1. Lənkəran Dövlət Universiteti
2. Təcrübə, potensial inkişaf və karyera bölməsi

Təcrübə, potensial inkişaf və karyera bölməsi respublikanın ayrı-ayrı regionlarında fəaliyyət göstərən dövlət və özəl şirkətlərlə işgüzar əlaqələrin qurulmasına, təcrübəkeçmə müəssisələri üçün razılıq məktublarının hazırlanmasına, Təcrübə müqavilələrinin hazırlanması və bağlanmasına, təcrübə proqramlarının hazırlanmasında təcrübə obyektlərinin təkliflərinin nəzərə alınmasına, dövlət və özəl şirkətlərin vakansiyaları haqqında məlumatların təcrübəçi-tələbələrə çatdırılmasına, əmək bazarında tələbələrin rəqabət qabiliyyətliliyinin yüksəldilməsinə, onlara peşə inkişafı seçiminə yardım edir. Tələbələri təşkil olunmuş təlimlər vasitəsilə ilə CV hazırlama, iş axtarma, işə müraciət və müsabiqədə iştirak qaydaları haqqında maarifləndirir. Universitetdə tələbə qəbulu aparılan təhsil proqramlarını (ixtisasların) geniş təbliğ edir. Biznes dairələri ilə əlaqələri genişləndirir. Biznes sahəsində və elmi-pedaqoji fəaliyyətdə uğur qazanmış insanlarla görüşlər təşkil edir.

Təcrübəyə buraxılacaq tələbələrin siyahısını müəyyənləşdirərək müvafiq əmr layihəsinii hazırlayır. Təcrübələrin gedişinə nəzarəti həyata keçirir.

Tələbə və məzunlara iş tapmaqda və təcrübə toplamaqda, karyera inkişafında və seçimində yardım göstərir. Tələbələrin iş təcrübəsi yerlərinin müəyyənləşdirilməsi, məzunların işlə təmin edilməsi məqsədi ilə özəl və dövlət qurumları ilə əməkdaşlığın qurulmasını, tələbələrin ixtisasları üzrə dövlət və özəl müəssisələrdə təcrübə keçmələrini və işlə təmin olunmasını təşkil edir. Karyera planlamasının vacibliyini tələbələrə aşılayır və bu mövzularda onlara fərdi şəkildə köməklik göstərir. İş və sosial həyatda daha da uğurlu olmaq üçün tələbə və məzunlara müvafiq konsaltinq (məsləhət görüşləri) keçirir. Yerli və beynəlxalq müəssisələrin təşkil etdiyi təqaüd proqramları haqqında tələbələri məlumatlandırır və bu proqramlarda iştirakına dəstək göstərir.

Şəxsi və peşəkar inkişaf sahələrində uğur qazanmış şəxslərlə görüşlər təşkil edir. İş dünyasının tələb etdiyi bacarıq və bilgilərə yiyələnmək üçün praktik seminar və təlimlər təşkil edir. CV, rezume və motivasiya məktublarının yazılmasına dair seminarlar, müsahibə və praktik məşğələlər, karyera seçimində məsləhət, liderlik və sahibkarlıq mövzusunda geniş tədbirlər, əmək yarmarkaları təşkil edir və işgüzar görüşlər təklif edir. Fəaliyyət sahələri üst-üstə düşən tələbə klubları ilə ortaq proqramların təşkilini, İş Dünyasının (ayrı-ayrı şirkət və ya müəssisələrin) maraqlarını əks etdirən müxtəlif təyinatlı (elmi, idman, sosial, iqtisadi, mədəniyyət və s. xarakterli) proqramların tələbə klubları ilə ortaq keçirilməsini təmin edir. Fərdi olaraq hər bir tələbənin karyera planını qurma qaydaları haqqında tələbələri məlumatlandırır. Tələbələrin suallarına cavab verildikdən sonra onlara ayrılıqda öz karyeralarını necə qurmaları haqqında məsləhətlər verilir. Karyera sərgilərini təşkil edir və müvafiq şirkətlərin o sərgilərdə iştirakını təmin edir. Məzun-məzun və məzun-universitet arasındakı əlaqələrin qorunub saxlanılmasını və inkişaf etdirilməsini sosial, mədəni və idman fəaliyyətlərinin dəstəyi ilə həyata keçirir. Məzunları iş imkanları ilə təmin etmək məqsədi ilə şirkətlərlə məzunlar arasında əlaqələr qurur və bu istiqamətdə bir sıra fəaliyyətlər həyata keçirir. İş təcrübəsi olmayan məzunlar üçün müvafiq təcrübə yerlərinin tapılmasını həyata keçirir. Məzunlar və tələbələr haqqında statistik məlumat bazası yaradır və rezüme bazası hazırlayır.

1. Muradxanlı Bəxtiyar Malik oğlu - Təcrübə üzrə mütəxəssis

2. Həşimli Fidan Elman qızı - Potensial inkişaf və karyera üzrə mütəxəssis

3. Məcidova Firuzə İbrahim qızı - Məzunlarla iş üzrə mütəxəssis

4. Sultanova Şərqiyyə Bəxtiyar qızı - Məzunlarla iş üzrə mütəxəssis