Xarici dillər kafedrası Lənkəran Dövlət Universitetinin ən böyük kafedralarından biridir. 1992-ci ildən fəaliyyət göstərir. Kafedra 050103-Xarici dil (ingilis dili) müəllimliyi ixtisası üzrə bakalavr və 060103-Xarici dilin tədrisinin metodikası və metodologiyası ixtisası üzrə magistr təhsil səviyyələrinə görə ixtisaslaşmışdır. Hazırda kafedrada 22 əməkdaş çalışır. Onlardan 1 nəfər fil.e.d.,professor (0,5 ştat), 2 nəfər fil.ü.f.d., dosent (1,0 ştat), 6 nəfər baş müəllim (1,0 ştat), 10 nəfər (1,0 ştat) müəllim, 2 nəfər baş müəllim (0,5 ştat), 1nəfər (0,5 ştat) müəllimdir. Kafedrada İngilis dili müəllimliyi ixtisası üzrə kadrlar hazırlanır və aşağıda göstərilən iki istiqamət üzrə elmi-tədqiqat işləri aparılır:

1. Dilçiliyin müqayisəli tipologiyası

2. Xarici dilin tədrisinin müasir problemləri

Kafedra üzrə ixtisaslaşmalar:

Bakalavr pilləsi üzrə:

1.050103 - Xarici dil (İngilis dili) müəllimliyi

Magistratura üzrə

2. 060103 - Xarici dilin tədrisi metodikası və metodologiyası

Doktorantura və dissertantura üzrə

3. 5714.01– Müqayisəli-tarixi və müqayisəli-tipoloji dilçilik

4. 570701 - Slavyan dilləri

5. 5708.01 - German dilləri

Kafedra üzrə tədris olunan əsas fənlərin siyahısı:

Bakalavriat səviyyəsi üzrə:

1. Xarici dilin kommunikativ fonetikası

2. Xarici dil bacarıqları - 1, 2, 3, 4, 5, 6

3. Xarici dilin kommunikativ qrammatikası - 1, 2

4. Xarici dilin tədrisi metodikası – 1 – 2

5. Xarici dilin leksikologiyası

6. Xarici dilin üslubiyyatı

7. Ölkəşünaslıq

8. Xarici dildə işgüzar və akademik kommunikasiya - (ingilis dili) - 1, 2

9. Xarici dildə işgüzar və akademik kommunikasiya - (rus dili) - 1, 2

10. S/f (Ümumtəhsil sistemində innovasiya)

11. S/f (İbtidai siniflərdə xarici dil tədrisinin xüsusiyyətləri)

12. S/f (İngilis dilinin mətbuat dili)

13. S/f (Fonetik təhlil)

14. S/f. (Morfoloji təhlil)

15. S/f (Leksik və sintaktik təhlil)

16. S/f. (Tərcümə)

17. S/f (İngilis dilində ev oxusu)

18. S/f (Akademik yazı və oxu)

19. S/f (Ümumtəhsil kurikulumunun əsasları)

Magistratura səviyyəsi üzrə:

1. Müqayisəli tipologiya

2. XDT-nin linqvo-didaktik problemləri

3. Dil təlimi materialları və qiymətləndirilməsi

4. Xarici dillərdə hazırlığın müasir problemləri

5. Dilin mənimsənilməsi və diskurs təhlil

6. S/f.Kommunikativ dil təlimi

7. S/f Semantik təhlil və praqmatikanın əsasları

8. Xarici dil (ingilis dili)

9. Xarici dil (rus dili)

Kafedra müdiri haqqında.

Əkbərov Haşım Lələxan oğlu, baş müəllim.

1966-cı il avqust ayının 26-da Lənkəran rayonunun Cil kəndində anadan olmuşdur. 1991-ci ildə SSRİ-nin 50-illiyi adına Azərbaycan Pedaqoji Xarici Dillər İnstitutunun (indiki Azərbaycan Dillər Universiteti) “İngilis dili və ədəbiyyatı” fakültəsini müvəffəqiyyətlə bitirmişdir. 1995-ci ildən LDU-nun “Xarici dillər” kafedrasında çalışır. Haşım Əkbərov 2009-cu ildə Amerika Təhsil Şurasının keçirdiyi “Universitet Müəllimlərinin İnkişaf Proqramı” (JFDP-USA) proqramının qalibi olmuş (2009/2010) və ABŞ-ın Kanzas ştatının Kanzas Universitetində “Tətbiqi dilçilik” və Uayominq ştatının Uayominq Universitetində isə “Amerikaşünaslıq” fakültəsində təhsil almış, sertifikatlar və “Qran Pri” mükafatına layiq görülmüşdür. 2002, 2003, 2004-cü illərdə, üç il ardıcıl olaraq “Təhsildə Yüksək Mükafat” (TEA-USA) proqramının mükafatçısı olmuş və sertifikatlarını almışdır. 2011 və 2012-ci illərdə TEMPUS (Almaniya, İngiltərə), ESFIDIP, IANUS və ERASMUS MUNDUS (Avropa – Rumıniya,Yunanıstan, Polşa) layihələri çərçivəsində Böyük Britaniya, İtaliya, Almaniya universitetlərində, o cümlədən ölkəmizdə keçirilən treninq və beynəlxalq konfranslarda iştirak etmişdir. 2012-ci ildə Böyük Britaniyanın Esseks Universitetində Beynəlxalq Akademiyanın məzunu olmuş və sertifikatını almışdır. 2023-cü ildə (19.06.-23.06.) ERASMUS+KA107 proqramı çərçivəsində İspaniyanın Leon Universitetində rəhbər işçilərin (Staff Mobility) təlimində iştirak etmiş və sertifikatını almışdır. 2007/2010-cu illərdə AMEA-nın Nəsimi adına Dilçilik İnstitutunun doktoranturasını bitirmişdir. 2014/2016-cı illərdə isə Rumıniyanın İasse (Yaşş) şəhərində Aleksandru İoan Kuza Universitetində doktorantura təhsilini müvəffəqiyyətlə başa vurmuşdur. “Relyativ sintaqmlar (Azərbaycan və ingilis dilləri əsasında)” mövzusunda elmi-tədqiqat işini davam etdirir. Beynəlxalq impakt faktorlu jurnallarda və həmçinin “google scholar” və “academia net”də, o cümlədən respublikanın elmi jurnallarında məqalələri çap olunmuşdur. “Müqayisəli tipologiya”, “İngilis dilinin tədrisi metodikası”, “İngilis dilinin tədrisində innovasiyalar”, “Kommunikativ dil təlimii” kimi fənləri tədris edir. 42 elmi məqalə və bir neçə tezisin, 4 proqramın və 1 metodik vəsaitin müəllifidir. Outlook ünvan: h.akbarov@lsu.edu.az

Kafedra əməkdaşları haqqında.

Tahirov İlham Mikayıl oğlu, filologiya elmləri doktoru, professor. 8 iyun 1963-cü ildə Masallı rayonunun Miyankü kəndində anadan olmuşdur. SSRİ-nin 50 illiyi adına Azərbaycan Pedaqoji Xarici Dillər İnstitutunun (indiki ADU) ingilis dili fakültəsinin əyani şöbəsini fərqlənmə diplomu ilə bitirib (1986). Yardımlı rayonunun Hamarkənd kənd orta məktəbində müəllim işləmişdir (1986-1990). AMEA Nəsimi adına Dilçilik İnstitutunun əyani aspirantı olub (1990-1993). “Azərbaycan dili” ixtisası üzrə namizədlik (1994), “Dil nəzəriyyəsi” ixtisası üzrə doktorluq (2008) dissertasiyasını müdafiə etmişdir. Filologiya elmləri doktoru (2008), professordur (2019). AMEA Nəsimi adına Dilçilik İnstitutunda Ümumi dilçilik və dil əlaqələri şöbəsində kiçik elmi işçi, elmi işçi kimi çalışmışdır (1993-1996). AMEA Nəsimi adına Dilçilik İnstitutunun elmi katibi (1996-2013), institutun Qədim dillər və mədəniyyətlər şöbəsinin müdiri (2013-2014), Qədim dillər və mədəniyyətlər şöbəsində (2014-2016) və Hind-Avropa dilləri şöbəsində baş elmi işçi (2016-2019) kimi fəaliyyət göstərmişdir. 2019-cu ildən Dilçilik İnstitutunun Hind-Avropa dilləri şöbəsinin müdiridir. Ümumi dilçilik, dil nəzəriyyəsi, dillərarası əlaqələr, funksional-semantik sahə, dialekt leksikası, toponimika, dil əlaqələri, qədim dillər və mədəniyyətlərin tədqiqi məsələlərinə həsr olunmuş 7 monoqrafiya və kitabın, 7 proqram, 100-dən çox məqalə və tezisin, dilçilik, hüquq, beynəlxalq hüquq və siyasətin fəlsəfəsinə dair ingilis və rus dillərindən tərcümə etdiyi 8 kitabın müəllifi və redaktorudur. Elmi rəhbərliyi ilə 12 nəfər fəlsəfə doktoru, 2 nəfər elmlər doktoru dissertasiyası müdafiə etmişdir. AMEA Nəsimi adına Dilçilik İnstitutu Elmi Şurasının və Dissertasiya Şurasının, AMEA Rəyasət Heyətinin nəzdində Respublika Elmi Tədqiqatların Təşkili və Əlaqələndirilməsi Şurasının Humanitar elmlər üzrə problem şurasının üzvüdür.

2014-cü ildən Lənkəran Dövlət Universitetində “Müqayisəli tipologiya”, S/f (Semantik təhlil), “Xarici dilin leksikologiyası, “Xarici dillərin tədrisinin linqvo-didaktik problemləri” fənlərindən mühazirələr oxuyur, magistrant və doktorantlara rəhbərlik edir.

Outlook ünvan: iIham.tahirov@lsu.edu.az

Cavadova Yeganə Həmdulla qızı, fil.ü.fəl.dok., dosent. 1966-cı il yanvar ayının 4-də Lənkəran rayonunun Liman şəhərində anadan olub. 1986/1991-ci illərdə SSRİ-nin 50 illiyi adına Azərbaycan Pedaqoji Xarici Dillər İnstitutunda (indiki ADU) ali təhsil almışdır. 2010-cu ildə “Dil nəzəriyyəsi” ixtisası üzrə “İngilis dilində köməkçi nitq hissələri və onların Azərbaycan dilində ifadə vasitələri” mövzusunda dissertasiyasını müdafiə etmişdir. 2012-ci ildə filologiya üzrə fəlsəfə doktoru adını almışdır. 1996/2016-cı illərdə Azərbaycan Memarlıq və İnşaat Universitetində “Əcnəbi Dillər” kafedrasında baş müəllim kimi işləmişdir. 2015-ci ildən Lənkəran Dövlət Universitetində 0,5 ştat müəllim, 2018-ci ilin sentyabrından isə 1.0 (tam) ştat müəllimi kimi fəaliyyət göstərir. “Xarici dildə hazırlığın tarixi və metodologiyası”, “Dilin mənimsənməsi və diskurs təhlil”, “Xarici dillərdə hazırlığın müasir problemləri”, “Ölkəşünaslıq”, “Xarici dil bacarıqları” kimi fənləri tədris edir. 17 elmi məqalənin müəllifidir.

Outlook ünvanı: y.cavadova@lsu.edu.az

Abbasova Sədaqət Şirin qızı, fil.ü.fəl.dok., dosent. 1960-cı il noyabr ayının 15-də Qəbələ rayonunun Zarağan kəndində anadan olub. 1981/1986-cı illərdə SSRİ-nin 50 illiyi adına Azərbaycan Pedaqoji Xarici Dillər İnstitutunda (indiki ADU) ali təhsil almış və oranı fərqlənmə diplomu ilə bitirmişdır. 1986-cı ildə Azərbaycan Politexnik İnstitutunda işə başlamışdır. 1991-ci ildən 2011-ci ilə qədər Bakı Dövlət Universitetində işləmişdir. 2011-ci ildən 2024-cü ilin fevralınadək Türkiyə Cümhuriyyətinin Karabük, Giresun, Kars-Kafkas Universitetlərində fəaliyyət göstərmişdir. 2024-cü ilin fevralın 27-dən Lənkəran Dövlət Universitetində 1.0 (tam) ştat dosent kimi fəaliyyət göstərir. “İngilis dilində ev oxusu”, “İngilis dilində mətbuat dili”, “Tərcümə”, “Leksik və sintaktik təhlil”, “Xarici dildə işgüzar və akademik kommunikasiya” fənlərini tədris edir.41 elmi məqalənin müəllifidir.

Outlook ünvanı: abbasova.sedaqet@lsu.edu.az

Heydərov Rafael Kəlbi oğlu, baş müəllim. 1954-cü il may ayının 12-də Lənkəran rayonunun Boladi kəndində anadan olmuşdur. 1975–ci ildə SSRİ-nin 50 illiyi adına Azərbaycan Pedaqoji Xarici Dillər İnstitutunun (indiki ADU) “İngilis dili” fakültəsini bitirmişdir. 2001-ci ildən kafedrada çalışır. R.Heydərov TEMPUS layihəsi çərçivəsində Böyük Britaniya, Almaniya universitetlərində, o cümlədən ölkəmizdə keçirilən treninqlərdə və beynəlxalq konfranslarda iştirak etmişdir. “Fonetik təhlil”, “Xarici dilin kommunikativ fonetikası”, “Morfoloji təhlil”, “Xarici dildə işgüzar və akademik kommunikasiya” fənlərini tədris edir. 15 elmi məqalənin və 4 tezisin müəllifidir. Outlook ünvanı: r.heydarov@lsu.edu.az

Ağayeva Zülfiyyə Xanoğlan qızı, baş müəllim. 1964-cü il fevral ayının 8-də Lerik rayonunda anadan olub. 1986-cı ildə M.F.Axundov adına APRDƏ İnstitutunu (indiki BSU) bitirib. 1994-cü ildən kafedrada çalışır. “Xarici dildə işgüzar və akademik kommunikasiya” (rus dili)” fənnini tədris edir. 2018-ci ildən baş müəllim vəzifəsində çalışır. 2022-2025-ci illərdə “Filologiya və İbtidai Təhsil fakültəsi”ndə tədris işləri üzrə dekan müavini işləmişdir. O, bir çox elmi konfrans, təlim və simpoziumlarda fəal iştirak etmişdir. 16 elmi məqalə və tezisin, 1 proqramın müəllifidir.

Outlook ünvanı: z.agayeva@lsu.edu.az

Fərəməzov Azər Surətulla oğlu, baş müəllim. 1966-cı il mart ayının 22-də Astara rayonunun Təngərüd kəndində anadan olub. 1991-ci ildə SSRİ-nin 50-illiyi adına Azərbaycan Pedaqoji Xarici Dillər İnstitutunun (indiki ADU) İngilis dili və alman dili müəllimi ixtisasını bitirib. 1991-ci ildən 2003-cü ilədək Astara rayonunun bir sıra orta məktəblərində ingilis dili fənnini tədris etmişdir. 2003-cü ildə Lənkəran rayonunun Şürük kəndində ABŞ-ın “Project Harmony” təşkilatında məktəbdə əlaqələndirmə proqramında Layihə koordinatoru vəzifəsində çalışmışdır. 2004-2016-cı illərdə Astara Pedaqoji Kollecində ingilis dili müəllimi vəzifəsində çalışmışdır. 2007-ci il 27-29 sentyabrda Amerikanın “USAİD” təşkilatının “Liderlik, nüfuz və təşkilati quruculuğa giriş” mövzusunda təlimdə iştirak etmiş, daha yüksək bal toplayıb kursu uğurla başa çatdırmış və sertifikatını almışdır. 2013-cü il 3-6 aprel tarixlərində Kiyevdə Beynəlxalq Konfransda iştirak etmişdir. “Qeyri-ixtisas tələbələrinə ingilis dilinin öyrədilməsində müsbət motivasiyaları formalaşdırmaq” adlı elmi məqaləsi 2015-ci ildə Kiyev Milli Akademiyasında çap olunub. “Xarici dildə işgüzar və akademik kommunikasiya” fənnini tədris edir. O, 20 elmi məqalənin müəllifidir. 2019-cu ildən “German dilləri” ixtisası üzrə dissertantdır.

Outlook ünvanı: a.faramazov@lsu.edu.az

Məmmədova Günel Elmir qızı, baş müəllim. 1991-ci il avqust ayının 14-də Şuşada anadan olmuşdur. 2012-ci ildə Azərbaycan Dillər Universitetinin “İngilis dili” fakültəsini bitirmişdir. 2013-cü ildə magistratura təhsilini Azərbaycan Dövlət Pedaqoji Universitetinin “İbtidai təhsilin tədrisi metodikası və metodologiyası” ixtisası üzrə davam etdirmişdir. 2016-cı ildə Lənkəran Dövlət Universitetində tyutor kimi işə başlayıb. 6 sentyabr 2017-ci ildən “Xarici dillər” kafedrasında ingilis dili müəllimi kimi fəaliyyət göstərir. 2018-ci ildə LDU-nun Doktorantura şöbəsinin “Müqayisəli-tarixi və müqayisəli tipoloji dilçilik” ixtisasına qəbul olunmuşdur. 2022-ci ilin oktyabr ayından Universitetin Beynəlxalq Əməkdaşlıq Şöbəsində Tələbə-Müəllim mübadiləsi üzrə mütəxəssis və hal-hazırda isə həmin şöbənin müdiridir. “Xarici dildə işgüzar və akademik kommunikasiya” fənnini tədris edir. O, 20 məqalə və tezisin müəllifidir.

Outlook ünvanı: G.mammadova@lsu.edu.az

Əliyev İlqar Tahir oğlu, baş müəllim. 1981-ci il iyul ayının 5-də Lənkəran şəhərində anadan olub. 2003-cü ildə Lənkəran Dövlət Universitetinin İngilis dili və ədəbiyyatı ixtisası üzrə bakalavr pilləsini bitirib. 2003/2005-ci illərdə Lənkəran Dövlət Universitetinin magistr pilləsində “Dilşünaslıq” üzrə təhsilini davam etdirmişdir. 2014-cü ildən LDU-da çalışır. 2019-cu ildə Dünya ədəbiyyatı ixtisası üzrə LDU-nun dissertantura şöbəsini bitirmişdir. “Xarici dildə işgüzar və akademik kommunikasiya” fənnini tədris edir. 4 elmi məqalənin 2 tezisin müəllifidir.

Outlook ünvan: ilqar.aliyev@lsu.edu.az

Kazımova Məlahət Şahverən qızı, baş müəllim. 1958-ci il dekabrın 3-də Lənkəran şəhərində anadan olub. 1981-ci ildə SSRİ-nin 50 illiyi adına Azərbaycan Pedaqoji Xarici Dillər İnstitutunun (indiki ADU) “İngilis dili” fakültəsini bitirib. 1981-1995-ci illərdə Lənkəran şəhər Musiqi Texnikumunda ingilis dili müəllimi işləyib. 1995-ci ildə Lənkəran Dövlət Universitetində ingilis dili müəllimi kimi fəaliyyətə başlayıb. Hazırda “Xarici dildə işgüzar və akademik kommunikasiya (ingilis dili)” fənnini tədris edir. 13 elmi məqalə və 2 tezis müəllifidir.

Outlook ünvanı: m.kazimova@lsu.edu.az

Manafova Tünzalə Cəlal qızı, müəllim. 1972-ci ildə Lənkəran rayonunun Gərmətük qəsəbəsində anadan olub. 1994-cü ildə Azərbaycan Pedaqoji Xarici Dillər İnstitutunun “Fransız dili” fakültəsinin fransız-ingilis dili ixtisasını bitirmişdir. 2002-ci ildən Lənkəran Dövlət Universitetində çalışır. “Xarici dildə işgüzar və akademik kommunikasiya (ingilis dili)” fənnini tədris edir. 2019-cu ildə LDU-nun Dissertantura şöbəsinin “Müqayisəli-tarixi və müqayisəli tipoloji dilçilik” ixtisasına qəbul olmuşdur. 7 elmi məqalənin müəllifidir.

Outlook ünvanı: t.manafova@lsu.edu.az.

Ağayev Müqəddin İmanverdi oğlu, baş müəllim. 16 yanvar 1962-ci ildə Lənkəran rayonunun Gərmətük qəsəbəsində anadan olmuşdur. 1988-ci ildə M.F.Axundov adına Rus dili və ədəbiyyatı İnstitutunu fərqlənmə diplomu ilə bitirmişdir. 2018-ci ildən Lənkəran Dövlət Universitetində çalışır. 2023-2024-cü illərdə Filologiya və İbtidai Təhsil fakültəsinin sosial məsələləri üzrə dekan müavini işləmişdir. Xarici dildə işgüzar və akademik kommunikasiya (rus dili) fənnini tədris edir. 2019-cu ildə Lənkəran Dövlət Universitetinin Doktorantura şöbəsinin “Slavyan dilləri” ixtisasını bitirmişdir. 12 elmi məqalənin müəllifidir.

Outlook ünvanı: m.aqayev@lsu.edu.az

İbrahimova Cəmilə Məzahir qızı, müəllim. 1992-ci il 23 noyabrda Lənkəran rayonunun Türkəkəran kəndində anadan olmuşdur. 2010-cu ildə Lənkəran Dövlət Universitetinin Xarici dil müəllimliyi (ingilis dili) ixtisasına qəbul olunmuşdur. 2014-cü ildə həmin ixtisas üzrə bakalavr səviyyəsini bitirmişdir. 2017-2019-cu illərdə Lənkəran Dövlət Universitetində “Xarici dilin tədrisi metodikası və metodologiyası” ixtisaslaşması üzrə magistr təhsilini fərqlənmə ilə başa vurmuşdur. 2014-2021-ci illərdə LDU-da laborant və operator-kargüzar vəzifələrində çalışmışdır. 2020-2021-ci tədris ilindən Lənkəran Dövlət Universitetinin Xarici dillər kafedrasında İngilis dili müəllimi kimi fəaliyyət göstərir. 2024-cü ildə Lənkəran Dövlət Universitetinin Dissertantura şöbəsinin “Müqayisəli-tarixi və müqayisəli tipoloji dilçilik” ixtisasına qəbul olmuşdur. Filologiya və İbtidai Təhsil fakültəsində sosial məsələlər üzrə dekan müavinidir. “Xarici dil bacarıqları (3,4,5,6)” və “Xarici dildə işgüzar və akademik kommunikasiya (ingilis dili)” fənlərini tədris edir. 6 elmi məqalə və tezisin müəllifidir.

Outlook ünvanı: c.ibrahimova@lsu.edu.az

Ağazadə Şəfa Əliziya qızı, müəllim. 1996-cı il iyulun 17-də Lənkəran rayonunun Veravul kəndində anadan olmuşdur. 2014-cü ildə Lənkərən Dövlət Universitetinin “Tərcümə” ixtisasına qəbul olunmuşdur. 2018-ci ildə həmin ixtisas üzrə bakalavr səviyyəsini bitirmişdir. 2020-2022-ci illərdə LDU-nun “Xarici dilin tədrisi metodikası və metodologiyası” ixtisaslaşması üzrə magistr təhsilini müvəffəqiyyətlə başa vurmuşdur. 2019-cu ildə Lənkəran Tibb Kollecində İngilis dili müəllimi kimi işə başlamışdır. 2022-ci ildə LDU-nun nəzdində Sosial və Aqrar–Texnoloji Kollecdə İngilis dili müəllimi kimi çalışmışdır. 2022-ci ilin sentyabrından isə Lənkəran Dövlət Universitetində müəllim kimi fəaliyyət göstərir. Lənkəran Dövlət Universitetində Filologiya və ibtidai təhsil fakültəsi üzrə Tələbə Elmi Cəmiyyətinin sədridir. Xarici dildə işgüzar və akademik kommunikasiya (ingilis dili) fənnini tədris edir. Respublikanın bir neçə elmi və praktik konfransında və təlimlərdə iştirak etmişdir. 2 tezis müəllifidir.

Outlook ünvanı: shafa.agazade@lsu.edu.az

Kazımova Aysel Şamil qızı, müəllim. 1992-ci il avqust ayının 19-da Lənkəran rayonunun Veravul kəndində anadan olmuşdur. 2010-2014-cü illərdə Lənkəran Dövlət Universitetinin Xarici dil (ingilis dili) müəllimliyi ixtisasında bakalavr təhsilini almışdır. 2014-2021-ci illərdə Lənkəran Dövlət Universitetində laborant vəzifəsində çalışmışdır. 2021-ci ildə Lənkəran Dövlət Universitetinin Xarici dilin tədrisi metodikası və metodologiyası (ingilis dili üzrə) ixtisaslaşması magistratura pilləsinə qəbul olmuş, 2023-cü ildə isə həmin ixtisaslaşmanı fərqlənmə diplomu ilə bitirmişdir. Eyni zamanda 2021-2023-cü illərdə Lənkəran Dövlət Universitetində 0,5 ştat kabinet müdiri vəzifəsində çalışmışdır. 2024-cü ildə Lənkəran Dövlət Universitetinin Dissertantura şöbəsinin “Müqayisəli-tarixi və müqayisəli tipoloji dilçilik” ixtisasına qəbul olmuşdur. Hazırda Lənkəran Dövlət Universitetinin Xarici dillər kafedrasının əməkdaşıdır. Xarici dildə işgüzar və akademik kommunikasiya (ingilis dili) fənnini tədris edir. 2 elmi məqalə və tezisin müəllifidir.

Outlook ünvanı: a.kazimova@lsu.edu.az

Səfərli Aytac Mirnazim qızı, müəllim. 1998-ci il sentyabr ayının 4-də Lənkəran rayonunun Gərmətük qəsəbəsində anadan olmuşdur. 2020-ci ildə Lənkəran Dövlət Universitetinin Xarici dil (ingilis dili) müəllimliyi ixtisası üzrə bakalavr pilləsini fərqlənmə diplomu ilə bitirmişdir. 2023-cü ildə həmin universitetin Dilşünaslıq (ingilis dili) ixtisaslaşması üzrə magistr təhsilini başa vurmuşdur. 2023-cü ildən Lənkəran Dövlət Universitetinin Xarici dillər kafedrasında ingilis dili müəllimi kimi çalışır. Xarici dildə işgüzar və akademik kommunikasiya (ingilis dili) fənnini tədris edir. 1 məqalə və 3 tezisin müəllifidir.

Outlook ünvanı: a.safarli@lsu.edu.az

Məmmədova Nafilə Tərlan qızı, müəllim. 1994-cü il mart ayının 18-də Şamaxı şəhərində anadan olmuşdur. 2011-ci ildə Azərbaycan Dillər Universitetinin Xarici dil müəllimliyi fakültəsinin ingilis dili müəllimi ixtisasına daxil olmuş, 2015-ci ildə isə həmin universiteti müvəffəqiyyətlə bitirmişdir. 2020-ci ildə Azərbaycan Dövlət İqtisad universitetinin Biznesin idarə edilməsi fakültəsinin magistr pilləsinə daxil olmuş, 2022-ci ildə oranı bitirmişdir. 2016-cı ildə Saatlı rayonu İ.N.Nəzimov adına Qazanbatan kənd ümumi orta məktəbində ingilis dili müəllimi kimi işə başlamışdır. 2020-2022-ci illər ərzində Saatlı rayon Səməd Vurğun adına 1 nömrəli orta məktəbdə ingilis dili müəllimi kimi işləmişdir. Hazırda Lənkəran Dövlət Universitetində ingilis dili müəllimi kimi fəaliyyət göstərir. Xarici dildə işgüzar və akademik kommunikasiya (ingilis dili) fənnini tədris edir.

Outlook ünvanı: n.mammadova@lsu.edu.az

Məstiyeva Aysel Bafaddin qızı, müəllim. 1996-cı il 1 fevral tarixində Lerik rayonunda anadan olmuşdur. 2013-cü ildə Lənkəran Dövlət Universitetinin Tərcümə (ingilis dili üzrə) ixtisasına qəbul olmuşdur. 2017-ci il tarixində həmin ixtisası müvəffəqiyyətlə bitirmişdir. 2018-ci ildə Lənkəran Dövlət Universitetinin Xarici dilin tədrisi metodikası və metodologiyası (ingilis dili) ixtisaslaşması üzrə magistr səviyyəsinə qəbul olmuş, 2020-ci ildə magistraturanı bitirmişdir. 2020-2022-ci il tarixlərində Lənkəran Dövlət Universitetinin Elm və tədqiqat işləri şöbəsində Qrif işləri üzrə mütəxəssis vəzifəsində çalışmışdır. 2024-cü tədris ilindən Lənkəran Dövlət Universitetinin Xarici dillər kafedrasının əməkdaşıdır. Xarici dildə işgüzar və akademik kommunikasiya fənnini tədris edir. 1 elmi məqalə və tezis müəllifidir.

Outlook ünvanı: aysel.mastiyeva@lsu.edu.az

Axundzadə Rasimə Rasim qızı, müəllim. 1995-ci il iyun ayının 14-də Lənkəran şəhərində anadan olmuşdur. 2016-cı ildə Azərbaycan Dillər Universitetinin Tərcümə ixtisasını fərqlənmə diplomu ilə bitirmişdir. 2019-cu ildə Lənkəran Dövlət Universitetində Xarici dilin tədrisi metodikası və metodologiyası ixtisası üzrə magistr dərəcəsini almışdır. 2016-cı ildə Lənkəran Dövlət Universitetinin Maliyyə, mühasibat uçotu və audit kafedrasında laborant, 2017-ci ildə İnsan resursları və kargüzarlıq şöbəsində dəftərxana işləri üzrə mütəxəssis, 2020-ci ildə Beynəlxalq Əməkdaşlıq şöbəsində beynəlxalq əlaqələr üzrə mütəxəssis, 2023-cü ildə Tədrisin təşkili, qeydiyyat və qiymətləndirmə bölməsində Qeydiyyat və qiymətləndirmə üzrə mütəxəssis vəzifələrində çalışmışdır. 2024-cü ildən Xarici dillər kafedrasında müəllim vəzifəsində çalışır. Xarici dildə işgüzar və akademik kommunikasiya fənnini tədris edir.

Outlook ünvanı: rasime.axundzade@lsu.edu.az

Muradova Maya Əlisa qızı, müəllim. 1986-cı il may ayının 2-də Lənkəran şəhərində anadan olmuşdur. 2007-ci ildə Azərbaycan Beynəlxalq Universitetinin Filologiya-Xarici dil (ingilis dili) ixtisasını bitirmişdir. 2007/2008-ci illərdə Lənkəran Tibb Məktəbində (indiki Lənkəran Tibb Kolleci) ingilis dili müəllimi kimi çalışmışdır. 2009-cu ildən Lənkəran Dövlət Humanitar Kollecində (indiki LDU-nun nəzdində Sosial və Aqrar-Texnoloji Kollec) ingilis dili müəllimi kimi fəaliyyətə başlamış, eyni zamanda təhsil sənədləri üzrə mütəxəssis vəzifəsində çalışmışdır. 2023-cü ildə LDU-nun Xarici dilin tədrisi metodikası və metodologiyası (ingilis dili) ixtisasının magistratura pilləsini fərqlənmə diplomu ilə bitirmişdir. 2024-cü ildən kafedrada çalışır. 2024-cü ildə Lənkəran Dövlət Universitetinin Dissertantura şöbəsinin Müqayisəli-tarixi və müqayisəli tipoloji dilçilik ixtisasına qəbul olunmuşdur. Xarici dildə işgüzar və akademik kommunikasiya fənnini tədris edir. 2 tezis, 2 məqalə və 1 proqram müəllifidir.

Outlook ünvanı: maya.muradova@lsu.edu.az

Nuri Billurə Məmmədəli qızı, müəllim. 1992-ci il yanvar ayının 26-da Biləsuvar rayonunda anadan olub. 2007-2011-ci illərdə Lənkəran Dövlət Humanitar kollecində İngilis dili müəllimliyi üzrə təhsil alıb. 2012-2016-cı illərdə Lənkəran Dövlət Universitetinin ingilis dili müəllimliyi ixtisasını bitirmişdir.

2016-2023-cü illərdə Lənkəran Tibb Kollecində ingilis dili müəllimi kimi çalışıb. 2018-2020-ci illərdə Lənkəran Dövlət Universitetində Dilşünaslıq (ingilis dili) ixtisası üzrə magistr təhsili alıb. 2022-ci ildə Bakı Dövlət Universitetinin Ümümi Dilçilik kafedrasının Müqayisəli-tarixi və müqayisəli tipoloji dilçilik ixtisası üzrə doktoranturaya qəbul olub. Hazırda Lənkəran Dövlət Universitetinin Beynəlxalq Əməkdaşlıq şöbəsində Layihələrin idarə olunması üzrə mütəxəssis və Xarici dillər kafedrasının müəllimidir. Xarici dildə işgüzar və akademik kommunikasiya (ingilis dili) fənnini tədris edir. 4 tezis və 4 məqalə müəllifidir.

Outlook ünvanı: b.nuri@lsu.edu.az

Qurbanova Aygün İlham qızı, müəllim. 13 dekabr 1983-cü ildə Lənkəran şəhərində anadan olmuşdur. 2000-ci ildə Lənkəran Dövlət Universitetinin İngilis dili və Ədəbiyyatı ixtisasına qəbul olmuşdur. 2006-cı ildə həmin universitetin Dilşünaslıq (ingilis dili) ixtisaslaşması üzrə magistr təhsilini fərqlənmə diplomu ilə bitirmişdir. 2004-cü ildə 5 saylı orta məktəbdə müəllim kimi fəaliyyətə başlamışdır. 2025-ci ildən Lənkəran Dövlət Universitetinin Xarici dillər kafedrasında ingilis dili müəllimi kimi çalışır. Xarici dildə işgüzar və akademik kommunikasiya 1-2 (İngilis dili) fənini tədris edir.

Outlook ünvanı: qurbanova.aygun@lsu.edu.az

Kafedranın yerləşdiyi poçt ünvanı, telefonları, elektron ünvanı, faks nömrəsi

Kafedranın ünvanı: Lənkəran şəhəri, Əli Məmmədov küçəsi 40, 2 saylı korpus.

Telefon: 4-35-69, daxili nömrə: 105

Elektron ünvanı: w.w.w.lsu.edu.az

Faks nömrəsi: 5-25-88

Kafedra haqqında məlumatları baş müəllim Haşım Əkbərov təqdim etmişdir.