1. Kafedranın tam hüquqi adı - “İqtisadiyyat və innovativ idarəetmə”

2. Kafedranın qısa yaranma və inkişaf tarixi - 28.09.2018-ci il tarixli 1/83 saylı əmr əsasında “İqtisadiyyat və marketinq” və “Biznes və idarəetmə” kafedralarının bazası əsasında “İqtisadiyyat və innnovativ idarəetmə” kafedrası yaranmışdır.

3. Kafedranın əsas elmi və pedoqoji fəaliyyət göstəriciləri - Kafedranın professor- müəllim heyəti “İqtisadiyyat” istiqaməti üzrə “Qloballaşan məkanda milli iqtisadiyyatın inkluziv inkişafınının müasir problemləri” mövzusunda elmi-tədqiqat işlərini davam etdirir, iqtisadiyyatın aktual problemləri üzrə tətbiqi xarakterli tədqiqat işləri aparır, elmi konfranslarda iştirak edir, elmi moniqrafiyalar, dərs vəsaitləri və fənn proqramları çap etdirirlər. Kafedra intensiv olaraq istər respublika, istərsə də onun hüdudlarından kənarda “İqtisadiyyat”, “Menecment”, “Marketinq”, “Biznesin idarə edilməsi”, “Dövlət və bələdiyyə idarəetməsi”, “Beynəlxalq ticarət və logistika”, “Turizm işinin təşkili”, “Turizm bələdçiliyi” ixtisasları üzrə mütəxəssis hazırlığını həyata keçirən bir sıra təhsil müəssisələri, eləcə də istehsalat müəssisələrı və şirkətlərlə əməkdaşlıq əlaqələrini inkişaf etdirir. Kafedranın professor-müəllim heyəti 7 dosentdən, 6 baş müəllimdən, 7 müəllimdən ibarətdir.

4. Kafedra üzrə ixtisasların siyahısı - “İqtisadiyyat və innovativ idarəetmə” kafedrası “İqtisadiyyat”, “Menecment”, “Marketinq”, “Biznesin idarə edilməsi”, “Beynəlxalq ticarət və logistika”, “Dövlət və bələdiyyə idarəetməsi”, “Turizm işinin təşkili” və “Turizm bələdçiliyi” ixtisasları üzrə bakalavr;

“İqtisadiyyatın tənzimlənməsi”, “Marketinq”, “Biznesin təşkili və idarəedilməsi”, “Sosial-mədəni sahələrdə xidmətlərin təşkili”, “Otelçilik”, “Biznesin təşkili və idarəedilməsi (Aqrobiznes MBA)”, “Biznesin təşkili və idarəedilməsi (Qida sahəsi üzrə MBA)” və“Biznesin idarə edilməsi (Sosial xidmət sahələri üzrə MBA)” ixtisasları üzrə magistr təhsil səviyyələrinə görə ixtisaslaşmışdır.

Magisrtatura – ali təhsil sistemində müstəqil səviyyə olmaqla aşağıdakılara imkan verir: konkret elm və praktika sahəsində yüksək ixtisaslı kadrlar hazırlamaq; peşəkar təhsil vermək məqsədi ilə fərdi tələbatları nəzərə almaq və onların səmərəli formada ödənilməsini həyata keçirmək. Kafedranın professor-müəllim heyəti bu vəzifələrin yerinə yetirilməsində aktiv iştirak edir. Magistr hazırlığı elmi-praktiki işlərlə

Kafedra müdiri haqqında.

İqtisad elmləri namizədi, dosent Əfəndiyeva Aytəkin Telman qızı

Aytəkin Telman qızı Əfəndiyeva 1970-ci ildə Lənkəran şəhərində аnаdаn olmuşdur, azərbaycanlıdır. 1987-ci ildə Lənkəran şəhər 1 saylı orta məktəbi, 1992-ci ildə isə Bakı Dövlət Universitetinin (BDU) Tətbiqi riyaziyyat fakültəsini əla qiymətlərlə bitirmişdir. 1992-1993-cü illərdə Lənkəran Dövlət Universitetinin (LDU) İnformatika kafedrasında, Lənkəran şəhər 7 saylı orta məktəbdə riyaziyyat, informatika müəllimi kimi əmək fəaliyyətinə başlamışdır. 1994-2020-ci illərdə BDU-nun Optimallaşdırma və idarəetmə kafedrasında müəllim, baş müəllim, dosent vəzifəsində, 2020-2023-cü illərdə Tətbiqi riyaziyyat fakültəsinin elmi işlər üzrə dekan müavini vəzifəsində çalışmışdır. 2007-ci ildə iqtisad üzrə fəlsəfə doktoru elmi dərəcəsini, 2014-cü ildə dosent elmi adını almışdır. 2018-2023-cü ildə BDU-nun İqtisadi kibernetika kafedrasında 5302.01 – “Ekonometriya, iqtisadi statistika” ixtisası üzrə elmlər doktoru proqramı üzrə qiyabi doktorant olunmuşdur. Hal-hazırda ekoloji proseslərin dayanıqli iqtisadi inkişafa təsirinin modelləşdirilməsi üzərində elmi-tədqiqat işi aparır. 2009-2016-cı illərdə BDU-nun nəzdində fəaliyyət göstərən AR Prezidenti yanında Ali Attestasiya Komissiyasının FD.02.016 Dissertasiya Şurasının üzvü, 2016-2019-cu illərdə Dissertasiya Şurasının elmi katibi olmuşdur. 2019-2023-cü illərdə beynəlxalq akademik əməkdaşlığı gücləndirmək məqsədilə Erasmus+KA2 programının magistr proqramlarının inkişafı layihəsində, 2024-cü ildə Erasmus+KA171 akademik səviyyədə birgə həyata keçirilən layihələrdə iştirak edərək beynəlxalq sertfikatlar almışdır. 2 dərs vəsaiti, 7 proqram, 100-dan artıq elmi məqalənin müəllifidir. Beynəlxalq konfransların təşkilat komitəsinin üzvüdür. 50-dən artıq magistr dissertasiyasına rəhbərlik etmiş, 20 fəlsəfə doktoru dissertasiya işinə opponentlik etmişdir. 2000-ci və 2012-ci illərdə BDU tərəfindən Fəxri Fərman almışdır. 2014-cü ildə elm, tədris və ictimai fəaliyyət sahəsində fərqləndiyimə görə BDU tərəfindən mükafatlandırılmış, 2019-cu ildə elm və təhsilin inkişafı sahəsində yüksək nailiyyətlər əldə etdiyinə, universitetin sosial-mədəni inkişafında fəal iştirak etdiyinə görə “Bakı Dövlət Universitetinin 100 illiyi Azərbaycan Respublikasının yubiley medalı” ilə təltif edilmişdir. 2023 – cü il tarixindən Lənkəran Dövlət Universitetinin İqtisadiyyat və innovativ idarəetmə kafedrasında 1.0 ştat dosent, 18 oktyabr 2023 – cü il tarixindən İqtisadiyyat və innovativ idarəetmə kafedrasının müdiri vəzifəsinə seçilmişdir. “Ekonometrika”, “İnkişaf iqtisadiyyatı”, “Milli iqtisadi təhlükəsizlik”, “Davamlı və inklüziv inkişafın idarə edilməsi”, “Ətraf mühitin iqtisadiyyatı”, “İqtisadi inkişaf və iqtisadi artım” və s. fənlərini tədris edir.

Ailəlidir, iki övladı və iki nəvəsi var.

Elektron ünvanı: a.efendiyeva@lsu.edu.az

Kafedra əməkdaşları:

İqtisad elmləri namizədi, dosent Zamanov Fizuli Mirzəmməd oğlu

Fizuli Mirzəmməd oğlu Zamanov 1971-ci ildə Lənkəran rayonunun Ürgə kəndində ziyalı ailəsində anadan olmuşdur. 1992-ci ildə Azərbaycan Kooperasiya Universitetinin “ASK sahələrin iqtisadiyyatı və idarə edilməsi” ixtisasına qəbul olmuş və həmin universiteti fərqlənmə diplomu ilə bitirmişdir. 2012-ci ildə “Aqrar sahədə elmi-texniki potensialdan istifadənin təkmilləşdirilməsi” mövzusunda namizədlik dissertasiyasını müdafiə edərək iqtisad üzrə fəlsəfə doktoru adına layiq görülmüşdür. 40 elmi məqalə və 1 tədris metodiki vəsaitin, tezislərin və bir çox fənn proqramlarının müəllifidir. 2018-ci ilin fevral ayında dosent vəzifəsinə layiq görülmüşdür. Hal-hazırda “İqtisadiyyat və innovativ idarəetmə” kafedrasında 1.0 ştat dosent vəzifəsində çalışır. “İqtisadiyyata giriş”, “Destinasiyanın idarə edilməsi”, “İnsan resurslarının idarə edilməsi”, “Bronlaşdırma sistemləri”, “Turizm siyasəti və planlaşdırılması”, “Keyfiyyət əsaslı tədqiqat metodları”, “Turizmin iqtisadiyyatı”, “Kəmiyyət əsaslı tədqiqat metodları”, “Milli və beynəlxalq otel sistemləri”, “Tədqiqat metodları”, “Ekskursiya fəaliyyətinin əsasları” və s.fənləri tədris edir. Ailəlidir, iki övladı var.

Elektron ünvanı: f.zamanov@lsu.edu.az

İqtisad üzrə fəlsəfə doktoru, dosent Ələkbərov Rövşən Elmidar oğlu.

Rövşən Elmidar oğlu Ələkbərov 03 noyabr 1973-cü ildə Bakı şəhərində ziyalı ailəsində anadan olmuşdur.1980-ci ildə 260 saylı orta məktəbin 1-ci sınıfınə daxil olmuş, 1990-cı ildə orta məktəbi bitirmişdir.1990-сı idə Moskva Koperativ İnstitutunun Bakı filialının Mühasibat ucotu, təsərrüfat fəaliyyətinin təhlili və nəzarət fakültəsinə daxil olmuşdur.1994-cü ildə Azərbaycan Kooperasiya Universitetini bitirmişdir.1994-cü ildə Astara RİC-də iqtisadçı kimi işə qəbul olunmuşdur.1995-ci ildən 1997–ci ilədək Azərbaycan Silahlı Qüvvələrində hərbi xidmətdə olmuşdur. Hərbi xidmətdən qayıtdıqdan sonra 1997-ci ildə Dövlət Sosial Müdafiə Fondu Xətai rayon şöbəsində müfəttiş vəzifəsində işə başlamışdır. 2005-ci ildə DSMF-in Bakı Şəhəri Hüquqi şəxslərlə İş Departamentində məsləhətçi vəzifəsinə keçirilmişdir.2006-cı ildə DSMF Suraxanı rayon şöbəsinə məsləhətçi vəzifəsinə keçirilmişdir. 2007-ci ildən DSMF Nəsimi rayon şöbəsinin gəlirlər sektorunun müdiri vəzifəsinə təyin olunmuşdur.2008-ci ildə Yasamal rayon şöbəsinə baş məsləhətçi vəzifəsinə keçirilmişdir. 2013-cü ildə Melorasiya və Su Təsərrüfatı ASC-nin TİKİ-nə iqtisadçı mühasib vəzifəsində çalışmışdır. 2016-cı ildən Masallı Rayon Statistika İdarəsinin baş mühasibi kimi fəaliyyətə başlamışdır. Həmçinin Lənkəran Dövlət Universitetində “Maliiyə idarəetməsi və audit” kafedrasında 0.5 ştat baş müəllim kimi fəaliyət göstəmişdir.1990-cu ildə Azərbaycan Kooperasiya Universitetinin “Mühasibat ucotu ,təsərrüfat fəaliyyətinin təhlili və nəzarət” fakültəsini bitirmişdir. Dövlət imtahan komissiyasının qərarı ilə ona iqtisadçı ixtisası verilmişdir. 2017-ci ildə 5308.01- “Ümumi iqtisadiyyat” iхtisasında “Kooperasiyanın təşkilati mexanizmlərinin təkmilləşdirilməsi” mövzusunda fəlsəfə doktoru proqramı üzrə dissertasiya müdafiə etmişdir. 2017-ci ilin dekabr ayından Lənkəran Dövlət Universitetində “Maliyyə idarəetməsi və audit” kafedrasında 0.5 ştat baş müəllim kimi fəaliyyətə başlamışdır. Bakalavr üzrə “Audit”,”Sığorta işi”,”Vergi və vergitutma”,“Maliyyə hesabatlarının təhlili”, “Maliyyə təhlili”, “İdarəetmə uçotu”, “İdarəetmə təhlili”,magistr pilləsi üzrə “Maliyyə və vergi uçotu”, “Vergi siyasətinin konseptual əsasları”, “Sığorta bazarları”, “Audit və risklərin idarəedilməsi”, “Bank və risklərin idarəedilməsi”, “İstehsal müəssələrində mühasibat uçotu”, “Qida müəssisələrində mühasibat uçotu”, “Turizm müəssələrində mühasibat uçotu”, “Müəssələrdə vergiqoyma”, “Maliyyə kredit təşkilatlarının vergiyə cəlb edilməsi” fənlərini tədris etmişdir. 2022-ci ildən “Iqtisadiyyat və innovativ idarəetmə” kafedrasına 1.0 ştat baş müəllim kimi fəalyyətə başlamışdır. Hal- hazırda “Iqtisadiyyat və innovativ idarəetmə” kafedrasında 1.0 ştat dosent vəzifəsində calışır. “Turizmin infrastukturu”, “Sahibkarlığın əsasları və biznesə giriş”, “İqtisadi fikir tarixi”, “İqtisadiyyata giriş”, “Turizm məhsulunun hazırlanması”, “Dövlətin iqtisadi siyasəti”, “İqtisad elminin müasir problemləri”, “Turizmin, turizm sənayesinin müasir problemləri”, “Biznesdə strateji idarəetmə”, “Liderlik və təşkilatı davranış”, “Aqrar sahənin infrastukturu” “Beynəlxalq turizm”, “Aqrobiznesin dövlət tənzimlənməsi” və s. fənləri tədris edir.

Ailəlidir, üç övladı var.

Elektron ünvanı: r.alekberov@lsu.edu.az

İqtisad üzrə fəlsəfə doktoru, dosent Xankişiyev Fərid Xanbaba oğlu

Fərid Xanbaba oğlu Xankişiyev 14.10.1990-cı ildə Bakı şəhərində anadan olmuşdur. 1996-cı ildə orta məktəbə daxil olmuş, 2007-ci ildə məktəbi bitirmişdir. Həmin il də Azərbaycan Dövlət Neft Akademiyasının “Beynəlxalq iqtisadi münasibətlər və menecment” fakultəsinə daxil olmuş və 2011-ci ildə ali təhsilini əla qiymətlərlə bitirmiş, elə həmin ili Azərbaycan Dövlət Neft Akademiyasının “İnnovasiya strategiyasının təşkili” fakultəsinə daxil olmuş, 2015-ci ildə oranı fərqlənmə diplomu ilə bitirmişdir. 2011-2012-ci illərdə hərbi xidmətdə olmuşdur. 2016-cı ildən 2018-ci ilədək Bakı Biznes Universitetində laborant və müəllim vəzifəsində çalışıb. 2017-ci ildə “Sahə iqtisadiyyatı” ixtisası üzrə Odlar Yurdu Universitetinin doktorantura şöbəsinə daxil olmuşdur. 2023-cü ildə “Neft-kimya sənayesində fərdi sahibkarlıq fəaliyyətinin iqtisadi səmərliliyinin yüksəldilməsi yolları” mövzusunda dissertasiyaı işini müdafiə edərək iqtisad üzrə fəlsəfə doktoru elmi dərəcəsini almışdır. 2018-ci ildən Lənkəran Dövlət Universitetinin “İqtisadiyyat və innovativ idarəetmə” kafedrasının 1.0 ştat müəllim, 2022-ci ildə baş müəllim, 2024-cü ildən 1.0 ştat dosenti vəzifəsində çalışır. 2024-cü ildən “İqtisadiyyat və idarəetmə” fakültəsi üzrə Tələbə Elm Cəmiyyətinin sədri təyin edilmişdir. “İqtisadi hüquq”, “Korporativ idarəetmə”, “Keys menecmenti”, “Menecment”, “Turizmdə ekoloji menecment” və “Turizmdə nəqliyyat xidməti” və s. fənləri tədris edir.

2022-ci ildən Yeni Azərbaycan Partiyasının üzvüdür.

Elektron ünvanı: farid.kh@lsu.edu.az

İqtisad elmləri namizədi, dosent Qarayev Natiq Ənvər oğlu

Natiq Ənvər oğlu Qarayev 1962-ci ildə Bakı şəhərində anadan olmuşdur. 1979-ci ildə Azərbaycan Dövlət Universitetinə daxil olmuş, 1984-cü ildə oranı müvəffəq qiymətlərlə bitirmişdir. 1984-1986-cı illərdə Bakımetrotikinti İdarəsi nəzdində Hesablama Mərkəzində çalışmışdır.1986-1991-ci illərdə keçmiş Dövlət Plan Komitəsinin nəzdində İnformasiya-Hesablama Mərkəzində mütəxəssis vəzifəsində çalışmışdır. 1989-1992-ci illərdə AMEA-nın Kibernetika İnstitutunun doktoranturasında oxumuş, 1992-ci ildə iqtisad elmləri namizədi elmi dərəcəsi almışdır.1991-1994-cü illərdə Azərbaycan Respublikasının Təhsil Nazirliyində təhsil alan gənclərin elmi-texniki yaradıcılığı üzrə respublika şurasında məsul katib vəzifəsində çalışmış, 1994-1999-cu illərdə “Esperanto” şirkətinin marketinq üzrə direktor müavini işləmişdir. 1999-2001-ci illərdə Baki Biznes Universitetində dekan vəzifəsində çalışmışdır. 2001-2007-ci illərdə Azərbaycan Dövlət İqtisad Universitetində “Biznesin təşkili” kafedrasının baş müəllimi, 2007-2014-cü illərdə Azərbaycan Respublikası Prezidenti yanında Dövlət İdarəçilik Akademiyasının elmi katibi, dekanı, ”Dövlət idarəetməsi və menecment” kafedrasının müdiri vəzifəsində işləmişdir. 2014-2019-cu illərdə Azərbaycan Dövlət İqtisad Universitetinin Magistratura Mərkəzinin direktor müavini, “Menecment” kafedrasının dosenti, “Rus İqtisad Məktəbinin” dosenti, ADİU-nun Dərbənd filialının tədris işləri üzrə direktor müavini vəzifəsində çalışıb. “Biznesin əsasları” dərsliyinin, “Biznesdə kontrollinq”, ”Dövlət idarəçilik nəzəriyyəsi” dərs vəsaitinin hazırlamasında yaxından iştirak edib. Hal-hazırda Lənkəran Dövlət Universitetinin “İqtisadiyyat və innovativ idarəetmə” kafedrasında 0.5 ştat dosent vəzifəsində çalışır. “Turizm məhsulunun hazırlanması”, “Ali mikroiqtisadiyyat, “Bronlaşdırma sistemləri”, “Biznesin təhlükəsizliyi, “Biznesin infrastrukturu” və “Biznesin idarə edilməsi” fənlərini tədris edir.

Ailəlidir. Bir övladı var.

Elektron ünvanı: natiq.qarayev@lsu.edu.az

İqtisad üzrə fəlsəfə doktoru, dosent Məmmədova Şəfiqə Səfər qızı

Şəfiqə Səfər qızı Məmmədova Azərbaycan Respublikasının Şabran şəhərində anadan olmuşdur. 1976-cı ildə Azərbaycan Dövlət Neft və Sənaye Universitetini (Azərbaycan Dövlət Neft Akademiyası), 1996-cı ildə isə Azərbaycan Dövlət İqtisad Universitetinin Xarici iqtisadi əlaqələrin təşkili və dövlət tənzimlənməsi ixtisası üzrə bitirmişdir.

2008-ci ildə Bakı Dövlət Universitetində “ Ekonometriya; İqtisadi statistika” ixtisası üzrə müdafiə edərək 2010-cu ildə iqtisad üzrə fəlsəfə doktoru elmi adını, 2016-cı ildə dosent diplomunu almışdır. 2024-cü ildə Azərbaycan Texniki Universitetində “Ekonometriya; İqtisadi statistika” ixtisası üzrə “Azərbaycan Respublikasının milli sərvəti və onun qiymətləndirilməsi” mövzusunda iqtisad elmləri üzrə doktorluq elmi işini müdafiə etmişdir. 123 elmi məqalə, konfrans materialı və metodik-tədris, 3 dərs vəsaiti çapdan çıxmışdır. Hal-hazırda Lənkəran Dövlət Universitetinin “İqtisadiyyat və innovativ idarəetmə” kafedrasında 0.5 ştat dosent vəzifəsində çalışır. “Makroiqtisadiyyat”, “Mikroiqtisadiyyat”, “İnsan inkişafının əsasları”, “Beynəlxalq iqtisadiyyat”, “Dövlətin iqtisadi siyasəti”, “Ali mikroiqtisadiyyat”, “Ali makroiqtisadiyyat”, “Turizmin, turizm sənayesinin tarixi və metodologiyası”, “Makroiqtisadi tənzimləmə” fənlərini tədris edir.

2012-ci ildən Yeni Azərbaycan Partiyasının üzvüdür.

Ailəlidir, iki övladı var.

Elektron ünvanı: mammadova.shefiqe@lsu.edu.az

İqtisad üzrə fəlsəfə doktoru, dosent Səkinə Abdurəhim qızı Hacıyeva

Səkinə Abdurəhim qızı Hacıyeva 08 yanvar 1975-ci ildə Ucar rayonunda anadan olmuşdur. 1997-ci ildə Azərbaycan Dövlət İqtisad Universitetini bitirmişdir. 2002-2007-ci illərdə Azərbaycan Dövlət İqtisad Universitetininin doktoranturasında təhsil almışdır.

2010-ci ildə Azərbaycan Dövlət İqtisad Universitetində 5303.01-“İqtisadi nəzəriyyə” ixtisası üzrə müdafiə edərək 2013-cü ildə iqtisad üzrə fəlsəfə doktoru elmi adını, 2017-ci ildə dosent diplomunu almışdır. 65 elmi məqalə, konfrans materialı və metodik-tədris, 3 dərslik və 1 dərs vəsaitinin müəllifidir. Hal-hazırda Lənkəran Dövlət Universitetinin “İqtisadiyyat və innovativ idarəetmə” kafedrasında 0.5 ştat dosent vəzifəsində çalışır. “Turizm və sosial mədəni servis xidmətində innovasiyalar”, “Turizmin təşkili və idarə edilməsi”, “Otellərin təşkilati strukturu”, “Beynəlxalq turizm”, “Otel xidmətlərinin təşkii və idarə edilməsi”, “Turizm və xidmət sahələrinin hüquqi əsasları” fənlərini tədris edir.

Elektron ünvanı: s.haciyeva@lsu.edu.az

Baş müəllim Bağırova Şəfa Vaqif qızı

Şəfa Vaqif qızı Bağırova 1987-ci ildə Neftçala rayonu Astanlı kəndində anadan olmuşdur. 2005-ci ildə Neftçala rayonu Qədimkənd kənd orta məktəbini bitirmişdir. 2009-cu ildə Azərbaycan Dövlət Pedaqoji Universitetinin “Riyaziyyat” ixtisasını bitirərək Lənkəran Dövlət Universitetinin “Diferensial tənliklər” ixtisası üzrə magistraturaya qəbul olunub. 2011-ci ildə magistraturanı bitirərək Lənkəran Dövlət Universitetinin “Ekonometriya; iqtisadi statistika” ixtisası üzrə doktoranturaya qəbul olmuş, 2016-cı ildə doktoranturanı bitirmişdir. 2010-2012-ci illərdə Lənkəran Dövlət Universitetində laborant və elmi işçi kimi çalışmış, 2013-2018-ci ildə AMEA-nın İnformasiya Texnologiyaları İnstitutunda elmi işçi kimi fəaliyyət göstərmişdir. Hal-hazırda Lənkəran Dövlət Universitetinin “İqtisadiyyat və innovativ idarəetmə” kafedrasında 1,0 ştat baş müəllim, eyni zamanda “İqtisadiyyat və idarəetmə” fakültəsi üzrə “Sosial məsələlər və tələbələrlə iş üzrə” dekan müavini işləyir. Şəfa Bağırova Lənkəran Dövlət Universitetinin Həmkarlar İttifaqının üzvüdür. 5 məqalə, 25-dən çox tezisin müəllifidir. “Turizmdə reklam fəaliyyətinin təşkili”, “Karyera planlaması”, “Ekonometrika”, “Sahibkarlığın əsasları və biznesə giriş”, “Yumşaq bacarıqlar”, “Sərt bacarıqlar” və s. fənlərini tədris edir.

Ailəlidir, iki övladı var.

Elektron ünvanı: shafa.bagirova@lsu.edu.az

Baş müəllim Səlimov Hikmət Firdovsi oğlu

Hikmət Firdovsi oğlu Səlimov 14 sentyabr 1982-ci ildə Lənkəran şəhərində anadan olmuşdur. 2000-ci ildə Lənkəran Dövlət Universitetinin “İstehsal və xidmət sahələrinin iqtisadiyyatı və idarə edilməsi” ixtisasına daxil olmuş, 2004-cü ildə həmin ixtisası fərqlənmə diplomu ilə bitirmişdir. 2004-cü ildə Lənkəran Dövlət Universitetinin “İstehsal və xidmət sahələrinin iqtisadiyyatı və idarə edilməsi” ixtisası üzrə magistr təhsilini davam etdirmişdir. 2006-cı ildə magistr pilləsini fərqlənmə diplomu ilə bitirmişdir.

2007-2015-ci illərdə “DəmirBank” ASC Lənkəran və Masallı filiallarında müxtəlif vəzifələrdə çalışmışdır. 15 sentyabr 2016-cı il tarixindən Lənkəran Dövlət Universitetinin “İqtisadiyyat və menecment” kafedrasında müəllim vəzifəsində işləməyə başlamışdır. 2017-ci ildə Lənkəran Dövlət Universitetinin “Sahə iqtisadiyyatı” ixtisası üzrə doktorantura pilləsinə daxil olmuş və “Lənkəran iqtisadi regionunun aqrar-emal müəssisələrində marketinq fəaliyyətinin formalaşdırılması” mövzusunda dissertasiya işini bitirib müdafiəyə təqdim etmişdir. 10 məqalənin və 15 tezisin müəllifidir. 2017-ci ildən Lənkəran Dövlət Universitetində “İqtisadiyyat və innovativ idarəetmə” kafedrasında 1.0 ştat baş müəllim vəzifəsində çalışmışdır. 2019-cu ildən 2020-ci ilədək “Sosial məsələlər üzrə” dekan müavini, 2023-cü il tarixindən hal-hazıradək “İqtisadiyyat və idarəetmə” fakültəsində tədris işləri üzrə dekan müavini, 0,5 ştat baş müəllim vəzifəsində çalışır. “Azərbaycan iqtisadiyyatı”, “Satışın idarə edilməsi”, “Brendinqin idarə edilməsi”, “Strateji marketinq”, “Firmanın iqtisadiyyatı”, “Xidmət sahələrinin marketinqi”, “Beynəlxalq iqtisadiyyat” və s. fənlərini tədris edir.

Ailəlidir, iki övladı var.

Elektron ünvanı: h.salimov@lsu.edu.az

Baş müəllim Rzazadə Rəşad İdrət oğlu

Rəşad İdrət oğlu Rzazadə 20 iyun 1988-ci ildə Lerik rayonun Şinəband kəndində anadan olmuşdur. 2006-cı ildə Lənkəran Dövlət Universitetinin “İqtisadiyyat və texnologiya” fakültəsinin “Biznesin təşkili və idarə edilməsi” ixtisasına daxil olmuş, 2010-cu ildə həmin ixtisası fərqlənmə diplomu ilə bitirmişdir. Elə həmin il universitetin “İstehsal və xidmət sahələrinin iqtisadiyyatı və idarə edilməsi” ixtisası üzrə magistr pilləsinə daxil olmuşdur. 2013-ci ildə Lənkəran Dövlət Universitetinin “Ekonometriya” ixtisası üzrə dissertanturaya qəbul olmuşdur. “Təhsil sistemində mühasibatlıq və auditin avtomatlaşdırılmış rejimdə qurulması informasiya və təhlükəsizliyinin iqtisadi səmərəliliyinin qiymətləndirilməsi” mövzusunda dissertasiya işi üzərində işləyir. 2011-ci ildə Lənkəran Dövlət Universitetində mühəndis iqtisadçı, 2012-ci ildə mühasib, 2013-cü ildə baş mühasib vəzifələrində işləmişdir. Hal-hazırda universitetin “Maliyyə və mühasib” şöbəsinin müdiri, eyni zamanda “İqtisadiyyat və innovativ idarəetmə” kafedrasında 0,5 ştat baş müəllim vəzifəsində çalışır. “İqtisadiyyatın tənzimlənməsi”, “Mikroiqtisadiyyat”,“Dünya iqtisadiyyatı” və “Makroiqtisadiyyat” fənlərini tədris edir.

Ailəlidir. Bir övladı var.

Elektron ünvanı: rashad.rzazade@lsu.edu.az

Baş müəllim Axundov Firdovsi Allahverdi oğlu

Firdovsi Allahverdi oğlu Axundov 01.10.1954-cü ildə Lənkəran şəhərində müəllim ailəsində anadan olmuşdur. 1970-ci ildə Lənkəran 1 saylı orta məktəbini,1975-ci ildə Azərbaycan Xalq Təsərrüfatı İnstitutunun Əmtəəşünaslıq fakultəsini bitirərək mühəndis-texnoloq ixtisası almışdır. 1975-1976-ci illərdə Neftçala rayonunda fəhlə təhcizatı idarəsində texnoloq vəzifəsində çalışmışdır.1979-1985-ci illərdə Lənkəran şəhər Komsomol Komitəsinin II və I katibi vəzifələrində çalışıb, 1986-1988-cı illərdə Bakı Ali Partiya Məktəbində idarəçilik sahəsində təhsil alıb. 1988-1991-ci illərdə Lənkəran şəhər Partiya Komitəsində təlimatçı vəzifəsində fəaliyyət göstərib.1991-2006-cı illərdə Lənkəran şəhər İcra hakimiyyətində məsləhətçi, baş məsləhətçi və ərazi idarəetmə orqanları ilə iş üzrə şöbənin müdiri vəzifələrində işləmişdir. 2008-2018-ci illərdə İqtisadiyyat Nazirliyinin Bakı Biznes Tədris Mərkəzinin Lənkəran nümayəndəliyinin rəhbəri, 2019-cu ilin avqust ayından hazırki dövrədək İqtisadiyyat Nazirliyinin kiçik və orta biznes (KOB) ağentliyinin nəzdindəki Lənkəran kiçik orta biznes inkişaf mərkəzində (KOBİM) müqavilə əsasında təlimçi-ekspert işləyir. Hal-hazırda “İqtisadiyyat və innovativ idarəetmə” kafedrasında 0,5 ştat baş müəllim vəzifəsində çalışır. “Aqrar iqtisadiyyat”,“Baytarlıq işinin təşkili və iqtisadiyyatı” və “Meşə təsərrüfatının iqtisadiyyatı və təşkili” və s. fənlərini tədris edir.

Ailəlidir, iki övladı var.

Elektron ünvanı: f.akhundov@lsu.edu.az

Baş müəllim Məmmədov Murad Rahim oğlu

Murad Rahim oğlu Məmmədov 26.03.1992 ci ildə Lənkəran rayonunda anadan olmuşdur. 2008-ci ildə Lənkəran Dövlət Universitetinin “İstehsal və xidmət sahələrinin iqtisadiyyatı və idarə edilməsi” ixtisasına qəbul olmuş, 2012-ci ildə həmin ixtisası bitirmişdir. 2012-2013-cü illərdə hərbi xidmətdə olmuşdur. 2013-cü ildə Lənkəran Dövlət Universitetinin “İstehsal sferasında mühasibat uçotu və audit” ixtisaslaşması üzrə magistratura pilləsinə qəbul olmuş, 2016-cı ildə təhsilini əla qiymətlərlə bitirmişdir. 2018-ci ildə “Sahə iqtisadiyyatı” ixtisası üzrə Lənkəran Dövlət Universitetinin doktorantura şöbəsinə daxil olmuşdur. “Aqrar sahədə logistik idarəetmə sisteminin təkmilləşdirilməsi problemləri” mövzusunda dissertasiya işi üzərində işləyir. 2013-2015-ci illərdə Lənkəran Dövlət Universitetində iqtisadçı vəzifəsində, 2015-2018-ci illərdə bank sektorunda çalışmışdır. 2018-ci ildən Lənkəran Dövlət Universitetində akademik məsləhətçi vəzifəsində çalışmış, 2019-cu ildən 2021-ci ilədək “İqtisadiyyat və innovativ idarəetmə” kafedrasında saathesabı müəllim, 2021-ci ilin sentyabrından hal-hazıradək “İqtisadiyyat və innovativ idarəetmə” kafedrasında 1.0 ştat müəllim, 2024-cü ildən 1.0 ştat baş müəllim vəzifəsində çalışır. “Marketinq”, Marketinq tədqiqatları”, “Beynəlxalq Marketinq”, “Xidmət sahələrinin marketinqi”, “İqtisadiyyata giriş”, “Beynəlxalq iqtisadiyyat”, “Makroiqtisadiyyat ” və s. fənlərini tədris edir.

Ailəlidir.

Elektron ünvanı: m.mammadov@lsu.edu.az

Baş müəllim Şahbazova Lalə Əbdülrəhim qızı

Lalə Əbdülrəhim qızı Şahbazova 1995-ci ildə Lənkəran şəhərində anadan olmuşdur. 2012-ci ildə Lənkəran şəhər 7 saylı tam orta məktəbi bitirmiş, Lənkəran Dövlət Universitetinin “Mühasibat uçotu və audit” ixtisasına qəbul olmuşdur. 2016-cı ildə bakalavr səviyyəsi üzrə təhsilini başa vurmuşdur. 2018-ci ildə Lənkəran Dövlət Universitetinin “Xidmət sferasında mühasibat uçotu və audit” ixtisaslaşması üzrə magistr səviyyəsinə qəbul olmuş, 2020-ci ildə magistr səviyyəsi üzrə təhsilini fərqlənmə ilə başa vurmuşdur. 2022-ci il Lənkəran Dövlət Universitetində “Daxili fiskal siyasət və dövlət maliyyəsi” ixtisası üzrə dissertanturaya təhkim olunmuşdur. İxtisas sahəsi ilə əlaqədar bir sıra elmi əsərlərin müəllifidir. 2016-cı ildən Lənkəran Dövlət Univesitetinin “Maliyyə və mühasibat şöbəsi”ndə mühasib və aparıcı mühasib, “İnformasiya-Kommunikasiya və Kitabxana Mərkəzi”ndə mütəxəssis, “Elm və tədqiqat işləri şöbəsi”ndə Doktorantura və dissertantura işləri üzrə mütəxəssis vəzifələrində çalışmışdır. 2022-ci ildən “İqtisadiyyat və innovativ idarəetmə” kafedrasında saathesabı müəllim, 0.5 ştat müəllim vəzifəsində çalışmışdır. Hazırda Lənkəran Dövlət Universitetinin“İqtisadiyyat və innovativ idarəetmə” kafedrasında 1.0 ştat baş müəllim vəzifəsində çalışır. “Mikroiqtisadiyyat”, “Makroiqtisadiyyat”, “Keyfiyyətin idarə edilməsi”, “Təchizat zəncirinin idarə edilməsi” və “Vergitutma” fənlərini tədris edir.

Ailəlidir, bir övladı var.

Elektron ünvanı: lale.shahbazova@lsu.edu.az

Müəllim Bayramov Maarif Arif oğlu

Maarif Arif oğlu Bayramov 10 avqust 1961-ci ildə Lənkəran rayonun Hirkan qəsəbəsində anadan olmuşdur. 1977-ci ildə Hirkan qəsəbə orta məktəbini bitirmişdir. 1979-cu ildə Azərbaycan Dövlət Neft və Kimya İnstitutuna daxil olmuş, 1984-cü ildə həmin institutu bitirmişdir. 1984-1985-ci illərdə Dağıstan Respublikasının Kizlyar Elektromexanika zavodunda mühəndis işləmişdir. 1985-1992-ci illərdə Kosmik Tədqiqatlar Elm İstehsal Birliyində mühəndis iqtisadçı, plan və əmək şöbəsinin müdiri işləmişdir. 1992-2001-ci illərdə Aqrocihaz kiçik müəssisəsində mühasib işləmişdir. 2001-2003-cü illərdə Lənkəran Cihazqayırma zavodunun direktoru vəzifəsində, 2003-2007-ci illərdə DSMF-nun Lənkəran şəhər şöbəsinin, 2007-2013-cü illərdə DSMF-nun Astara rayon şöbəsinin, 2013-2014-cü illərdə DSMF-nin Lənkəran şəhər şöbəsinin müdüri işləmişdir. 2014-2016-cı illərdə ƏƏSMN-nin Lənkəran ƏƏSM-nin mərkəzinin direktoru, 2016-2018-ci ilin 29.05. tarixinədək ƏƏSMN-nin yanında DSMF-nun Lənkəran şəhər şöbəsinin müdiri işləmişdir. 2019-cü ilin yanvar ayından 2023-cü ilə kimi DSKŞ-nin Lənkəran filialının direktoru vəzifəsində işləyib. 2021-ci ildən Lənkəran Dövlət Universitetinin “İqtisadiyyat və innovativ idarəetmə” kafedrasında 0.5 ştat müəllim kimi fəaliyyətə başlamışdır. Hazırda Lənkəran Dövlət Universitetinin“İqtisadiyyat və innovativ idarəetmə” kafedrasında 1.0 ştat müəllim vəzifəsində çalışır. “Azərbaycan iqtisadiyyatı”, “Dayanıqlı turizm”, “İstehlakçı davranışı”, “İnsan resurslarının idarə edilməsi”, “Turizmdə vasitəçilər”, “Turizm hüququ”, “İstehsal sahələrinin marketinqi” və s. fənlərini tədris edir.

Ailəlidir, 4 övladı var.

Elektron ünvanı: m.bayramov@lsu.edu.az

Müəllim Şahanə Babazadə Əlibayram qızı

Babazadə Şahanə Əlibayram qızı 3 mart 1993-cü ildə Lənkəran şəhərində anadan olmuşdur.1999-cu ildə Lənkəran şəhər 1 saylı tam orta məktəbi bitirmişdir. 2010-cu ildə Azırbaycan Texniki Universitetinin “Mühəndis Biznesi və Menement” fakültəsinə daxil olmuş, 2014-cü ildə bitirmişdir.2014-cü il oktyabr ayında “Unibank” KB ASC-in Lənkəran filialında əməliyyatçı vəzifəsində çalışmışdır. 2017-ci ilin mart ayında “Paşa sığorta”ASC-nin Lənkəran nümayəndəliyində satış mütəxəssisi vəzifəsində işləmişdir. 2019-cu ildən 2022-ci ilədədək “Xüsusi Təhlükəli İnfeksiyalara Nəzarət Mərkəzi”publik hüquqi şəxsində təsərrüfat şöbəsinin rəisi vəzifəsində çalışıb. 2018-ci ildə Lənkəran Dövlət Universitetində “İqtisadiyyatın tənzimlənməsi” ixtisaslaşması üzrə magistr pilləsinə daxil olmuşdur. 2020-ci ildə magistr pilləsini bitirmişdir. 2024-cü ildə Lənkəran Dövlət Universitetində “Sahə iqtisadiyyatı” ixtisası üzrə qiyabi doktoranturaya qəbul olunmuşdur. İxtisas sahəsi ilə əlaqədar bir sıra elmi əsərlərin müəllifidir. 2021-ci ilin sentyabr ayında Lənkəran Dövlət Universitetinin “İqtisadiyyat və İnnovativ İdarəetmə”kafedrasında 0,5 ştat, 2022-ci ilin sentyabrında isə 1.0 ştat müəllim kimi çalışır. “Mikroiqtisadiyyat”, “İqtisadi fikir tarixi”, “Azərbaycan iqtisadiyyatı”, “İqtisadiyyata giriş” və s. fənlərini tədris edir.

Ailəlidir, 3 övladı var.

Elektron ünvanı: sh.babazade@lsu.edu.az

Müəllim Yusubzadə Leyla Yusif qızı

Leyla Yusif qızı Yusubzadə 2000-ci ildə Lənkəran şəhərində anadan olub. 2017-ci ildə Lənkəran şəhər 10 saylı tam orta məktəbi bitirmişdir. 2017-ci ildə bakalavr təhsil pilləsi üzrə Azərbaycan Dövlət İqtisad Universitetinin “Sənayenin təşkili və idarə olunması” ixtisasına daxil olmuş, 2021-ci ildə bitirmişdir. 2021-ci ildə magistratura təhsil pilləsi üzrə Azərbaycan Dövlət İqtisad Universitetinin “Elektron Kommersiya (Sabah qrupları)” ixtisasına daxil olmuş, 2023-cü ildə bitirmişdir. 04.05.2022-ci ildə Boa Agentliyində “Problemli kreditlər üzrə kiçik mütəxəssis” vəzifəsində çalışmışdır. 21.09.2022-ci ildən 15.09.2023-cü ilə kimi Azərbaycan Dövlət İqtisad Universitetində “Marketinq mütəxəssisi” kimi fəaliyyət göstərmişdir. 15.09.2023-cü il tarixindən Lənkəran Dövlət Universitetində “İqtisadiyyat və innovativ idarəetmə” kafedrasında 1,0 ştat müəllim kimi fəaliyyətə başlamışdır. “Marketinq”, “Marketinq tədqiqatları”, “Xidmət sahələrinin marketinqi”, “Strateji marketinq”, “Brendinqin idarə edilməsi”, “Əməyin iqtisadiyyatı”, “Sahibkarlığın əsasları və biznesə giriş”, “ İqtisadiyyata giriş”, “Mikroiqtisadiyyat”, “Beynəlxalq iqtisadiyyat”, “Turizmdə reklam fəaliyyətinin təşkili” və “Beynəlxalq nəqliyyat əməliyyatları”, və s. fənnlərini tədris edir.

2024-cü ildən Yeni Azərbaycan Partiyasının üzvüdür.

Elektron ünvanı: leyla.yusubzade@lsu.edu.az

Müəllim Mirzəzadə Barat İsmayıl oğlu

Barat İsmayıl oğlu Mirzəzadə 14.08.1999-cu il tarixində Lənkəran rayonunun Viyən kəndində anadan olmuşdur. 2005-2016-cı illərdə Viyən kənd tam orta məktəbində təhsil almışdır. 2016-cı ildə Lənkəran Dövlət Universitetinin bakalavirat səviyyəsi üzrə “İqtisadiyyat və İdarəetmə” fakültəsinin “İqtisadiyyat” ixtisasına qəbul olmuş və 2020-ci ildə həmin ixtisası bitirmişdir. Elə həmin il də Bakı Mühəndislik Universitetinin magistratura səviyyəsi üzrə “Dövlət strukturlarında menecment” ixtisaslaşmasına qəbul olmuş və 2022 – ci ildə oranı fərqlənmə diplomu ilə bitirmişdir. Əmək fəaliyyətinə 2022-ci ilin sentyabrından Lənkəran Dövlət Universitetində “Tədrisin təşkili və təlim texnologiyaları mərkəzində” tyutor kimi başlamışdır. 2023 – cü ilin yanvar ayından isə “Keyfiyyət təminatı şöbəsində” tyutor kimi çalışmışdır. 2023-ci ilin sentyabrından Lənkəran Dövlət Universitetinin “İqtisadiyyat və innovativ idarəetmə” kafedrasının 1.0 ştat müəllimi vəzifəsində çalışır. Bir sıra təlim və konfranslarda iştirak etmiş və sertifikatlara layiq görülmüşdür. 6 tezis və məqalə müəllifidir. “Menecment”, “İqtisadiyyata giriş”, “Dövlət idarəçiliyi nəzəriyyəsi”,”Rəqəmsal iqtisadiyyat”, “İqtisadi fikir tarixi”, “Ətraf mühitin iqtisadiyyatı”, “Sahibkarlığın əsasları və biznesə giriş” və s. fənlərini tədris edir.

2024-cü ildən Yeni Azərbaycan Partiyasının üzvüdür.

Elektron ünvanı: b.mirzazade@lsu.edu.az

Müəllim Hacızadə İlkana Nəsib qızı

İlkana Nəsib qızı Hacızadə 26 sentyabr 1999-cu ildə Astara rayonunda anadan olmuşdur. 2005-ci ildə Lənkəran şəhər “Xarici Dillər Təmayüllü İnternat tipli Gimnaziya məktəbi”nə daxil olmuş, 2016-cı ildə bitirmiş, elə həmin il də Lənkəran Dövlət Universitetinin “İqtisadiyyat və idarəetmə” fakültəsinin “İqtisadiyyat” ixtisasına daxil olmuşdur. 2020-ci ildə həmin ixtisas üzrə məzun olmuşdur. Tələbəlik illərində elmi konfranslarda iştirak etmiş, təşəkkürnamə və sertifikatlarla təltif edilmişdir. Eyni zamanda “1C və Mühasibatlığın əsasları” təlimlərində iştirak etmiş və bu sahədə diplom əldə etmişdir. 2021-ci ildə Lənkəran Dövlət Universitetinin magistratura səviyyəsi üzrə “Turizm və sosial-mədəni servis xidməti” ixtisaslaşmasına qəbul olmuş və 2023-ci ildə həmin ixtisası müvəffəqiyyətlə bitirmişdir. 01 sentyabr 2020-ci il tarixindən Lənkəran Dövlət Universitetinin “Maliyyə və mühasibat şöbəsi”ndə “mühasib” vəzifəsində və 2023-cü il 15 sentyabr tarixindən “İqtisadiyyat və innovativ idarəetmə” kafedrasında 0.5 ştat müəllim, 2024-cü il tarixindən 1.0 ştat müəllim vəzifəsində çalışır. 6 tezis müəllifidir. “İqtisadiyyata giriş”, “Turizmə giriş”, “Dayanıqlı turizm”, “Menecment”, “Turizmdə” vasitəçilər” və s. fənlərini tədris edir.

Elektron ünvanı: ilkana.hacizade@lsu.edu.az

Müəllim İbrahimova Nəzrin Azad qızı

Nəzrin Azad qızı İbrahimova 19 mart 1995-ci ildə Lənkəran şəhərində anadan olmuşdur. 2012-ci ildə Lənkəran şəhər 8 saylı tam orta məktəbini bitirmişdir. 2021-ci ildə Lənkəran Dövlət Universitetinin “Mühsibat uçotu və audit” ixtisasına qəbul olmuşdur. 2016-cə ildə bakalavr təhsilini bitirmişdir. 2021-ci ildə Lənkəran Dövlət Universitetinin “İstehsal sferasında mühasibat uçotu və audit” ixtisaslaşması üzrə magistr səviyyəsi üzrə təhsilini başa vurmuşdur. 2021-2024-cü ildə Lənkəran Bölgə Təcrübə Stansiyasında “Seleksiya və toxumçuluq” şöbəsində baş mütəxəssis vəzifəsində çalışmışdır. 2023-cü ildə Lənkəran Dövlət Universitetində 0.5 ştat müəllim, 2024-cü ildən 1.0 ştat müəllim vəzifəsində çalışır. “İqtisadiyyata giriş”, “Mikroiqtisadiyyat”, “Yumşaq bacarıqlar”, “Turizm hüququ”, “Reklam işi”, “İnsan resurslarının idarə olunması”, “Strateji marketinq” və s. fənlərini tədris edir.

Ailəlidir, iki övladı var.

Elektron ünvanı: n.ibrahimova@lsu.edu.az

Müəllim Cəfərov Təhməz Nizam oğlu

Təhməz Nizam oğlu Cəfərov 05 yanvar 1976-ci ildə Lənkəran şəhərində anadan olmuşdur. 1997-ci ildə Lənkəran Dövlət Universitetinin “İstehsalın iqtisadiyyatı və idarəedilməsi” ixtisası üzrə bakalavr təhsilini bitirmişdir. 2009-cu ildə Lənkəran Dövlət Universitetinin “İstehsal və xidmət sahələrinin idarə edilməsi” ixtisaslaşması üzrə magistr səviyyəsini fərqlənmə diplomu ilə başa vurmuşdur. 2000-2019-cü illərdə AR Vergilər Nazirliyinin 6 saylı Ərazi Vergilər Baş İdarəsində dövlət vergi müfəttişi, dövlət vergi müfəttişi, 2019-2021-cı illərdə şöbə rəisi vəzifəsində çalışmışdır. 2024-cü ildən Lənkəran Dövlət Universitetinin “İqtisadiyyat və innovativ idarəetmə” kafedrasında 0.5 ştat müəllim vəzifəsində çalışır. “İqtisadiyyata giriş”, “Biznes hüququ”, “Dövlət idarəçiliyi nəzəriyyəsi”, “Dövlət qulluğu”, “Dövlət idarəçiliyində etika”, “Beynəlxalq ticarət hüququ”, “Transmilli korporasiyalar”, “İnsan resurslarının idarə edilməsi” və s. fənlərini tədris edir.

Ailəlidir, üç övladı var.

Elektron ünvanı: tehmez.ceferov@lsu.edu.az