirib. 1989- 1994 ci illərdə Bakı Dövlət Universitetinin “Kimya” ixtisasında əyani şöbəsində təhsil almışdır. Həmin ildən Lənkəran şəhər 10 saylı orta məktəbdə kimya müəllimi işləmişdir.

2001-ci ildən Lənkəran Dövlət Universitetində saat hesabı müəllim, 2004-cü ildən isə Kimya-biologiya kafedrasında, Kimya laboratoriyasının müdiri vəzifəsində çalışıb.

2006-cı ildə Azərbaycan Milli Elmlər Akademiyası akad. M.F.Nağıyev adına Kimya Problemləri İnstitunun dissertantı kimi təsdiq olunub, 2011-ci ildə “Ağır neftin emalından alınan mazut fraksiyasının yanma külündən vanadium -5oksidin alınması” mövzusunda “Qeyri üzvi kimya” ixtisası üzrə müdafiə etmiş, kimya üzrə fəlsəfə doktoru dərəcəsinə layiq görülmüşdür.

Qədirova 2008-2011-ci illərdə BP-BRITISH COUNCİL interaktiv elm layihəsi üzrə proqramda iştirak etmişdir və bir necə fəxri fərman və sertifikatlarla mükafatlandırılmışdır.

Azərbaycan Respublikası Prezidenti yanında Ali Attestasiya Komissiyasında (2018-ci il) “Dosent” elmi adı (protokol no 12) almışdır

2017-2019-cu illərdə ARTN-nin ”Ümumi və ali təhsil müəssisələrinin əməkdaşlığı haqqında Pilot layihə” üzrə “Master” müəllim kimi fəaliyyət göstərmişdir.

Azərbaycan Respublikası Elm və Təhsil Naziri Emin Əmrullayevin 18 noyabr 2022-ci il, 4737 nömrəli sərəncamı ilə yüksək ixtisaslı kadrların hazırlanması sahəsində səmərəli fəaliyyətinə görə və Lənkəran Dövlət Universitetinin 30 illik yubileyinə görə təltif olunub.

Lənkəran Şəhər İcra Hakimiyyəti Başçısının 5 oktyabr 2016-cı il 174 nömrəli sərəncamı ilə “Beynəlxalq Müəllimlər Günü” münasibətilə və təhsilin inkişafında səmərəli fəaliyyətinə görə təltif olunmuşdur.

Cerftificate is awarded to who has achived the following learned outcomes after attending workshops of 120 taught hours within Phase 1 of the BP - British Council İnteractive Sience project from April - September 2008 in Baku, Azerbaijan.

2014-2016-cı illərdə kafedranın elmi dərəcəli baş müəllimi, “Əlavə təhsil” fakültəsinin rəhbəri olmuşdur.

2019 cu ildən Bakı Dövlət Universitetinin doktorluq proqramı üzrə doktorantıdır

O, 70-dan çox elmi əsər, 1 dərs vəsaiti və 5 proqramın müəllifidir. Əsərləri Almanya, Moskva, Ukrayna, Stavropol və digər xarici ölkələrdə dərc olunmuşdur

Ailəlidir, iki övladı var.

g.qadirova@lsu.edu.az

Elnur Əhmədağa oğlu Dadaşov – fizika üzrə fəlsəfə doktoru, 1982-ci ildə Astara rayonunun Siyakü kəndində anadan olmuşdur. 1999-cu ildə Bakı Dövlət Universitetinin “Fizika” ixtisasına daxill olunmuşdur. 2003-cü ildə bakalavr, 2005-ci ildə magistr dərəcəsi almışdır. 2007-ci ildə fəlsəfə doktoru proqramı üzrə AMEA Fizika İnstitutunun dissertanturasına qəbul olunmuşdur. 11 yanvar 2012-ci ildə “Proton-proton və foton-foton toqquşmalarının eksklüziv və inklüziv parçalanma kanalları” mövzusunda fəlsəfə doktorluğu dissertasiyasını müdafiə etmişdir. Azərbaycan Respublikası Prezidenti yanında Ali Attestasiya Komissiyasının 26 sentyabr 2012-ci il tarixli (protokol № 27-k) qərarı ilə ona “2212.01-Nəzəri fizika” ixtisası üzrə fizika üzrə fəlsəfə doktoru elmi dərəcəsi verilib. 2017-ci ildən Lənkəran Dövlət Universitetinin “Texnologiya və texniki fənlər” kafedrasında, 2018-ci ildən “Kimya və fizika” kafedrasında, 2025-ci ildən “Fizika, kimya və biologiya” kafedrasında müəllim kimi işləyir. Bir çox beynəlxalq və yerli elmi konfranslarda məruzə ilə çıxış etmişdir.

8-13 sentyabr 2014-cü il tarixində Serbiyanın Novi Sad Universitetində CERN-nin (Beynəlxalq Nüvə Tədqiqatları Mərkəzi) təşkilatçılığı ilə “Danube School on instrumentation in Elementary Particle & Nuclear Physics” adlı seminarda, 10-21 iyun 2019-cu il tarixində İtaliyanın Triest şəhərində yerləşən Abdus-Salam adına Beynəlxalq Nəzəri Fizika mərkəzində “Summer School on Particle Physics” adlı seminarda iştirak etmişdir.

20-dən-dən çox elmi əsərin, 3 dərs vəsaitinin, 1 fənn proqramının müəllifidir.

E-mail ünvanı: e.dadashov@lsu.edu.az

Babayeva İnara Hənifə qızı, 03 fevral 1970 -ci ildə Bakı şəhərində anadan olmuşdur. 1976-1986-cı illərdə Bakı şəhəri Nəsimi rayonu 240 saylı orta məktəbin rus bölməsində təhsil almışdır. 1986-cı ildə Bakı Dövlət Universitetinin kimya fakultəsinin rus bölməsinə qəbul olmuş, 1991-ci ildə kimyaçı-müəllim ixtisası üzrə universiteti bitirmişdir. 1991-1998-ci illərdə Bakı şəhəri Səbail rayonu 189 saylı orta məktəbdə kimya müəllimi vəzifəsində çalışıb. 1993-1999-cu illərdə Azərbaycan Milli Elmlər Akademiyasınınn Qeyri-üzvi və Fiziki Kimya İnstitutunun dissertantı olub. 2000-ci ildə dissertasiya işi müdafiə edərək Azərbaycan Respublikası Ali Attestasiya Komissiyasının 05 iyul 2000-ci il tarixli qərarı ilə kimya elmləri namizədi alimlik dərəcəsinə layiq görülmüşdür. 1998-2003-cü illərdə Azərbaycan Dövlət Neft və Sənaye Universitetinin “Ümumi kimya” kafedrasında elmi işçi vəzifəsində çalışmışdır. 2003-2004-cü illərdə Səbail rayonu 134 saylı orta məktəbdə direktor müavini, 2004-2006-cı illərdə Səbail Rayon Təhsil şöbəsində kimya, biologiya, coğrafiya fənləri üzrə metodist vəzifəsində çalışıb. 2005-ci ildən Yeni Azərbaycan Partiyasının üzvüdür. Azərbaycan Respublikası Təhsil Nazirliyinin 2005-ci ildə metodistlər üçün təşkil etdiyi “İnteraktiv təlim metodları, tətbiqi yolları” təlimini bitirib. 2006-2008-ci illərdə SOCAR-ın Ekologiya İdarəsində kimyaçı-mühəndis, 2008-2023-cü illərdə SOCAR-ın İnformasiya Texnologiyaları və Rabitə İdarəsində Əməyin mühafizəsi, ekologiya, beynəlxalq standartların tətbiqi şöbəsinin rəis müavini vəzifəsində çalışmışdır. 2018-ci ildə Samsung Engineering Co.LTD şirkətində xidmət müqaviləsi əsasında Beynəlxalq İdarəetmə Sistemləri üzrə daxili auditor vəzifəsində çalışıb. Türkiyə Respublikası Ankara şəhərində Türk Standartları İnstitutu tərəfindən keçirilən İSO-9001 Keyfiyyət İdarəetmə Sistemi üzrə baş auditor təlimini uğurla bitirərək sertifikata layiq görülüb. “Büreau Veritas” fransız şirkəti tərəfindən İSO-9001 Keyfiyyət, İSO-45001 Sağlamlıq və Təhlükəsilzik və İSO-14001 Ekologiya Beynəlxalq sistemləri üzrə daxili auditor sertifikatlarına layiq görülmüşdür. Türk Standartları İnstitutu tərəfindən İSO-27001 İnformasiyanın təhlükəsizliyi İdarəetmə sistemi üzrə daxili auditor sertifikatına layiq görülmüşdür. 2016-cı ildə Böyük Britaniyanın audit şirkəti olan PwC tərəfindən “Daxili nəzarətin əsasları” üzrə mütəxəssis sertifikatına layiq görülmüş, 2023-2024-cü illərdə Shalset Group MMC-də SƏTƏMM üzrə menecer vəzifəsində çalışmışdır. 4 noyabr 2024-cü il tarixindən Lənkəran Dövlət Universitetinin Kimya və fizika kafedrasında 1,0 ştat Laboratoriya müdiri və 0,5 ştat dosent vəzifəsinə işə qəbul olmuş, 14 fevral 2025-ci il tarixindən 1,0 ştat dosent vəzifəsində fəaliyyətini davam etdirir.

Ailəlidir, iki övladı var.

mob: 994505151452

babayeva.inara@lsu.edu.az

Mehman Təyyar oğlu Abbasov- kimya üzrə fəlsəfə doktoru, dosent

2018-ci ilin sentyabr ayından Lənkəran Dövlət Universitetinin “Kimya və fizika” kafedrasında 0.5 ştat dosent vəzifəsində işləyir. 41 elmi əsərin müəllifidir.

m.abbasov@lsu.edu.az

Xalıqov Akif Sahib oğlu- pedaqogika üzrə fəlsəfə doktoru, müəllim

2019-cu ilin sentyabr ayından Lənkəran Dövlət Universitetinin “Kimya və fizika kafedrasında saat hesabı müəllim kimi çalışır. 7 elmi əsərin müəllifidir.

a.xaliqov@lsu.edu.az

Məmmədova Günay Qulu qızı 1991-ci il 29 dekabr tarixində Qax rayonunda anadan olmuşdur. 1998-ci ildə Qax şəhər N. Allahverdiyev adına 2 saylı tam orta məktəb liseyinin 1-ci sinifinə daxil olmuş, 2009-cu ildə isə həmin məktəbi bitirmişdir.

2009-cu ildə Azərbaycan Dövlət Müəllimlər Institunun Zaqatala filialının Tarix-Coğrafiya müəllimliyi ixtisasına daxil olmuş və 2013-cü ildə bitirmişdir. 2014-cü ildə Lənkəran Dövlət Universitetinin Azərbaycanın fiziki coğrafiya ixtisası üzrə magistr pilləsinə daxil olmuş və 2016-ci ildə isə fərqlənmə diplomu ilə bitirmişdir.

Azərbaycan Milli Elmlər Akademiyasının Botanika Institutunun Ekoloji Təmiz Kənd Təsərrûfatı üzrə Regional Təcrübə və Resurs Mərkəzinin 5 avqust 2016 ci il tarixindən 28 sentybr 2016-ci il tarixinədək Qax şəhərində ''Ekoloji kənd Təsərrüfatının əsasları'' üzrə ali təhsilli gənclərdən ibarət könüllülər qrupu üçün təşkil olunmuş təlimlərdə iştirak edərək sertifikat əldə etmişdir.

2017- 2021-ci illər ərzində Zaqatala şəhər Paşan kənd tam orta məktəbində coğrafiya müəllimi kimi fəaliyyət göstərmişdir.

2018-2022-ci illər ərzində Lənkəran Dövlət Universitetinin 5408.01 – “Fiziki coğrafiya və biocoğrafiya, torpaq coğrafiyası, landşaftların geofizikası və geokimyası” ixtisasında fəlsəfə doktoru proqramı çərçivəsində təhsil almışdır.

2021-ci il 16 sentyabr tarixindən Lənkəran Dövlət Universitetində ''Biologiya və Ekologiya'' kafedrasinda 1.0 ştat müəllim kimi fəaliyyət göstərir. 7 məqalə və 10 tezisin müəllifidir.

gunay.mammadova@lsu.edu.az

Axundova Samirə Zakir qızı. 1985-ci ildə Lənkəran şəhərində anadan olmuşdur. 2002 ci ildə Lənkəran 2 saylı orta məktəbi bitirmişdir. 2002-2006 cı illərdə Lənkəran Dövlət Universitetinin Biologiya ixtisasında bakalavr təhsili almışdır. 2007-2009-cu illərdə Lənkəran Dövlət Universitetinin Biologiya-Ekologiya istiqaməti üzrə magistr təhsili almışdır. 2013-2017- ci illərdə Lənkəran Dövlət Universitetinin ekologiya (2416.01) ixtisası üzrə doktorantı olmuşdur. 2006-2021-ci illərdə Lənkəran Dövlət Humanitar Kollecində biologiya müəllimi kimi fəaliyyət göstərmiş, 2023-cü ildən Lənkəran Dövlət Universitetinin Biologiya-ekologiya kafedrasında müəllim kimi çalışır.

21232@lsu.edu.az

Sevda Aydın qızı Bağırova - müəllim

2017-ci ilin aprel ayından Lənkəran Dövlət Universitetinin “Kimya və biologiya” kafedrasında 0.5 ştat kimya müəllimi, 2020-ci ildən “Kimya və fizika” kafedrasında 1.0 ştat müəllim kimi fəaliyyət göstərir. 10-dan çox elim əsərin müəllifi, 1 dərs vəsaitinin həmmüəllifidir.

AMEA-nın “Dendrologiya Elmi-Tədqiqat İnstitutunun” doktorantıdır.

s.bagirova@lsu.edu.az

Yasəmən Mövlam qızı Rəsulova – baş müəllim

2018-ci ildən Lənkəran Dövlət Universitetinin “Kimya və fizika” kafedrasında 0,5 ştat fizika müəllimi kimi, hazırda isə fizika fənni üzrə 1.0 ştat baş müəllim kimi fəaliyyət göstərir.

y.rasulova@lsu.edu.az

Sadıqzadə Bahar Etibar qızı- müəllim

24.04.1995-ci ildə Abşeron rayonu Xırdalan şəhərində anadan olmuşdur.2012-ci ildə Laçın rayonu DəyHan kənd tam orta məktəbini,2016-ci ildə Azərbaycan Dövlət Pedaqoji Universitetinin bakalavr pilləsini, 2018-ci ildə isə həmin universitetin magistraturasını bitirmişdir. 2019-cu ildə MİQ imtahından müvafiq balı toplayaraq Şıxəkəran kənd tam orta məktəbində fizika müəllimi kimi fəaliyyət göstərmişdir. 2021-ci ildən etibarən yerdəyişmə imtahanı ilə Lənkəran şəhər 6 saylı texniki –riyaziyyat təmayüllü liseydə fizika müəllimi kimi fəaliyyət göstərir. 23.02.2022-ci ildən Lənkəran Dövlət Universitetinin “Kimya və fizika” kafedrasında 0,5 ştat fizika müəllimi kimi fəaliyyət göstərir.

b.sadiqzadə@lsu.edu.az

Sadıxov Fəxrəddin Sərhad oğlu-müəllim

2021-ci ildən Lənkəran Dövlət Universitetinin “Kimya və fizika” kafedrasında 1.0 ştat fizika müəllimi kimi fəaliyyət göstərir.

f.sadiqov@lsu.edu.az

m. Nərmin Natiq qızı Sadıxzadə

1988-ci ildə Lənkəran şəhərində anadan olmuşdur. 2005-ci ildə Lənkəran şəhər 4 saylı orta məktəbini, 2010-cu ildə isə Odlar Yurdu Universitetinin Müalicə işi fakültəsini bitirmiş, həkim-terapevt ixtisasına yiyələnmişdir. Lənkəran Mərkəzi Rayon Xəstəxanasının Poloklinika şöbəsində həkim-terapevt vəzifəsində çalışır. 2016-cı ildə Lənkəran Dövlət Universitetinin “İbtidai təhsil və məktəbəqədər təlim” kafedrasında, 2018-ci ildən isə “Biologiya və ekologiya” kafedrasında “Tibbi biliklərin əsasları” fənnini tədris edir. 2019-cu ildən Lənkəran Dövlət Universitetinin “Genetika” (2409.01) ixtisası üzrə doktorantıdır.

n.sadixzade@lsu.edu.az

m. Gülmayə Sahib qızı Əkbərova

Əkbərova Gülmayə Sahib qızı 1961-ci ildə Sumqayıt şəhərində anadan olmuşdur. 1978-ci ildə 13 nömrəli Sumqayıt şəhər kimya təmayüllü orta məktəbini bitirmişdir. Elə həmin il Azərbaycan Tibb İnstitutuna daxil olmuşdur. 1984-cü ildə həmin institutun pediatriya fakültəsini bitirmiş, Sumqayıt şəhər xəstəxanasına təyinat almışdır. Bir müddət Lənkəran uşaq evində həkim, Kərgəlan həkim məntəqəsində həkim, sonradan isə Aşağı Nüvədi həkim məntəqəsində həkim işləmişdir. 1997-ci ildən Lənkəran Tibb Kollecində saathesabı, 2000-ci ildən isə ştat üzrə müəllim vəzifəsində çalışıb. 2018-ci ildən isə Lənkəran Dövlət Universitetində 0.5 ştat müəllim kimi çalışır.

g.akbarova@lsu.edu.az

Əsədov Fərqan Qabil oğlu- fizika üzrə fəlsəfə doktoru

Əsas iş yeri olaraq AMEA-nın Radiasiya Problemləri İnstitutunda, 2024-cü ildən isə Lənkəran Dövlət Universitetində 0.5 ştat dosent vəzifəsində çalşır. 39 elmi əsərin, o cümlədən 30 məqalə və 9 tezisin müəllifidir.

esedov@lsu.edu.az

Kərimov Əfqan Məhmədalı oğlu, fizika üzrə fəlsəfə doktoru, dosent

Əsas iş yeri ADPU Fizikanın Tədrisi Metodikası kafedrası.

2024-cü ildən Lənkəran Dövlət Universitetinin “Kimya və fizika” kafedrasında 0.5 ştat müəllim kimi çalışır.

4 metodik vəsait və 50-dən artıq elmi əsərin müəllifidir. afqan.kerimov@lsu.az

Hacıyev Tofiq Mirabdulla oğlu - baş müəllim

Əsas iş yeri ADPU Fizikanın Tədrisi Metodikası kafedrasının baş müəllimi.

2022-ci ildən Lənkəran Dövlət Universitetində “Kimya və fizika” kafedrasında 0.5 ştat baş müəllim vəzifəsində çalışır.

120-dən çox elmi əsərin o cümlədən, 100 məqalə və 20-dən yuxarı tezisin müəllifidir.

t.haciyev@lsu,edu,az