1. Lənkəran Dövlət Universiteti
2. Keyfiyyət təminatı şöbəsi

İmanlı Asif Abdulağa oğlu - Keyfiyyət təminatı şöbəsinin müdiri, Tarix üzrə fəlsəfə doktoru, dosent

24.07.1974-cü il tarixində Lənkəran rayonunun Xanbulan kəndində anadan olub. 1981-1991-ci illərdə Avrora qəsəbə orta məktəbində təhsil almışdır. 1993-cü ildə Lənkəran Dövlət Universitetinin bakalavriat səviyyəsi üzrə “Tarix” ixtisasına qəbul olmuş və 1997-ci ildə LDU-nu həmin ixtisası fərqlənmə diplomu ilə bitirmişdir. Elə həmin ildə LDU-nun magistratura səviyyəsi üzrə “Tarix” ixtisasının “Azərbaycanın yeni və ən yeni tarixi” ixtisaslaşmasına qəbul olmuş və 1999-cu ildə magistraturanı bitirmişdir. 2012-ci ilin noyabr ayında Lənkəran Dövlət Universitetinin Vətən tarixi ixtisası üzrə doktoranturasına qəbul olmuş, dörd illik doktorantura təhsilini vaxtında başa vurmuş, 2016-ci ilin iyun ayında Lənkəran Dövlət Universitetində dissertasiya işi ilkin müzakirə olunmuş və 2017-ci ilin 18 noyabrında Bakı Dövlət Universitetinin Tarix fakultəsinin nəzdində fəaliyyət göstərən Müdafiə Şurasında "XVIII əsrin birinci 30 ilində Azərbaycanın sosial-iqtisadi və siyasi vəziyyəti (C.Bel və İ.Q.Gerberin əsərləri əsasında)" mövzusunda tarix üzrə fəlsəfə doktoru dissertasiya işini uğurla müdafiə etmişdir. Ali Attestasiya Komissiyasının 29 iyun 2021-ci il tarixli qərarı ilə 5503.02-Vətən tarixi ixtisasındaTarix elm sahəsi üzrə Fəlsəfə Doktoru elmi dərəcəsi almışdır.

Əmək fəaliyyətinə 1997-1999-cu və 2000-2006-cı illərdə Lənkəran rayonu Xanbulan kənd tam orta məktəbində tarix müəllimi, 2006-cı ilin sentyabr ayından 2008-ci ilin aprelinədək həmin məktəbdə tərbiyəvi işlər üzrə direktor müavini vəzifəsində işləmişdir. 2008-ci ilin aprel ayından 2013-cü ilin may ayınadək Lənkəran rayonu Parakənd kənd tam orta məktəbinin direktoru olmuş, 15 may 2013-cü il tarixindən - 14 oktyabr 2020-ci il tarixinədək Lənkəran Şəhər İcra Hakimiyyəti başçısı aparatının İctimai-siyasi və humanitar məsələlər şöbəsində müxtəlif məsul vəzifələrdə çalışmışdır. 2016-cı il 15 sentyabr tarixindən Lənkəran Dövlət Universitetinin “Tarix və onun tədrisi metodikası” kafedrasında 0,5 ştat vahidi müəllim, 15 oktyabr 2020-ci il tarixindən Qeydiyyat, qiymətləndirmə, monitorinq və keyfiyyətə nəzarət üzrə bölmə rəhbəri, oktyabr 2021-ci il tarixdən Tədrisin təşkili və təlim texnologiyaları mərkəzinin direktor müavini (Qiymətləndirmə və monitorinq şöbəsinin müdiri), 08 yanvar 2022-ci il tarixindən Tədrisin təşkili və keyfiyyətə nəzarət şöbəsinin müdiri vəzifəsində işləmişdir. 05 yanvar 2023-cü il tarixindən hal-hazıradək Keyfiyyət təminatı şöbəsinin müdiri və “Tarix və onun tədrisi metodikası” kafedrasının dosentidir. Tarix müəllimliyi ixtisası bakalavr hazırlığı üçün Azərbaycan tarixi fənni üzrə 4 bölmədən ibarət hazırladığı proqrama Azərbaycan Respublikası Təhsil Nazirinin 02.02.2022-ci il tarixli F-55 saylı əmri ilə nəşr hüququ (qrif) verilmişdir. 20 tezis və eimi məqaləsi Ali Attestasiya Komissiyasının tanıdığı jurnallarda nəşr olunmuşdur

1999-2000-ci illərdə Azərbaycan Respublikasının Sillahlı Qüvvələrində həqiqi hərbi xidmətdə olmuşdur. 2004-cü ildən Yeni Azərbaycan Partiyasının üzvüdür. Evlidir, iki övladı var.

E-mail: asif.imanli1974@mail.ru