Lənkəran Dövlət Universitetinin Tələbə Elmi Cəmiyyəti.
2018-2019-cu tədris ilində yenidən qurulan Lənkəran Dövlət Universiteti Tələbə Elmi Cəmiyyətinin hal-hazırda strukturu:
Ülkər Fərzəliyeva - Lənkəran Dövlət Universiteti üzrə sədr
27 iyul 1992-ci ildə Lənkəran rayonunun Moğonojoba kəndində anadan olmuşdur. 1998-ci ildə Şürük kənd orta məktəbinin birinci sinfinə daxil olmuş və 2009-cu ildə təhsilini müvəffəqiyyətlə bitirmişdir. 2009-cu ildə Lənkəran Dövlət Universitetinin “Riyaziyyat və informatika müəllimliyi” ixtisasına qəbul olmuş, 2013-cü ildə bakalavr pilləsini bitirərək, 2013-2015-ci illərdə Lənkəran Dövlət Universitetinin magistratura şöbəsinin “Riyazi analiz” ixtisaslaşması üzrə təhsil almışdır. 2018-ci ildə Lənkəran Dövlət Universitetinin “Kompüter elmləri” ixtisası, fəlsəfə doktoru üzrə doktoranturaya qəbul olmuşdur. 2014-2017-ci illərdə Lənkəran Dövlət Humanitar Kollecində metodist-müəllim vəzifəsində çalışmışdır. Hal-hazırda Universitetin “Riyaziyyat və informatika” kafedrasında baş müəllim kimi çalışır. Elmi işi ilə əlaqədar çap olunmuş 13 elmi məqalə və tezisin müəllifidir.
Elektron poçt ünvanı: ulker_salayeva@mail.ru
Qalib Əmənov – “Tarix, coğrafiya və incəsənət” fakültəsi üzrə Sədr
17 sentyabr 1975-ci ildə Lerik rayonunun Nücü kəndində anadan olmuşdur. 2003-cü ildə Lənkəran Dövlət Universitetinin Təbiyyat fakültəsinin “Coğrafiya” ixtisasının bakalavr pilləsini, 2005-ci ildə isə magistartura pilləsi üzrə “İqtisadi və sosial coğrafiya” ixtisasını fərqlənmə diplomu ilə bitirmişdir. 2005-ci ildə Lənkəran Dövlət Universitetində kiçik elmi işçi, elmi işçi, dekan müavini vəzifələrində işləmişdir. Hazırda “Coğrafiya və onun tədrisi metodikası” kafedrasının müəllimi kimi fəaliyyət göstərir. 2011-ci ildən AMEA-nın H.Ə.Əliyev adına Coğrafiya İnsititutunun dissertantıdır. Birinci Qarabağ müharibəsi veteranıdır.
Elektron poçt ünvanı: 75winner@mail.ru
Şəfa Ağazadə - "Filologiya və ibtidai təhsil" fakültəsi üzrə Sədr
1996-cı il iyulun 17-də Lənkərən rayonunun Veravul kəndində anadan olmuşdur. 2014-cü ildə Lənkəran Dövlət Universitetinin “Tərcümə” ixtisasına qəbul olmuş, 2018-ci ildə həmin ixtisas üzrə bakalavr səviyyəsini bitirmişdir. 2020-2022-ci illərdə LDU-nun “Xarici dilin tədrisi metodikası və metodologiyası” ixtisaslaşması üzrə magistr təhsilini müvəffəqiyyətlə başa vurmuşdur. 2019-cu ildə Lənkəran Tibb Kollecində İngilis dili müəllimi kimi işə başlamışdır. 2022-ci ildə LDU-nun nəzdində Sosial və Aqrar–Texnoloji Kollecdə İngilis dili müəllimi kimi çalışmışdır. 2022-ci ilin sentyabrından isə Lənkəran Dövlət Universitetində müəllim kimi fəaliyyət göstərir.
Elektron poçt ünvanı: aghazadashafa1122@gmail.com
Arzu Nuruzadə - Aqrar və mühəndislik fakültəsi üzrə Sədr
04 may 1996-cı ildə Lənkəran şəhərində anadan olmuşdur. 2013-cü ildə Lənkəran Şəhər R. Bədəlov adına 9 saylı tam orta məktəbini bitirdikdən sonra 2013-2017-ci illərdə Lənkəran Dövlət Universitetində Təbiyyat fakültəsinin ”Riyaziyyat və informatika müəllimliyi” ixtisası üzrə bakalavr, 2019-2021-ci illərdə həmin universitetin eyniadlı fakültəsinin “İnformatikanın tədrisi metodikası və metodologiyası” ixtisaslaşması üzrə magistr təhsili almışdır. 2016-cı ildən etibarən Lənkəran Dövlət Universitetində müxtəlif vəzifələrdə çalışmışdır. 2021-ci ildən etibarən Lənkəran Dövlət Universiteti “Texnologiya və texniki elmlər” kafedrasında müəllim vəzifəsində çalışır. 3 elmi məqalə və tezisin müəllifi, müxtəlif Respublika və beynəlxalq səviyyədə təşkil olunmuş müxtəlif müsabiqə və təlimlərin iştirakçısı olmuşdur.
Elektron poçt ünvanı: arzu.nuruzade96@gmail.com
Səyyar Ağazadə - Baytarlıq fakültəsi üzrə Sədr
26 oktyar 1998-ci ildə Lənkəran rayon, Zövlə kəndində anadan olmuşdur. 2016-cı ildə M.Qarayev adına Zövlə kənd tam orta məktəbini bitirərək Lənkəran Dövlət Universitetinin “Baytarlıq” ixtisasına qəbul olmuş, 2018-2019-cu illərdə dəyişim proqramları ilə iki dəfə Türkiyənin Kars Kafkas Universitetinin baytarlıq ixtisasında təhsilini davam etmişdir. Lənkəran Dövlət Universitetində “Baytar-sanitar ekspertizası” ixtisaslaşması üzrə magistr təhsilini bitirdikdən sonra yüksək balla Türkiyənin Kars Kafkas Universitetinin “Parazitologiya” ixtisası üzrə doktorantura pilləsinə qəbul olunub. Hal-hazırda Türkiyənin Kars Kafkas Universitetinin doktorantıdır, eyni zamanda LDU-nun Baytarlıq Laboratoriyasının Müdiridir.
Elektron poçt ünvanı: a.seyyar.26@gmail.com
Şəbinə Niftullayeva - Təbiyyat fakültəsi üzrə Sədr
14 sentyabr 1990-cı ildə Lənkəran şəhərində anadan olmuşdur. 2011-ci ildə Azərbaycan Dövlət Pedaqoji Universitetinin “Riyaziyyat” fakültəsini bitirmişdir. 2013-cü ildə Sumqayıt Dövlət Universitetinin “Diferensial tənliklər” ixtisası üzrə magistratura şöbəsini bitirmişdir. 2014-cü ildən Lənkəran Dövlət Universitetində “Diferensial tənliklər” ixtisası, fəlsəfə doktoru proqramı üzrə doktorantura şöbəsinə daxil olmuş və 2018-ci ildə bitirmişdir. 2013-cü ildən 2014-cü ilədək Lənkəran Dövlət Universitetinin “Fizika, riyaziyyat və informatika” kaferdasında “baş laborant” vəzifəsində, 2014 – cü ildən 2015-ci ilədək Lənkəran Dövlət Universitetində “Riyazi iqtisadi təhlilin və iqtisadi inkişafın problemləri” elmi-tədqiqat laboratoriyasında “kiçik elmi işçi” vəzifəsində, 25.02.2015-08.06.2016-cı illərdə “dəftərxana müdiri” vəzifəsində, 08.06.2016-06.03.2017-ci ilərdə “İnsan resusları və kargüzarlıq şöbəsində”, “Dəftərxana işləri üzrə mütəxəssis”, 06.03.2017-ci il tarixindən Təbiyyat fakültəsinin dekan müavini vəzifəsində çalışmışdır.
Elektron ünvanı: sebineniftullayeva_90@mail.ru
Murad Məmmədov – “İqtisadiyyat və idarəetmə” fakültəsi üzrə Sədr
26 mart 1992-ci ildə Lənkəran rayonunda anadan olmuşdur. 2008-ci ildə Lənkəran Dövlət Universitetinin “İstehsal və xidmət sahələrinin iqtisadiyyatı və idarə edilməsi” ixtisasına qəbul olmuş, 2012-ci ildə həmin ixtisası bitirmişdir. 2012-2013-cü illərdə hərbi xidmətdə olmuşdur. 2013-cü ildə Lənkəran Dövlət Universitetinin “İstehsal sferasında mühasibat uçotu və audit” ixtisaslaşması üzrə magistratura pilləsinə qəbul olmuş, 2016-cı ildə təhsilini əla qiymətlərlə bitirmişdir. 2018-ci ildə “Sahə iqtisadiyyatı” ixtisası üzrə Lənkəran Dövlət Universitetinin doktorantura şöbəsinə daxil olmuşdur. “Aqrar sahədə logistik idarəetmə sisteminin təkmilləşdirilməsi problemləri” mövzusunda dissertasiya işi üzərində işləyir. 2013-2015-ci illərdə Lənkəran Dövlət Universitetində iqtisadçı vəzifəsində, 2015-2018-ci illərdə bank sektorunda çalışmışdır. 2018-ci ildən Lənkəran Dövlət Universitetində akademik məsləhətçi vəzifəsində çalışmış, 2019-cu ildən 2021-ci ilədək “İqtisadiyyat və innovativ idarəetmə” kafedrasında saathesabı müəllim, 2021-ci ilin sentyabrından hal-hazıradək “İqtisadiyyat və innovativ idarəetmə” kafedrasında 1.0 ştat müəllim, 2024-cü ildən 1.0 ştat baş müəllim vəzifəsində çalışır. “Marketinq”, “Marketinq tədqiqatları”, “Beynəlxalq Marketinq”, “Xidmət sahələrinin marketinqi”, “İqtisadiyyata giriş”, “Beynəlxalq iqtisadiyyat”, “Makroiqtisadiyyat ” və s. fənlərini tədris edir.
Elektron poçt ünvanı: m.mammadov@lsu.edu.az