Tədrisin Təşkili və Təlim Texnologiyaları Mərkəzinin daxilində müasir tədris prosesinin nizamlanmasında vacib olan tyutorlar fəaliyyət göstərir ki, onlar da tələbələrə akademik məsləhət verməklə tədrisin təşkilində və keyfiyyət təminatında yaxından iştirak edirlər. Akademik məsləhətçi kimi xarakterizə olunan tyoturların əsas vəzifəsi kredit sistemi ilə təhsil alan tələbələrə köməklik göstərməkdir. Belə ki, tyutor tələbələrin akademik maraqlarını qoruyur, müdafiə edir, eyni zamanda tədris prosesinin təşkili ilə bağlı zəruri məlumat və sənədləri tələbələrə təqdim edir. Onların fərdi tədris planlarının hazırlanmasında qrup və fərdi məsləhətlər verir. Bununla yanaşı tyutor həmçinin elektron universitetin fəaliyyətində yaxından iştirak edərək tələbələrə elektron universitetin imkanlarından istifadə etməyi anlatmaq və semestr ərzində yığılacaq balların qaydalarını izah etmək, o cümlədən tələbələrə həmçinin fərdi tədris planının tutulmasının əhəmiyyəti və bu barədə iştirakların mühüm olmasını çatdırmaq istiqamətində yardımçı olurlar.