Beynəlxlaq Dil Mərkəzinin rəhbəri
Beynəlxalq Dil Mərkəzi Birləşmiş Millətlər Təşkilatının iclaslarında istifadə edilən və bütün rəsmi BMT sənədlərinin tərtib olunduğu 6 rəsmi dillər üzrə guşələrin yaradılmasını, bu guşələrin köməyilə həmin dillər üzrə LDU professor-müəllim heyəti və tələbələrinin xarici ölkələrə treyninqlərə, vebinarlara, kurslara göndərilməsinin (canlı və onlayn) təşkilini, eyni zamanda xarici ölkələrin müxtəlif universitetlərindən professor-müəllim heyəti və tələblərin LDU-ya gəlib bu dillər üzrə yaradılmış guşələrdə treyninqlər, vebinarlar, kurslar keçirmələrinin təşkili və təmin olunmasını nəzərdə tutur.
Beynəlxlaq Dil Mərkəzinin rəhbəri Mirzəyeva Ülviyyə Əlihüseyn qızı
Mirzəyeva Ülviyyə Əlihüseyn qızı 22 aprel 1982-ci ildə Bakı şəhərində anadan olmuşdur.
1989-1997-cİ illər Bakı şəhəri 146 saylı orta məktəbdə oxumuş, 1997-1999-cu illər isə “Zəngi” litseyini Biokimya və Genetika profili üzrə bitirmişdir.
1999-2003-cü illərdə Bakı Slavyan Universitetin Filologiya fakültəsinin bakalavriatura səviyyəsi üzrə Rus dili və ədəbiyyatı ixtisasını, 2003-2005-ci illərdə universitetinin magistratura səviyyəsini Filologiya istiqaməti üzrə “Rus dili və ədəbiyyatının tədrisi metodologiyası və metodikası” ixtisasını “Fərqlənmə” diplomuyla bitirmişdir.
2004-2011-ci illərdə Azərbaycan Dövlət Nəşriyyatında bir neçə redaksiyalarda müxbir, dizayner və şöbə müdiri, 2011-13 cil illərdə Heydər Əliyev adına Beynəlxalq Hava Limanında “VİP Aviasiya Xidmətləri” şirkətində işləmişdir.
2014-2017-ci illər 1 saylı Uşaq-Gənclər İnkişaf Mərkəzində dərnək rəhbəri işləmişdir.
2018-2022-ci illərdə Lənkəran Dövlət Universitetində Beynəlxalq Əməkdaşlıq Şöbəsinin müdir müavini kimi işləmişdir.
2022-ci ilin yanvarın 5-dən LDU-da Beynəlxaq Dil Mərkəzinin rəhbəri və Lənkəran Amerika Guşəsinin koordinatorudur.
Eyni zamanda Xarici dillər və tərcümə kafedrasının xarici dil (rus dili) müəllimidir.
2016-cı ildən Bakı Slavyan Universitetinin doktorantıdır. Yerli və beynəlxalq konfranslarda iştirak edir və bununla bağlı məqalələri və tezisləri dərc olunur. 16-dan çox tezis və məqalənin müəllifidir.
